Leta wea Pol hemi raetem go long sios long Rom 9:26 - Pijin Bible

²⁶ An long ples wea mi talem olketa olsem, ‘Yufala ya no pipol blong mi.’ bae mi talem olketa olsem moa, ‘Yufala nao i pikinini blong mi God, hu i givim laef.’”

Pijin Deuterocanon

²⁶ An long ples wea mi talem olketa olsem, ‘Yufala ya no pipol blong mi.’ bae mi talem olketa olsem moa, ‘Yufala nao i pikinini blong mi God, hu i givim laef.’”

Leta wea Pol hemi raetem go long sios long Rom 9:26 Iomraidhean Croise

Sams 42:2

Yu nao yu God hu hemi laef, an mi nidim yu tumas, olsem wea mi barava dae fo wata ya. ?Wataem nao bae mi save kam long Tambuhaos blong yu fo wosipim yu?

Aesaea 43:6

Bae mi talem olketa long not fo letem olketa pikinini blong mi fo kambaek long mi, an olketa long saot fo no stopem olketa from mi. Bae olketa ya mas lidim olketa san an dota blong mi hu i stap farawe kam long olketa ples long wol fo kambaek hom long mi.

Daniel 6:26

Mi laek fo tokstrong long evri pipol long kingdom ya fo tinghae an mekhae long disfala God wea Daniel hemi wosipim. “God ya hemi laef, an bae hemi rul evritaem olowe nao. No eni man save spoelem kingdom blong hem, an paoa blong hem bae hemi no save finis.

Matiu 16:16

So long taem ya nomoa, Saemon Pita hemi sei nao, “Masta, yu nao disfala Mesaea ya. Yu ya, yu San Blong God hu hemi laef ya.”

Gudnius abaotem Jisas Kraes wea Jon hemi raetem 11:52

An bae hemi no dae fo helpem olketa Jiu nomoa, bat bae hemi dae fo mekem evri pikinini blong God hu i stap long olketa ples raonabaot, bae olketa joen tugeta fo kamap wanfala seksin nomoa.

Leta wea Pol hemi raetem go long sios long Rom 8:14

Olketa pipol hu Spirit blong God hemi lidim olketa, olketa nao pikinini blong God.

Leta wea Pol hemi raetem go long sios long Rom 8:16

Holi Spirit nao hemi talem spirit blong yumi dat yumi pikinini blong God.

Leta wea Pol hemi raetem go long sios long Rom 8:19

Evrisamting God hemi mekem, olketa gohed weit nomoa fo taem wea God bae hemi somaot hu nao olketa pikinini blong hem.

2 Korin 6:18

An mi nao bae mi olsem Dadi blong yufala, an bae yufala nao olketa san an dota blong mi. Mi God wea mi garem evri paoa nao mi talem diswan.”

Galesia 3:26

Yufala evriwan ya yufala i olketa pikinini blong God bikos yufala biliv long Jisas Kraes.

Diutronomi 14:1

Mosis hemi gohed fo tok olsem, “Yufala nao i olketa pikinini blong Yawe, God blong yufala. So taem eniwan hemi dae, yufala mas no katem bodi blong yufala, an yufala mas no resam o pulumaot hea long fohed blong yufala tu.