Leta wea Pol hemi raetem go long sios long Rom 8:14 - Pijin Bible

¹⁴ Olketa pipol hu Spirit blong God hemi lidim olketa, olketa nao pikinini blong God.

Pijin Deuterocanon

¹⁴ Olketa pipol hu Spirit blong God hemi lidim olketa, olketa nao pikinini blong God.

Leta wea Pol hemi raetem go long sios long Rom 8:14 Iomraidhean Croise

Sams 143:10

Yu nao yu God blong mi, plis yu tisim mi fo duim olketa samting wea yu laekem. Plis yu kaen long mi, an yu lidim mi long wei wea hemi sef.

Provebs 8:20

Oltaem mi falom stretfala wei, an duim wanem hemi stret nomoa.

Hosia 1:10

(Profet) Olketa pipol blong Israel. Bae yumi kamap plande tumas olsem sanbis long saetsi, wea no eniwan save kaontem. Distaem Yawe hemi gohed fo tok olsem, “Yufala i no pipol blong mi nao,” bat bae hemi kasem wanfala de wea bae hemi tok olsem long yumi, “Yufala nao i pikinini blong mi, God blong yufala wea mi laef.”

Matiu 5:9

Olketa hu i save mekem olketa enemi fo frenbaek moa, olketa save hapi ya, bikos bae God hemi sei olketa nao i pikinini blong hem.

Gudnius abaotem Jisas Kraes wea Jon hemi raetem 1:12

Bat nomata olsem, olketa pipol hu i hapi wetem hem an hu i biliv long hem, hemi mekem olketa kamap pikinini blong God.

Leta wea Pol hemi raetem go long sios long Rom 8:19

Evrisamting God hemi mekem, olketa gohed weit nomoa fo taem wea God bae hemi somaot hu nao olketa pikinini blong hem.

Leta wea Pol hemi raetem go long sios long Rom 8:5

Olketa pipol hu i falom nogud wei blong sin, olketa tingting tumas long olketa nogud samting blong wol. Bat olketa pipol hu i falom Holi Spirit, olketa tingting tumas long wanem Holi Spirit hemi laekem.

Leta wea Pol hemi raetem go long sios long Rom 8:9

Bat wei blong sin hemi no kontrolem yufala. Nomoa. Holi Spirit nao hemi kontrolem yufala, bikos Spirit blong God hemi stap insaet long yufala finis. An sapos eniwan hemi no garem Spirit blong Kraes, hemi no blong Kraes nao.

Leta wea Pol hemi raetem go long sios long Rom 9:26

An long ples wea mi talem olketa olsem, ‘Yufala ya no pipol blong mi.’ bae mi talem olketa olsem moa, ‘Yufala nao i pikinini blong mi God, hu i givim laef.’”

Leta wea Pol hemi raetem go long sios long Rom 9:8

Diswan hemi minim dat i no evriwan hu i bon kam long laen blong Ebraham nao i pikinini blong God, bat olketa pikinini hu i bon kam falom disfala promis blong God, olketa nao barava pikinini blong God.

2 Korin 6:18

An mi nao bae mi olsem Dadi blong yufala, an bae yufala nao olketa san an dota blong mi. Mi God wea mi garem evri paoa nao mi talem diswan.”

Galesia 3:26

Yufala evriwan ya yufala i olketa pikinini blong God bikos yufala biliv long Jisas Kraes.

Galesia 4:5

Long wei ya nao, hemi save peimaot olketa hu i stap falom disfala Lo, mekem God hemi save adoptem yumi olsem barava pikinini blong hem.

Galesia 4:6

An fo somaot dat yumi olketa pikinini blong hem tru, God hemi sendem kam Spirit blong San blong hem fo stap long laef blong yumi. An Spirit ya hemi singaot olsem, “!Oo Aba, Dadi blong mi!”

Galesia 5:16

Mi talem yufala olsem, yufala mas letem Holi Spirit fo lidim laef blong yufala, mekem yufala no falom disfala wei blong man fo sin.

Galesia 5:18

Bat sapos Holi Spirit nao hemi lidim yufala olowe, bae Lo hemi no save bosim yufala.

Efesas 1:5

Bikos God hemi lavem yumi, hemi bin siusim yumi long bifoa kam, mekem yumi kamap olketa pikinini blong hem long waka blong Jisas Kraes. Diswan hemi wanem God hemi laekem tumas fo duim.

Efesas 5:9

bikos wei blong laet nao hemi save mekem olketa samting wea hemi gud an hemi stret an hemi tru fo kamap.

1 Jon 3:1

!God hemi lavem yumi tumas! Dastawe nao hemi sei yumi nao olketa pikinini blong hem. An hemi tru tumas, yumi barava olketa pikinini blong hem. Bat olketa pipol long disfala wol i nating save long God, an dastawe olketa nating save long yumi tu.

1 Jon 3:24

So eniwan hu hemi gohed fo obeim olketa lo blong God, hemi stap joen wetem God, an God hemi stap joen wetem hem. An God hemi givim kam Holi Spirit long yumi, mekem yumi save dat God hemi stap joen wetem yumi olowe.

Revelesin 21:7

Eniwan wea hemi winim faet blong hem bae mi givim hem olketa samting ya, an mi nao bae mi God blong hem, an hem nao bae hemi pikinini blong mi.