Leta wea Pol hemi raetem go long sios long Rom 3:19 - Pijin Bible

¹⁹ Yumi save finis nao, wanem Lo hemi talem hemi talem long evri pipol hu i stap andanit long Lo ya. Dastawe nao no eniwan save sei hemi no rong, bat God bae hemi jajem evriwan long disfala wol.

Pijin Deuterocanon

¹⁹ Yumi save finis nao, wanem Lo hemi talem hemi talem long evri pipol hu i stap andanit long Lo ya. Dastawe nao no eniwan save sei hemi no rong, bat God bae hemi jajem evriwan long disfala wol.

Leta wea Pol hemi raetem go long sios long Rom 3:19 Iomraidhean Croise

Stori abaotem Job 5:16

So, God hemi mekem tingting blong pua pipol fo kamap strong moa, an hemi satem maos blong olketa ravis pipol.

Sams 107:42

Taem olketa stretfala pipol i lukim olketa samting ya, olketa hapi tumas. Bat taem evri nogud pipol i lukim, an no talem enisamting nao.

Sams 63:11

God, mi nao king, an bae mi hapi tumas bikos yu mekem mi win. Olketa hu i mekem promis long nem blong yu, bae olketa preisim yu, bat bae yu satem maos blong olketa pipol hu i laea, mekem olketa no laea moa. (Singsing blong Deved.)

Esikiel 16:63

Ya, bae mi mekem yu stret moa long ae blong mi from evri ravis samting wea yu bin duim, an taem yu tingim, bae yu sem fogud an no talem enisamting nao. “Hem nao mesij blong mi Lod Yawe.”

Gudnius abaotem Jisas Kraes wea Jon hemi raetem 15:25

Bat diswan hemi hapen olsem, mekem toktok long Lo blong olketa hemi kamtru, wea hemi sei, ‘Olketa heitem mi nating nomoa ya.’

Gudnius abaotem Jisas Kraes wea Jon hemi raetem 8:9

Taem olketa herem toktok blong hem ya nomoa, olketa stat fo go-goaot nao, an olketa oloman nao olketa stat fo go-goaot fastaem. Olketa go olsem, go-go Jisas nomoa hemi stap, an disfala woman tu hemi stanap yet.

Leta wea Pol hemi raetem go long sios long Rom 1:20

Stat kam taem God hemi mekem disfala wol, olketa samting long wei blong God wea yumi no save lukim, olketa kamaot klia long olketa samting wea hemi mekem finis. Olsem, yumi save dat hem nao hemi tru God an hemi garem paoa wea hemi stap olowe. Dastawe nao olketa pipol kanot sei wea olketa no save long olketa samting ya.

Leta wea Pol hemi raetem go long sios long Rom 3:2

!Oo plande gudfala samting ya! Nambawan samting nao hemi olsem, God bin givim kam olketa toktok blong hem long olketa Jiu fo lukaftarem.

Leta wea Pol hemi raetem go long sios long Rom 3:23

bikos evriwan olketa stap long wei blong sin, an stap farawe long God hu hemi garem paoa fo givim niu laef.

Leta wea Pol hemi raetem go long sios long Rom 3:4

!Nomoa ya! Nomata evri pipol save laea, wanem God hemi talem hemi barava tru, olsem Buktambu hemi sei, “Bae olketa pipol luksave dat toktok blong yu hemi stret tumas, an bae yu win long evritaem olketa tekem yu long kot.”

Leta wea Pol hemi raetem go long sios long Rom 3:9

?So wanem nao yumi save talem? ?Waswe, yumi olketa Jiu nao yumi gudfala moa winim olketa nara pipol? !Nomoa ya! Mi talemaot finis nao wea olketa Jiu an olketa pipol hu i no Jiu, tingting fo duim enikaen ravis samting hemi bosim evriwan.

1 Korin 1:29

Diswan hemi minim wea no eniwan hemi save praod long ae blong God.

Galesia 3:10

Evriwan hu i holestrong fo falom Lo, bae God hemi jajem olketa, olsem Buktambu hemi sei, “Trabol bae kasem eniwan hu hemi no gohed fo duim evrisamting wea olketa raetem finis insaet long Buk blong Lo.”

Galesia 4:21

?Waswe long yufala hu i laek fo stap falom Lo, yufala no save long wanem nao Lo hemi barava talem?

Galesia 4:5

Long wei ya nao, hemi save peimaot olketa hu i stap falom disfala Lo, mekem God hemi save adoptem yumi olsem barava pikinini blong hem.

Galesia 5:18

Bat sapos Holi Spirit nao hemi lidim yufala olowe, bae Lo hemi no save bosim yufala.

1 Samuel 2:9

Hemi lukaftarem gudfala olketa hu i tinghevi long hem, bat olketa man nogud ya, i gohed fo lus long tudak. “No eniwan save winim Yawe long paoa blong hem seleva.