Leta wea Pol hemi raetem go long sios long Rom 14:2 - Pijin Bible

² Biliv blong wanfala man hemi letem hem fo kaikaim enikaen kaikai. Bat nara man hu i no garem strong biliv, hemi no save kaikaim mit.

Pijin Deuterocanon

² Biliv blong wanfala man hemi letem hem fo kaikaim enikaen kaikai. Bat nara man hu i no garem strong biliv, hemi no save kaikaim mit.

Leta wea Pol hemi raetem go long sios long Rom 14:2 Iomraidhean Croise

Jenesis 1:29

Nao God hemi tok olsem, “Evrisamting ya wea i gohed fo garem frut long graon, wetem olketa wea i gohed fo garem frut long antap, mi putum olketa evriwan ya fo yufala. Olketa ya, fo givim kaikai long yufala.

Jenesis 9:3

Fastaem, mi givim olketa samting long gaden nomoa long yufala fo yufala kaikaim, bat stat distaem, mi givim olketa animol an bed an fis ya tu long yufala, mekem olketa nao olsem mit blong yufala fo kaikaim.

Provebs 15:17

Man hemi kaikai drae nomoa an filim lav, hemi lake moa winim man hemi kaikaim gudfala mit an filim heit.

Daniel 1:12

an hemi tok olsem long hem, “Yu trae fo givim nomoa kaikai long gaden fo mifala kaikaim an wata nomoa fo mifala dringim, go-go kasem tenfala de.

Daniel 1:16

So, stat long datfala taem, man ya hemi no givim moa olketa kaikai an waen long haos blong king fo olketa, hemi gohed fo givim nomoa olketa kaikai long gaden fo olketa.

Leta wea Pol hemi raetem go long sios long Rom 14:1

Yufala mas mekfren long man hu i no strong long biliv blong hem, an yufala mas no raoa wetem hem abaotem enikaen samting hemi tingim.

Leta wea Pol hemi raetem go long sios long Rom 14:14

From mi joen wetem Masta blong yumi Jisas, mi barava save dat no eni kaikai hemi nogud. Bat sapos eniwan hemi tingse samfala kaen kaikai hemi save mekem hem fo no klin, hemi mas no kaikaim samting ya.

Leta wea Pol hemi raetem go long sios long Rom 14:20

Yufala mas no letem kaikai blong yufala fo spoelem waka blong God. Evri kaikai, olketa gud fo kaikaim nomoa. Bat hemi nogud sapos yufala kaikaim samting wea hemi save mekem eniwan fo foldaon long sin.

Leta wea Pol hemi raetem go long sios long Rom 15:1

Hemi gud fo yumi hu i strong long biliv, fo yumi helpem olketa pipol hu i no strong. Yumi mas helpem olketa long wari blong olketa, an yumi mas no duim nomoa olketa samting wea yumi seleva laekem.

1 Korin 10:25

Yufala fri nomoa fo kaikaim eni mit wea olketa salem long maket, an yufala mas no wari fo askem olketa kuestin abaotem mit ya.

1 Korin 8:9

Nomata olsem, yufala mas lukaot ya, nogud disfala samting wea yufala fit fo duim, hemi mekem olketa hu i no biliv strong yet fo olketa foldaon long sin.

1 Korin 9:22

Taem mi stap wetem olketa wea biliv blong olketa hemi no strong, mi stap olsem wea biliv blong mi hemi no strong tu, mekem mi save helpem olketa fo biliv. So mi stap falom enikaen wei blong olketa pipol, fo traem evri rod nomoa fo mekem mi save helpem samfala fo kasem tru laef.

Galesia 2:12

Bikos fastaem, Pita hemi gohed nomoa fo kaikai tugeta wetem olketa Kristin long Antiok nomata olketa no Jiu. Bat taem Jemes hemi sendem samfala man fo kam, Pita hemi fraetem tumas moa disfala seksin hu i laekem evri Kristin fo falom disfala kastom fo kate. So hemi no laek fo stap tugeta moa wetem olketa Kristin hu i no Jiu.

1 Timoti 4:4

Evrisamting God hemi mekem, hemi barava gud, so yumi no save les long hem. Bat taem yumi kaikaim olketa kaikai ya, yumi mas toktengkiu long God nomoa,

Taetas 1:15

Man wea tingting blong hem hemi klin gud, hemi tingse evrisamting hemi klin an fit fo yusim. Bat eniwan wea tingting blong hem hemi no klin an no biliv long God, hemi tingse no enisamting nao hemi klin. Bikos maen blong hem an tingting blong hem hemi nogud finis.

Hibrus 13:9

Yufala no letem enikaen tising fo mekem yufala lusim disfala rod wea hemi stret gudfala. Hemi gud fo God hemi mekem tingting blong yumi i strong long kaenfala lav blong hem. Bat olketa enikaen rul blong kaikai ya, olketa no save mekem tingting blong yumi i strong, an olketa no duim eni gudfala samting tu fo helpem olketa pipol hu i gohed fo falom olketa.

Hibrus 9:10

Bikos olketa samting ya hemi blong aotsaet blong man nomoa, olsem olketa rul abaotem kaikai an dring an wei fo wasim olketa seleva. God hemi givim kam olketa rul ya, mekem olketa stap kasem taem wea God bae hemi sensim evrisamting fo stap long niufala wei moa.