Leta wea Pol hemi raetem go long sios long Rom 2:3 - Pijin Bible

³ !Bat yufala tu, yufala gohed fo duim olketa semsamting wea yufala jajem nara pipol long hem! ?Waswe, yufala tingse bae God hemi no panisim yufala?

Pijin Deuterocanon

³ !Bat yufala tu, yufala gohed fo duim olketa semsamting wea yufala jajem nara pipol long hem! ?Waswe, yufala tingse bae God hemi no panisim yufala?

Leta wea Pol hemi raetem go long sios long Rom 2:3 Iomraidhean Croise

2 Samuel 10:3

olketa bikman blong Amon i tok olsem long Hanun, lida blong olketa, “?Waswe, yu tingse King Deved hemi mekhae long dadi blong yu taem hemi sendem olketa man fo toksore? Nomoa. Hemi sendem kam olketa nomoa fo luksave long olketa samting long disfala taon, mekem hemi kam spoelem hem.”

Stori abaotem Job 35:2

Job, ating wei blong yu hemi no stret. Yu talem dat laef blong yu hemi stret nomoa long ae blong God.

Sams 50:21

Yufala bin duim olketa samting ya, an yufala tingse mi no save tok. ?Waswe, yufala tingse mi olsem yufala ya? !Nomoa ya! Bat distaem, bae mi tokstrong long yufala, fo somaot klia long olketa rong blong yufala.”

Sams 56:7

God, plis yu kros long olketa, an daonem olketa. Plis yu panisim olketa from olketa ravis wei blong olketa.

Provebs 11:21

Yu save, ravis man nao bae hemi panis, stretfala man nao bae hemi fri.

Provebs 16:5

Yawe hemi les long olketa hu i praod tumas. Yu save, bae hemi panisim olketa.

Esikiel 17:15

Bat disfala man hemi brekem promis ya, an hemi sendem samfala wakaman blong hem fo go long Ijip, fo tekem kam olketa hos wetem bikfala ami, mekem olketa faet agensim king blong Babilonia. ?Bat waswe, sapos hemi duim olsem, bae hemi save win? ?Waswe, bae hemi save ranawe nomoa from panis? Man hu hemi brekem promis blong hem, mas panis nao.

Esikiel 17:18

Hemi brekem finis disfala agrimen wea hemi mekem wetem king blong Babilonia, an hemi no falom toktok wea hemi mekem fo hemi gohed fo frengud wetem hem. From diswan nao, bae hemi no save ranawe from disfala panis.

Daniel 10:19

An hemi tok olsem long mi, “Yu no wari o fraet, bikos God hemi lavem yu tumas. Yu mas barava stanap strong.” Taem hemi tok olsem, mi filim wea mi kamap strong moa, an mi tok olsem, “Bikman, yu talem kam wanem yu laek fo talem long mi, bikos distaem mi kamap strong moa nao.”

Matiu 23:33

“!Yufala olsem olketa snek ya! ?Hao nao bae yufala save ranawe from disfala panis blong God, wea hemi putum fo yufala long hel?

Matiu 26:53

?Waswe, yu no save nomoa dat Dadi blong mi hemi save helpem mi sapos mi askem hem? Hemi save sendem kam kuiktaem nomoa plande taosen enjel fo sevem mi.

Gudnius abaotem Jisas Kraes wea Luk hemi raetem 12:14

Nao Jisas hemi sei, “!Man! Mi no garem paoa ya fo jajem bisnis blong yutufala an fo searemaot olketa samting long yutufala.”

Gudnius abaotem Jisas Kraes wea Luk hemi raetem 22:58

Lelebet taem go moa, wanfala man tu hemi lukim Pita an hemi sei, “Yu wanfala long olketa tu ya.” Bat Pita hemi sei, “Nomoa, hemi no mi ya.”

Gudnius abaotem Jisas Kraes wea Luk hemi raetem 22:60

Bat Pita hemi sei, “Man, mi nating save long wanem yu tokabaotem ya.” Taem hemi gohed fo toktok yet, wanfala kokorako hemi krae nao.

Leta wea Pol hemi raetem go long sios long Rom 1:32

Olketa save finis wea stretfala toktok blong God hemi sei olketa pipol hu i duim olketa samting olsem, hemi fit fo olketa dae nomoa. Bat nomata olsem, olketa gohed nomoa fo duim olketa samting ya, an olketa hapi tu long olketa nara pipol hu i duim semsamting.

Leta wea Pol hemi raetem go long sios long Rom 2:1

Yufala hu i jajem olketa nara pipol, yufala no save talem enisamting nao. Taem yufala jajem olketa nara man, yufala jajem yufala seleva nomoa, bikos yufala tu duim olketa semsamting.

Leta wea Pol hemi raetem go long sios long Rom 2:2

Yumi save, God hemi duim stret samting taem hemi jajem olketa pipol hu i duim olketa samting olsem.

Leta wea Pol hemi raetem go long sios long Rom 9:20

Bat mi ansarem olsem, ?Yu tingse yu hu ya, mekem yu save tokbaek long God? Ating pot wea man hemi wakem long graon, hemi no save tokbaek long man ya olsem, “?Waswe nao yu mekem mi olsem?”

1 Tesalonaeka 5:3

Pipol bae gohed fo toktok olsem, “Olketa samting i barava kuaet an stapgud nomoa.” Bat seknomoa, bikfala trabol bae hemi kam nao an barava spoelem olketa pipol, an bae olketa no save ranawe from diswan. Bae hemi kasem olketa kuiktaem nomoa olsem pein wea woman hemi filim taem hemi redi fo bonem pikinini.

Hibrus 12:25

Yufala mas lukaot, nogud yufala les fo obeim God hu hemi toktok kam long yufala ya. Olketa pipol blong bifoa wea olketa no lisin long hem taem hemi wonem olketa kam long wol ya, olketa no save ranawe from panis ya. ?So hao nao bae yumi save ranawe from panis, sapos yumi tanem go baeksaet blong yumi long hem, taem hemi tok kam long heven fo wonem yumi?

Hibrus 2:3

Bat disfala wei wea God hemi laek fo sevem yumi long hem long distaem ya, hemi bikfala samting tumas moa. ?Waswe, sapos yumi no laek fo lisin long disfala nius ya, hao nao bae yumi save ranawe from panis ya? Masta nao hemi talemaot disfala nius ya fastaem. An olketa pipol hu i lisin long hem, olketa talemaot long yumi dat disfala toktok ya hemi tru tumas.