Leta wea Pol hemi raetem go long sios long Rom 14:9 - Pijin Bible

⁹ Kraes hemi dae an hemi laefbaek moa, fo mekem hem nao Masta blong olketa pipol hu i laef an hu i dae finis.

Pijin Deuterocanon

⁹ Kraes hemi dae an hemi laefbaek moa, fo mekem hem nao Masta blong olketa pipol hu i laef an hu i dae finis.

Leta wea Pol hemi raetem go long sios long Rom 14:9 Iomraidhean Croise

Matiu 28:18

Long taem ya, Jisas hemi kam kolsap long olketa an hemi tok olsem, “God hemi givim finis evri paoa long mi ovarem evrisamting long heven an long disfala wol.

Gudnius abaotem Jisas Kraes wea Luk hemi raetem 24:26

Hemi fitim fo yutufala save finis wea disfala Mesaea hemi mas filpein fastaem bifoa hemi save tekem saen blong bikfala paoa blong hem.”

Gudnius abaotem Jisas Kraes wea Jon hemi raetem 12:24

Mi talem yutufala tru samting nao, sapos wanfala sid blong wit hemi foldaon long graon an hemi dae, niufala wit bae hemi grouap an bae hemi garem plande frut long hem nao. Bat sapos sid ya hemi no foldaon long graon an dae, bae wanfala sid nomoa hemi stap seleva olowe.

Aposol 10:36

Yufala save finis wea God hemi sendem toktok blong hem go long olketa pipol blong Israel. Hemi talemaot disfala Gudnius, wea yumi save garem piis wetem hem bikos long Jisas Kraes Masta blong evriwan.

Aposol 10:42

An Jisas hemi tokstrong long mifala, wea mifala mas talemaot disfala Gudnius long olketa pipol. An mifala mas talemaot gud wea hem nao God hemi bin siusim hem finis fo bae hemi jajem evri pipol, nomata olketa dae finis o olketa stap laef yet.

Leta wea Pol hemi raetem go long sios long Rom 10:9

Sapos yu talemaot gudfala olsem, “Jisas nao hemi Masta,” an sapos yu barava biliv wea God hemi bin mekem hem laefbaek moa from dae, bae hemi sevem yu nao.

2 Korin 5:14

Lav blong Kraes nao hemi mekem mifala fo gohed olsem. Kraes hemi wanfala nomoa hu hemi bin dae fo sensim yumi evriwan, dastawe mifala luksave dat yumi evriwan bin dae.

1 Tesalonaeka 4:14

Bat yumi biliv dat Jisas hemi dae, an hemi laefbaek moa. Dastawe nao yumi biliv dat God bae hemi duim olsem tu long olketa hu i biliv finis bifoa olketa dae. Bae God hemi tekem olketa tugeta wetem Jisas fo go kasem hem seleva.

1 Tesalonaeka 5:10

Jisas hemi dae fo yumi, mekem yumi save stap tugeta wetem hem taem hemi kambaek moa, nomata yumi laef yet o yumi dae finis.

2 Timoti 4:1

Nao mi talemaot disfala toktok long yu, long ae blong God an blong Jisas Kraes hu bae hemi jajem olketa hu i laef yet an olketa hu i dae finis. Bikos Kraes bae hemi kambaek moa fo stap rul olsem King olowe, mi talem strong long yu,

Hibrus 12:2

Yumi mas gohed fo lukluk go long Jisas, wea hem nao hemi mekem disfala wei fo yumi save biliv, an hem nao hemi lukaftarem biliv blong yumi go-go kasem en long resis blong yumi. Nomata olketa kilim hem dae long kros, hemi hapi fo tingim disfala laef wea bae hemi kasem bihaen. Hemi no tingim disfala dae blong hem long kros, olsem samting fo filsem long hem. An long distaem ya, hemi sidaon nao long raetsaet blong God fo rul wetem hem.

1 Pita 1:21

Bikos Kraes hemi helpem yufala, hem nao yufala save biliv long God. God nao hemi mekem Kraes fo laefbaek moa from dae an givim hem saen blong bikfala paoa blong hem. Dastawe nao yufala save biliv long God an trastem hem.

1 Pita 4:5

Bat bihaen, bae olketa mas talemaot laef blong olketa seleva long ae blong God ya. Bikos hem nao hemi redi fo jajem olketa pipol hu i laef yet, wetem olketa hu i dae finis.

Revelesin 1:18

!Mi man wea mi barava laef! Long bifoa, mi dae finis bat mi laefbaek moa an mi no save dae enitaem. Mi nao mi garem paoa ovarem Dae an mi garem paoa ovarem ples blong olketa pipol hu i dae finis.

Revelesin 2:8

Disfala man hemi tok olsem moa, “An yu mas raet go long enjel blong sios long Smana, an yu mas sei olsem, ‘Hem nao toktok blong mi wea mi nao faswan bifoa evrisamting, an mi laswan tu bihaen evrisamting. Long bifoa, mi dae finis, bat distaem, mi laefbaek moa.