Leta wea Pol hemi raetem go long sios long Rom 16:4 - Pijin Bible

⁴ Tufala kolsap dae from tufala wakahad fo helpem mi, an mi hapi tumas long tufala. An olketa sios blong olketa pipol hu i no Jiu olketa talem tengkiu long tufala tu.

Pijin Deuterocanon

⁴ Tufala kolsap dae from tufala wakahad fo helpem mi, an mi hapi tumas long tufala. An olketa sios blong olketa pipol hu i no Jiu olketa talem tengkiu long tufala tu.

Leta wea Pol hemi raetem go long sios long Rom 16:4 Iomraidhean Croise

2 Samuel 22:41

Yu mekem olketa enemi i ranawe from mi, an mi bin spoelem finis olketa hu i heitem mi.

Maeka 2:3

Hem nao Yawe hemi tok olsem, “Mi planem nao fo mekem bikfala trabol fo kasem yufala, an bae yufala no garem eni wei fo ranawe. Bae disfala trabol hemi mekem yufala fo no save haemapem yufala seleva olsem yufala duim distaem.”

Gudnius abaotem Jisas Kraes wea Jon hemi raetem 15:13

Sapos wanfala man hemi lavem tumas olketa fren blong hem an hemi letem hem seleva dae fo helpem olketa, oraet, disfala lav blong hem nao hemi bikfala winim lav blong eniwan moa.

Aposol 15:26

wea tufala kolsap dae long olketa waka blong Masta blong yumi Jisas Kraes.

Aposol 15:41

Tufala wakabaot go an tufala goraon long tufala provins long Siria an Silisia, an Pol hemi gohed fo mekem olketa sios fo kamap strong moa.

Aposol 16:5

Nao long wei ya, olketa sios olketa gohed fo kamap strong moa long wei blong biliv. An evri de nomoa, plande pipol moa olketa kam fo joenem olketa.

Aposol 9:31

Nao long taem ya, olketa pipol blong sios insaet long olketa provins long Jiudia an Galili an Samaria, no eniwan hemi faetem olketa moa. Holi Spirit hemi gohed fo helpem olketa, an hemi mekem sios fo ka-kamap strong moa, an hemi mekem namba blong olketa pipol fo kamap plande moa. An olketa gohed fo mekhae long Masta oltaem.

Leta wea Pol hemi raetem go long sios long Rom 16:3

Yufala sei halo long Prisila an Akuila, wea tufala waka wetem mi fo Jisas Kraes.

Leta wea Pol hemi raetem go long sios long Rom 16:5

Mi laek fo sei halo tu long olketa Kristin pipol hu i save hipap insaet long haos blong tufala. Yufala sei halo long nambawan fren blong mi Epenetas, hemi faswan fo biliv long Kraes long provins long Esia.

Leta wea Pol hemi raetem go long sios long Rom 5:7

Ating no eniwan hemi laek fo dae fo wanfala stretfala man, bat maet samwan hemi wiling fo dae fo wanfala gudfala man.

1 Korin 16:1

Nao mi wande fo talem yufala abaotem disfala koleksin fo helpem olketa pipol blong God long provins long Jiudia. Yufala mas duim wanem mi talem finis long olketa sios long provins long Galesia.

1 Korin 7:17

Yumi evriwan mas gohed nao long diskaen laef wea Masta hemi givim long yumi finis. Hemi diskaen laef wea yumi stap long hem taem God hemi kolem yumi. Diswan nao hemi wanfala rul wea mi talemaot long evri sios.

Filipae 2:30

bikos hemi kolsap dae taem hemi waka fo Kraes. Hemi nating wari sapos hemi lusim laef blong hem, taem hemi helpem mi long wei wea hemi had long yufala fo helpem mi long hem.

1 Tesalonaeka 2:14

Olketa Kristin fren, samting wea hemi hapen long yufala ya, hemi hapen finis long olketa pipol blong Jisas Kraes long olketa sios blong God long Jiudia. Bikos olketa Jiu blong Jiudia nomoa i mekem olketa ya fo safa, olsem olketa wantok blong yufala olketa mekem yufala safa tu.

1 Jon 3:16

Bikos Kraes hemi letem hem seleva fo dae fo sevem yumi, yumi save nao long barava tru lav. So yumi mas wiling fo letem yumi seleva dae fo olketa nara Kristin tu.

Revelesin 1:4

Mi Jon, mi raet go long yufala evriwan long sevenfala sios long provins long Esia. Letem kaenfala lav an piis hemi stap wetem yufala. Lav an piis ya hemi stat kam long God wea hemi stap olowe bifoa, an wea hemi stap distaem, an wea bae hemi kam. Lav an piis ya hemi kam from seven gudfala spirit tu, wea olketa stap long frant long tron blong God wea hemi sidaon fo rul.