Leta wea Pol hemi raetem go long sios long Rom 13:9 - Pijin Bible

⁹ Nao Lo hemi sei, “Yu mas no brekem lo blong marit, yu mas no kilim dae nara man, yu mas no stil, yu mas no kavetem enisamting blong nara man.” Nao olketa lo olsem wetem eni nara lo moa, olketa joen tugeta insaet wanfala lo wea hemi sei, “Yu mas barava lavem olketa wantok blong yu olsem yufala lavem yufala seleva.”

Pijin Deuterocanon

⁹ Nao Lo hemi sei, “Yu mas no brekem lo blong marit, yu mas no kilim dae nara man, yu mas no stil, yu mas no kavetem enisamting blong nara man.” Nao olketa lo olsem wetem eni nara lo moa, olketa joen tugeta insaet wanfala lo wea hemi sei, “Yu mas barava lavem olketa wantok blong yu olsem yufala lavem yufala seleva.”

Leta wea Pol hemi raetem go long sios long Rom 13:9 Iomraidhean Croise

Levitikas 19:18

An yufala mas no gohed fo heitem eni wantok o sensimbaek eni ravis wei blong hem. Bat, yufala mas barava lavem olketa wantok olsem yufala lavem yufala seleva, bikos mi nao Yawe.

Levitikas 19:34

Yufala mas tingim taem wea yufala stap long Ijip olsem strensa long dea. Dastawe, yufala mas lavem olketa deferen pipol olsem wea yufala lavem yufala seleva, an yufala mas lukaftarem olketa, olsem wea yufala lukaftarem olketa long laen blong yufala seleva, bikos mi nao Yawe, God blong yufala.

Matiu 22:39

An mektu lo wea hemi nambawan moa hemi olsem, ‘Yu mas lavem olketa wantok blong yu long sem wei yu lavem yu seleva.’

Gudnius abaotem Jisas Kraes wea Mak hemi raetem 10:19

Yu save finis long olketa lo wea hemi sei, ‘Yu mas no kilim nara man dae. Yu mas no brekem lo blong marit. Yu mas no stil. Yu mas no laea long kot. Yu mas no laea fo stil. An yu mas tinghae long mami an dadi blong yu.’”

Gudnius abaotem Jisas Kraes wea Mak hemi raetem 12:31

An mektu lo wea hemi nambawan moa hemi olsem, ‘Yu mas lavem tu olketa wantok blong yu long sem wei yu lavem yu seleva.’ No eni lo moa hemi bikfala winim tufala lo ya.”

Gudnius abaotem Jisas Kraes wea Luk hemi raetem 10:27

Nao man ya hemi sei, “Yu mas lavem God Masta blong yu, long evrisamting long maen blong yufala, an long evri tingting blong yufala, an long evri strong blong yufala, an long evri save blong yu. An yu mas lavem tu olketa wantok blong yu long sem wei yu lavem yu seleva.”

Gudnius abaotem Jisas Kraes wea Luk hemi raetem 18:20

Yu save finis long olketa lo wea hemi sei, ‘Yu mas no brekem lo blong marit. Yu mas no kilim man dae. Yu mas no stil. Yu mas no laea long kot. An yu mas tinghae long mami an dadi blong yu.’”

Galesia 5:13

Olketa Kristin fren, hemi tru wea God hemi kolem yufala fo stap fri. Bat nogud yufala tingse yufala fri fo falom wei blong sin nao. Nomoa. Yufala mas helpem evriwan gudfala bikos yufala save lavem yufala evriwan ya.