Leta wea Pol hemi raetem go long sios long Rom 2:19 - Pijin Bible

¹⁹ Yufala tingse yufala nao save lidim olketa blaen pipol, an yufala olsem wanfala lam fo olketa pipol hu i stap long dak ples.

Pijin Deuterocanon

¹⁹ Yufala tingse yufala nao save lidim olketa blaen pipol, an yufala olsem wanfala lam fo olketa pipol hu i stap long dak ples.

Leta wea Pol hemi raetem go long sios long Rom 2:19 Iomraidhean Croise

Provebs 26:12

Sapos yu lukim man hu hemi talem dat hemi smat, oraet, krangge man hemi garem moa sans fo kasem save winim man ya.

Aesaea 49:6

an hemi tok olsem long mi, ‘Bae yu mekem olketa laen blong Israel wea i laef yet, fo kamap strong moa olsem fastaem. Bat mi garem waka fo yu wea hemi bikfala moa. Bae mi mekem yu fo kamap olsem laet fo olketa narafala kantri, mekem paoa blong mi fo sevem pipol, hemi kasem evri pat long wol.’”

Aesaea 5:21

!Sore tumas long yufala hu i tingse yufala waes tumas an save tumas!

Aesaea 56:10

Evri lida blong Israel i olsem sekiuriti hu hemi blaen tumas, bikos olketa nating wonem nomoa olketa pipol blong mi. Olketa nating save long enisamting. Olketa i olsem nomoa olketa dog wea i no save singaot. Olketa leidaon nomoa fo slip. Olketa hapi nomoa fo drim.

Matiu 15:14

So yufala no wari long olketa Farasi ya. Olketa trae fo lidim olketa blaen pipol, bat olketa seleva olketa blaen tu ya. An yufala save, sapos wanfala blaen man hemi lidim nara blaen man, bae tufala evriwan i foldaon insaet long hol nao ya.”

Matiu 4:16

Olketa pipol ya wea olketa stap long tudak, olketa lukim wanfala bikfala laet. An olketa hu i stap andanit paoa blong dae, disfala laet hemi saen go long olketa.”

Matiu 5:14

“Yufala nao, yufala olsem laet fo olketa pipol long disfala wol. Wanfala taon wea hemi stap antap long hil, hemi no save haed from pipol fo lukim ya.

Matiu 6:23

Bat sapos ae blong yu hemi nogud, bae bodi blong yu hemi tudak tu. So sapos no eni laet hemi stap long yu bat hemi tudak nomoa, bae yu barava tudak nao ya.”

Gudnius abaotem Jisas Kraes wea Mak hemi raetem 10:15

Mi talem yufala tru samting nao, sapos eniwan hemi no olsem wanfala pikinini hu hemi hapi fo mekhae long God, bae hemi nating fit fo stap insaet long kingdom blong God.”

Gudnius abaotem Jisas Kraes wea Luk hemi raetem 1:79

olsem san hemi kamap an saen long olketa wea i stap long tudak, an andanit long paoa blong dae. An bae hemi lidim yumi go long rod, wea bae yumi kasem piis long hem.”

Gudnius abaotem Jisas Kraes wea Jon hemi raetem 9:34

Nao olketa tok olsem long hem, “!Yu man fo mekem sin olowe stat kam taem yu bon ya! !Hao nao yu trae fo tisim mifala olsem!” Long taem ya, olketa raosim hem fo goaot nao from preahaos ya.

Aposol 26:18

Bae yu mas openem ae blong olketa, mekem olketa save lusim tudak an kam kasem laet, an mekem olketa kamaot from paoa blong Seitan an kam kasem paoa blong God. An taem olketa biliv long mi, bae God hemi save fogivim sin blong olketa, an bae olketa save joen wetem olketa wea God hemi bin siusim olketa finis.’

Leta wea Pol hemi raetem go long sios long Rom 2:18

Yufala save long tingting blong God, an yufala save long olketa samting wea hemi stret, bikos Lo nao hemi talem yufala.

Leta wea Pol hemi raetem go long sios long Rom 2:20

An yufala tingse yufala nao tisa blong olketa krangge pipol an olketa hu i no garem gudfala save. Yufala tingse long Lo nao yufala garem evri save an evri tru toktok.

1 Korin 3:18

Yufala mas no tingting rong abaotem diswan. Sapos eniwan hemi tingse hemi waes long diskaen save blong wol, moabeta hemi kamap olsem krangge long wei blong wol fastaem, mekem bae hemi save kamap barava waes.

1 Korin 4:10

Olketa pipol i tingse mifala krangge bikos mifala blong Kraes. Bat yufala nao i waesman finis from yufala blong Kraes. Mifala nating strong ya, bat yufala nao i strong finis. Mifala ya, olketa pipol i lukdaonem mifala olowe nomoa. Bat yufala nao evriwan i tinghae long yufala.

Filipae 2:15

Long diskaen wei nao bae yufala save klin long ae blong God an yufala no save garem enisamting rong long yufala. Long wei ya tu bae yufala i olketa pikinini blong God wea olketa gudfala tumas, nomata yufala stap wetem olketa pipol wea wei blong olketa hemi nating stret an olketa duim olketa ravis samting. Ya, bae yufala saen go gudfala long olketa, olsem olketa sta i saen long skae,