Leta wea Pol hemi raetem go long sios long Rom 3:30 - Pijin Bible

³⁰ bikos wanfala God nomoa hemi stap. An evriwan hu i biliv, nomata olketa Jiu o olketa no Jiu, bae hemi mekem olketa evriwan fo stret long ae blong hem.

Pijin Deuterocanon

³⁰ bikos wanfala God nomoa hemi stap. An evriwan hu i biliv, nomata olketa Jiu o olketa no Jiu, bae hemi mekem olketa evriwan fo stret long ae blong hem.

Leta wea Pol hemi raetem go long sios long Rom 3:30 Iomraidhean Croise

Leta wea Pol hemi raetem go long sios long Rom 2:26

An olketa pipol hu i no Jiu an no garem disfala kastom fo kate, sapos olketa falom lo blong God, bae God hemi lukim olsem olketa kate finis.

Leta wea Pol hemi raetem go long sios long Rom 2:27

An olketa hu i falom wanem Lo hemi talem, nomata olketa no barava kate long bodi, wei blong olketa nao bae jajem yufala, bikos nomata yufala garem Lo long Buk an nomata yufala kate, yufala gohed nomoa fo brekem Lo.

Leta wea Pol hemi raetem go long sios long Rom 3:22

God seleva nao hemi mekem olketa pipol hu i biliv, fo olketa stret long ae blong hem. Diswan hemi duim long evriwan hu i biliv long Jisas Kraes. An no enisamting nomoa hemi deferen long olketa pipol ya,

Leta wea Pol hemi raetem go long sios long Rom 3:28

Yumi save finis nao dat yumi save stret long ae blong God from yumi biliv nomoa, an i no from yumi falom Lo ya.

Leta wea Pol hemi raetem go long sios long Rom 4:16

Dastawe disfala promis hemi kam long saet blong biliv nomoa, mekem hemi samting God hemi givim fri nomoa. An promis ya hemi save kasem evriwan hu i long laen blong Ebraham. Hemi no blong olketa pipol hu i falom Lo blong Mosis, bat hemi blong evriwan hu i biliv long God olsem Ebraham. Bikos hem ya nao olo blong yumi evriwan,

Leta wea Pol hemi raetem go long sios long Rom 4:9

?Waswe, diskaen wei fo stap hapi, hemi fo olketa Jiu hu i kate nomoa? !Nomoa ya! Hemi fo evri pipol, nomata olketa no garem disfala kastom fo kate. Yumi lukim finis long Buktambu wea hemi sei, “Ebraham hemi biliv long God, an bikos hemi biliv olsem, God hemi lukim hem olsem wanfala stretfala man.”

Galesia 3:20

Bat taem man hemi mekem promis nomoa long nara man, tufala no nidim mektri man fo tekem olketa toktok blong tufala. An God hemi save mekem promis blong hem olsem.

Galesia 3:28

So no enisamting hemi deferen long olketa pipol hu i stap joen wetem Jisas Kraes, nomata olketa Jiu o olketa i no Jiu, nomata olketa slev o olketa i stap fri nomoa, nomata olketa man o olketa woman. Yufala evriwan i kamap wanfala nomoa.

Galesia 3:8

Long taem bifoa, Buktambu hemi tokabaotem finis wea God bae hemi mekem olketa pipol hu i no Jiu fo kamap stret long ae blong hem bikos olketa biliv. Long wei ya nao, Ebraham hemi herem Gudnius fastaem wea hemi sei, “Bae God hemi yusim yu nao fo blesim evri pipol long wol ya.”

Galesia 5:6

Bikos taem eniwan hemi joen finis wetem Jisas Kraes, sapos man hemi kate o hemi no kate hemi samting nating nomoa ya. Bat bikfala samting nao hemi wei blong biliv wea hemi soaot long lav.

Galesia 6:15

Nomata man hemi kate o hemi no kate, hemi samting nating nomoa ya. Bikfala samting nomoa, fo God hemi mekem yumi fo kamap niufala moa.

Diutronomi 6:4

“!Israel, yufala herem! Yawe nomoa hemi God blong yumi.

Filipae 3:3

Bat yufala save dat yumi nao yumi falom wei blong barava kate. Yumi wea Spirit blong God hemi helpem yumi fo wosipim hem, an yumi praod fo stap joen wetem Jisas Kraes, yumi nating trastem enisamting olsem kate wea man save duim long bodi.

1 Timoti 2:5

Wanfala God nomoa hemi stap ya, an wanfala man nomoa hemi stap hu hemi lidim olketa pipol go long God, an disfala man ya nao hemi Jisas Kraes.