Leta wea Pol hemi raetem go long sios long Rom 7:14 - Pijin Bible

¹⁴ Yumi save, Lo ya hemi blong God. Bat mi, mi man nomoa ya wea mi stap olsem wakaman blong sin.

Pijin Deuterocanon

¹⁴ Yumi save, Lo ya hemi blong God. Bat mi, mi man nomoa ya wea mi stap olsem wakaman blong sin.

Leta wea Pol hemi raetem go long sios long Rom 7:14 Iomraidhean Croise

Jenesis 37:27

Hemi moabeta yumi salem hem go long olketa ya. Long wei ya nao, bae yumi no spoelem hem. !Bikos hemi brata blong yumi nomoa ya! !An yumi evriwan i bon kam long wanfala dadi nomoa!” Nao olketa evriwan i agri bat Ruben nao hemi no stap wetem olketa.

Jenesis 37:36

Bat long taem ya, olketa man blong Midian, olketa tekem Josef go long Ijip, an salem hem moa fo hemi kamap slev blong wanfala bikman blong king blong kantri ya. Bikman ya, nem blong hem nao Potifa, an hemi komanda blong olketa gad long haos blong king.

Jenesis 40:15

!Yu lukim! Mi wanfala Hibru, bat fastaem olketa man i stilim mi aot from ples blong mifala, an olketa tekem mi kam long hia. Nao taem mi stap long hia, mi no duim enisamting wea hemi fitim fo olketa torowem mi long prisin.”

1 Kings 21:20

Nao taem king hemi lukim Elaeja, hemi tok olsem, “Sei, enemi blong mi, hemi faendem mi finis.” An Profet hemi ansa olsem, “Ya, mi faendem yu nao, bikos yu gohed nomoa fo duim olketa samting wea hemi barava nogud tumas long ae blong Yawe.

1 Kings 21:25

(Nao King Ehab hemi duim olketa samting wea i barava nogud tumas long ae blong Yawe. An no eni narafala man hemi barava nogud tumas olsem hem. An evri ravis samting wea hemi duim ya, waef blong hem, Jesebel nao, hemi strongim tingting blong hem fo hemi duim.

2 Kings 17:17

Olketa bin bonem olketa pikinini blong olketa long faea fo mekem sakrifaes go long olketa narafala god. An olketa falom olketa toktok blong olketa poesen man an olketa hu i sakrifaes fo save wanem bae i kamap. Olketa tingting strong nomoa fo duim olketa barava ravis samting long ae blong Yawe, so olketa mekem hem fo kros tumas.

Stori abaotem Job 42:6

So, mi les tumas long mi seleva nao, an mi sidaon insaet long asis an long dast fo somaot dat mi sensim tingting blong mi.

Sams 119:25

Lod Yawe, mi kolsap dae nao. Plis yu mekem mi laef gudfala moa, olsem wea yu bin promisim finis.

Sams 51:6

Bat yu laekem tumas fo man hemi barava toktru olowe. Plis yu fulumapem maen blong mi long waes blong yu.

Provebs 30:2

Mi krangge tumas winim evriwan. Mi no garem eni gudfala save.

Provebs 30:5

Evri toktok blong God i barava tru. Hemi gadem olketa hu i kam long hem fo faendem sefples.

Aesaea 50:1

Yawe nao hemi tok moa olsem, “Olketa pipol blong mi. ?Waswe, yufala tingse mi bin les nomoa long yufala, olsem man hu hemi divosim waef blong hem? ?Wea nao olketa pepa fo somaot divos ya? ?Yufala tingse mi bin salem yufala nomoa fo olketa pipol long narafala kantri, olsem man hu hemi salem olketa pikinini blong hem fo waka olsem slev long narafala kantri? !Nomoa nao! Olketa bin fosim yufala fo lusim lan blong yufala an go long narafala kantri bikos yufala bin sin tumas, an mi les long yufala bikos wei blong yufala hemi barava nogud tumas.

Aesaea 52:3

Hem nao Lod Yawe hemi tok olsem, “Taem olketa enemi i tekem yufala fo waka olsem slev, olketa nating peim nomoa eni seleni. Nao taem wea mi mekem yufala fri moa, bae mi no peim yufala aot nomoa long eni seleni.

Aesaea 6:5

Mi tok olsem, “!Man! !Mi barava no fitim fo laef nao! Evri toktok wea hemi kamaot long maos blong mi hemi fulap nomoa long sin, an mi stap long midol long olketa pipol wea evri toktok blong olketa hemi fulap tu long sin. Nomata olsem, mi bin lukim finis disfala King, Yawe hu hemi garem evri paoa.”

Levitikas 13:12

“Bat sapos eni sik long skin hemi kamap evriwea long skin blong wanfala man, stat long hed go kasem lek blong hem,

Levitikas 13:16

Bat sapos soa ya hemi finis, disfala man hemi mas kam long prist,

Levitikas 19:18

An yufala mas no gohed fo heitem eni wantok o sensimbaek eni ravis wei blong hem. Bat, yufala mas barava lavem olketa wantok olsem yufala lavem yufala seleva, bikos mi nao Yawe.

Emos 2:6

Yawe hemi tok olsem, ?Bikos yufala olketa pipol blong Israel i gohed fo sin olowe nomoa, mi mas talem tru long yufala wea bae mi panisim yufala fo disfala ravis wei blong yufala. Yufala gohed nomoa fo salem olsem slev, olketa stretfala pipol hu i no save sensimbaek kaon blong yufala. An yufala gohed fo salem tu olketa pua pipol hu i no save sensimbaek praes long tufala saet sandol nomoa.

Matiu 16:23

Bat Jisas hemi taneraon nomoa, an hemi tok go long Pita olsem, “!Seitan, yu giraot! !Yu no trae fo stopem mi olsem! Wanem yu talem ya, hemi no tingting blong God ya bat hemi tingting blong man nomoa.”

Matiu 18:25

An man ya hemi nating fit fo sensimbaek seleni ya moa. So king ya hemi talem olketa fo tekem disfala man wetem waef blong hem an evri pikinini blong hem an salem olketa olsem slev, an fo olketa salem tu evrisamting wea man ya hemi garem, mekem hemi sensim seleni ya.

Matiu 5:22

Bat mi ya, mi talem long yufala, sapos eniwan hemi kros long brata blong hem, bae olketa tekem hem go long kot mekem olketa panisim hem. An sapos eniwan hemi tokspoelem brata blong hem, bae olketa tekem hem go long Kansol mekem olketa panisim hem. An sapos eniwan hemi suea nogud long brata blong hem, bae hemi mas go long faea long hel.

Matiu 5:28

Bat mi ya, mi talem long yufala, nomata man hemi lukluk go long woman nomoa wea tingting blong hem hemi laek fo slip wetem hem, hemi olsem hemi brekem lo blong marit nao ya.

Gudnius abaotem Jisas Kraes wea Luk hemi raetem 5:8

Taem Saemon Pita hemi lukim diswan nomoa, hemi nildaon long frant blong Jisas, an hemi tok olsem, “Masta, yu goawe from mi nao, bikos mi man wea mi garem sin.”

Gudnius abaotem Jisas Kraes wea Luk hemi raetem 7:6

So Jisas hemi go wetem olketa man ya nao. Bat taem hemi kolsap kasem haos blong bikman ya, bikman ya hemi sendem go samfala fren blong hem fo talem Jisas olsem, “Masta, yu no hadwaka fo kam nomoa, bikos mi ya mi nating fitim fo yu kam insaet long haos blong mi.

Leta wea Pol hemi raetem go long sios long Rom 3:9

?So wanem nao yumi save talem? ?Waswe, yumi olketa Jiu nao yumi gudfala moa winim olketa nara pipol? !Nomoa ya! Mi talemaot finis nao wea olketa Jiu an olketa pipol hu i no Jiu, tingting fo duim enikaen ravis samting hemi bosim evriwan.

Leta wea Pol hemi raetem go long sios long Rom 6:6

Yumi save, hemi olsem olketa nilam olfala laef blong yumi long kros wetem Kraes nao, mekem God hemi finisim paoa blong sin wea hemi stap long olfala laef blong yumi. Long wei ya nao sin hemi no save gohed fo bosim yumi.

Leta wea Pol hemi raetem go long sios long Rom 7:18

Long saet blong mi, mi save, mi wanfala man blong wol nomoa. No eni gud samting hemi stap insaet long mi. Bikos nomata mi garem tingting fo duim gudfala samting, bat mi nating save duim nomoa.

Galesia 4:3

Yumi olsem tu. Taem yumi olsem disfala pikinini yet, yumi stap wakaman blong olketa wei blong wol nomoa.

Efesas 3:8

Nomata mi lou winim evri pipol blong God, God hemi kaen tumas an hemi givim mi disfala waka. Hemi sendem mi go long olketa hu i no Jiu, fo talemaot Gudnius abaotem olketa gudfala samting blong Kraes wea tingting blong yumi no save kasem.

Diutronomi 6:5

An yufala mas lavem Yawe, God blong yufala, long evrisamting long maen blong yufala, an long evri tingting blong yufala, an long evri strong blong yufala.

Hibrus 4:12

Toktok blong God hemi garem laef an hemi gohed fo waka nomoa. Hemi barava sap tumas winim naef fo faet wea hemi sap long tufala saet an hemi save go kasem insaet long olketa bon blong man. Toktok blong God ya hemi save go barava insaet long tingting an long laef blong man. Hemi save go kasem insaet long pipol fo jajem olketa tingting blong olketa wetem wanem olketa laekem tumas.