Leta wea Pol hemi raetem go long sios long Rom 9:14 - Pijin Bible

¹⁴ ?Wanem nao bae yumi talem? ?Waswe, God hemi duim samting wea hemi no stret long pipol? !Nomoa ya!

Pijin Deuterocanon

¹⁴ ?Wanem nao bae yumi talem? ?Waswe, God hemi duim samting wea hemi no stret long pipol? !Nomoa ya!

Leta wea Pol hemi raetem go long sios long Rom 9:14 Iomraidhean Croise

Jenesis 18:25

Long tingting blong mi, yu no save spoelem olketa evriwan olsem ya. Sapos yu spoelem taon ya, bae olketa nogud pipol an olketa gudfala pipol dae wantaem nao ya. !Diskaen ya hemi no wei blong yu ya! Yu no mekem hemi semsem nomoa long olketa nogud pipol wetem olketa gudfala pipol. Yu man fo jajem olketa pipol long wol. !Yu gohed fo jajem man long stretfala wei nomoa!”

2 Kronikols 19:7

Yufala mas tinghae long Yawe hu hemi God blong yumi. Yufala mas keakea fo jaj long stretfala wei, bikos hemi les long wei wea hemi no stret, an hemi les long jaj hu hemi saetem eni man, an hemi les long wei fo grisim jaj long seleni.”

Stori abaotem Job 35:2

Job, ating wei blong yu hemi no stret. Yu talem dat laef blong yu hemi stret nomoa long ae blong God.

Stori abaotem Job 8:3

God hemi nating save benem stretfala wei fo kamap kruket. God hu hemi garem evri paoa hemi nating spoelem wanem hemi stret.

Sams 145:17

Evrisamting wea Yawe hemi duim hemi stret fogud, an evrisamting wea hemi duim, hemi somaot dat hemi tinghevi tumas long yumi.

Sams 92:15

Evrisamting ya nao hemi som dat wei blong Yawe hemi stret fogud, An hemi som dat God hu hemi gadem mi hemi stret olowe.

Jeremaea 12:1

(Profet) O Yawe. Long evri taem mi talemaot poen blong mi agensim yu, yu gohed fo somaot dat yu stret fogud. Bat mi laek fo askem samfala kuestin long yu abaotem wei blong yu fo jajem pipol. ?Waswe nao olketa man nogud gohed fo win oltaem? ?An waswe nao olketa hu i no stap tru long yu, olketa garem gudfala laef?

Gudnius abaotem Jisas Kraes wea Luk hemi raetem 20:16

Bae hemi kam an kilim olketa man ya fo dae, an bae hemi letem olketa nara man nao fo haerem plantesin ya moa.” Taem olketa pipol olketa herem diswan nomoa, olketa sei nao, “!Nomoa ya, hemi no save olsem ya!”

Leta wea Pol hemi raetem go long sios long Rom 2:11

Bikos God hemi no save fevarem eniwan.

Leta wea Pol hemi raetem go long sios long Rom 2:5

Bat yufala bikhed tumas an yufala no wande sensim nomoa tingting blong yufala. So yufala mekem panis blong yufala hemi kamap bikfala moa, an bae hemi kasem yufala long datfala de wea God bae hemi somaot kros blong hem an stretfala wei blong hem fo jajem evriwan.

Leta wea Pol hemi raetem go long sios long Rom 3:1

?Waswe nao hemi moabeta fo stap olsem wanfala man blong Jiu? ?An watkaen gudfala samting nao save kamaot long disfala kastom fo kate?

Leta wea Pol hemi raetem go long sios long Rom 9:30

Nao wanem mifala talem hemi olsem. Olketa pipol hu i no Jiu an hu i no trae fo kamap stret falom Lo, olketa stret finis long ae blong God bikos olketa biliv nomoa.

Diutronomi 32:4

Yawe hemi sefples fo haed. Wei blong hem hemi gud tumas, an hemi stret olowe nomoa. Hemi God hu hemi tinghevi long yufala pipol blong hem. Hemi stret nomoa an hemi no save duim eni nogud samting.

Revelesin 16:7

Mi herem moa wanfala voes long olta hemi tok olsem, “!Ya, hemi tru! God Masta, yu nao garem evri paoa. Olketa wei blong yu fo jajem olketa pipol, hemi tru an stret tumas.”