Leta wea Pol hemi raetem go long sios long Rom 8:20 - Pijin Bible

²⁰ Hem olsem bikos evrisamting ya i stap fo nogud. Diswan hemi no minim olketa samting ya laekem fo olsem, bat falom tingting blong God. Bat God hemi mekem plan finis,

Pijin Deuterocanon

²⁰ Hem olsem bikos evrisamting ya i stap fo nogud. Diswan hemi no minim olketa samting ya laekem fo olsem, bat falom tingting blong God. Bat God hemi mekem plan finis,

Leta wea Pol hemi raetem go long sios long Rom 8:20 Iomraidhean Croise

Jenesis 5:29

Hemi tok olsem, “Pikinini ya bae hemi helpem yumi, mekem yumi res lelebet long olketa hadwaka blong yumi long graon ya, wea Yawe hemi jajem finis an hemi mekem kamap nogud.” Nao hemi kolem pikinini ya Noa.

Jenesis 6:13

Nao God hemi tok olsem long Noa, “Bikos wol ya hemi kamap ful nao long evri ravis samting wea olketa pipol ya i mekem, bae mi barava finisim wol ya nao wetem pipol ya.

Sams 39:5

Distaem yu bin mekem laef blong mi fo hemi sotfala fogud. Long ae blong yu, taem blong mi fo laef hemi samting nating nomoa. Laef blong man, hemi olsem nomoa wanfala smolfala win, wea hemi blou fo lelebet taem nomoa, an finis nao.

Eklesiastes 1:2

Disfala Waes Tisa hemi tok olsem, “!Laef blong yumi, hemi no fitim tingting blong yumi! !Ya, evrisamting hemi barava no fitim wanem yumi tingim!”

Jeremaea 12:11

Bae olketa mekem disfala lan blong mi wea no enisamting save grou long hem. Hemi kamap emti nomoa, an hemi olsem lan wea hemi kraeaot long mi. Ya, olketa enemi i spoelem lan blong mi an no eniwan hemi sore long hem.

Jeremaea 12:4

?Hao long nao lan blong mifala bae hemi stap drae, an olketa gras blong olketa animol i stap drae olsem? Distaem olketa animol an olketa bed i gohed nomoa fo dae, bikos olketa pipol hu i stap long lan ya i gohed fo falom olketa ravis wei. An narasamting moa, olketa gohed fo tok olsem, “Bae man ya kanduit lukim enisamting hemi hapen long mifala.”

Hosia 4:3

From disfala samting nao, bae mi mekem evrisamting long disfala lan fo kamap drae, an evrisamting wea hemi stap insaet bae hemi dae. Evri animol an evri bed an evri fis long disfala ples bae i dae evriwan.”

Joel 1:18

Evri buluka i gohed fo krae bikfala an i gohed fo go olobaot, bikos olketa no garem eni moa gras fo kaikaim. Ya, olketa sipsip tu i gohed fo safa fogud.

Leta wea Pol hemi raetem go long sios long Rom 8:22

Yumi save, kam kasem distaem, evrisamting God hemi bin mekem, olketa kraeaot bikfala from olketa pein tumas, olsem woman wea hemi kolsap fo bonem pikinini.

Leta wea Pol hemi raetem go long sios long Rom 8:24

God hemi sevem yumi finis so yumi gohed fo weitem olketa samting hemi promisim long yumi. Bat sapos yumi kasem finis wanem yumi weitem, bae yumi no save gohed fo weitem moa. ?Hu nao i save gohed fo weitem samting wea hemi garem finis?