Leta wea Pol hemi raetem go long sios long Rom 6:4 - Pijin Bible

⁴ Taem yumi baptaes, hemi olsem yumi dae wetem hem an olketa berem yumi wetem hem finis. An yumi save laefbaek moa long sem wei wea Dadi God hemi mekem Kraes fo laefbaek moa long bikfala paoa blong hem. An from diswan nao, yumi tu stap long niu laef.

Pijin Deuterocanon

⁴ Taem yumi baptaes, hemi olsem yumi dae wetem hem an olketa berem yumi wetem hem finis. An yumi save laefbaek moa long sem wei wea Dadi God hemi mekem Kraes fo laefbaek moa long bikfala paoa blong hem. An from diswan nao, yumi tu stap long niu laef.

Leta wea Pol hemi raetem go long sios long Rom 6:4 Iomraidhean Croise

Gudnius abaotem Jisas Kraes wea Jon hemi raetem 11:40

Jisas hemi tok olsem long Mata, “Mi talem yu finis, wea sapos yu biliv, yu save lukim saen blong bikfala paoa blong God.”

Gudnius abaotem Jisas Kraes wea Jon hemi raetem 2:11

Disfala fas mirakol blong Jisas, hemi mekem long provins long Galili long taon long Kena. Diswan hemi somaot dat hemi garem saen blong bikfala paoa blong God, an olketa disaepol blong hem olketa biliv long hem nao.

Aposol 2:24

Bat God nao hemi tekem hem aot from disfala paoa blong dae an hemi mekem hem fo laefbaek moa from dae. Bikos hemi had tumas fo dae ya hemi save holem Jisas stap.

Aposol 2:32

Disfala man Jisas, God hemi mekem hem fo laefbaek moa from dae, an mifala evriwan nao i barava lukim diswan long ae blong mifala.

Leta wea Pol hemi raetem go long sios long Rom 6:19

Mi yusim disfala tokpiksa abaotem wakaman wea yufala evriwan save long hem, bikos yufala wik long tingting blong yufala. Long bifoa, yufala letem evri pat long bodi blong yufala fo stap wakaman blong olketa ravis wei, an enikaen rong samting moa. Bat distaem yufala mas mekem evri pat long bodi blong yufala fo wakaman blong stretfala wei an fo evrisamting wea hemi holi.

Leta wea Pol hemi raetem go long sios long Rom 6:3

Ating yufala save finis wea yumi evriwan hu i baptaes an joen wetem Jisas Kraes finis, yumi joen wetem dae blong hem tu.

Leta wea Pol hemi raetem go long sios long Rom 6:8

An bikos yumi dae finis wetem Kraes, yumi biliv dat bae yumi stap laef wetem hem tu.

Leta wea Pol hemi raetem go long sios long Rom 6:9

Yumi save dat Kraes hemi laefbaek finis an hemi no save dae moa. Dae hemi no garem paoa ovarem hem nao.

Leta wea Pol hemi raetem go long sios long Rom 7:6

Bat distaem, yumi fri long saet blong Lo, bikos yumi dae finis from disfala Lo wea hemi holem yumi strong tumas bifoa. An yumi save waka long niufala wei distaem, wea yumi falom Holi Spirit an no falom wanem olketa raetem insaet long Lo.

Leta wea Pol hemi raetem go long sios long Rom 8:11

God hemi bin mekem Jisas Kraes fo laefbaek moa from dae. An sapos Spirit blong God hemi stap insaet long yufala, bae God hemi givim laef moa long bodi blong yufala wea i save dae. Hemi duim diswan from Spirit blong hem wea hemi stap insaet long yufala.

1 Korin 6:14

God hemi mekem Masta fo laefbaek moa an long paoa blong hem bae hemi mekem yumi tu fo laefbaek moa ya.

2 Korin 13:4

Taem olketa nilam hem dae long kros, hemi wikfala man, bat distaem hemi stap laef long paoa blong God. An mifala tu wea mifala joen wetem hem, mifala wikfala man, bat mifala stap laef wetem hem long paoa blong God. An bae mifala go fo stretem yufala long disfala paoa.

2 Korin 5:17

Taem eniwan hemi joen wetem Kraes, God hemi mekem hem niufala moa. Olketa olfala samting i go finis, an olketa niufala samting nao i kam.

Efesas 4:17

So long nem blong Masta, mi talem strong long yufala nao, yufala mas no gohed fo falom nomoa olketa yusles tingting blong olketa pipol hu i no biliv long God.

Efesas 5:8

Bifoa, yufala tu bin stap long tudak, bat distaem yufala blong Masta finis, an yufala stap long laet nao. So yufala mas gohed long wei blong pipol blong laet,

Kolosi 3:10

an yufala bin tekem moa disfala niufala laef. An God hu hemi mekem disfala niufala laef fo kamap, hemi gohed fo mekem yufala savegud moa abaotem hem an kamap wankaen olsem hem seleva.

Kolosi 4:1

Yufala olketa masta, yufala mas lukaotem gud olketa slev blong yufala long barava stretfala wei. Bikos yufala save dat yufala tu garem wanfala Masta blong yufala long heven.

1 Pita 3:21

An disfala wata hemi saen blong baptaes wea God hemi sevem yufala long hem distaem. Baptaes ya, hemi no fo wasimaot olketa doti long bodi blong yufala bat hemi fo som yufala mekem wanfala promis long God dat tingting blong yufala hemi stap tru long hem. An bikos Jisas Kraes hemi laefbaek moa, baptaes ya hemi garem paoa fo sevem yufala.

1 Jon 2:6

Eniwan hu hemi sei hemi joen tugeta wetem God, wei blong hem mas barava olsem wei blong Jisas Kraes nao.