Leta wea Pol hemi raetem go long sios long Rom 13:4 - Pijin Bible

⁴ Bikos olketa ya i wakaman blong God fo duim gudfala samting fo yufala. Bat sapos yufala duim samting nogud, yufala mas fraetem olketa ya, bikos olketa no holem paoa fo nating. Olketa i wakaman blong God, fo panisim pipol hu i duim olketa rong samting.

Pijin Deuterocanon

⁴ Bikos olketa ya i wakaman blong God fo duim gudfala samting fo yufala. Bat sapos yufala duim samting nogud, yufala mas fraetem olketa ya, bikos olketa no holem paoa fo nating. Olketa i wakaman blong God, fo panisim pipol hu i duim olketa rong samting.

Leta wea Pol hemi raetem go long sios long Rom 13:4 Iomraidhean Croise

1 Kings 10:9

!Mi preisim Yawe hu hemi God blong yu! Hemi mekem yu kamap king blong Israel, an hemi somaot dat hemi hapi tumas long yu. Bikos hemi tinghevi long yufala Israel olowe, hemi mekem yu fo kamap king wea yu save falom wei wea hemi barava stret fogud, an jajem olketa pipol long stretfala wei.”

2 Kronikols 19:6

Hemi tok olsem long olketa, “Taem yufala jajem man, yufala mas lukaot gudfala, bikos yufala no waka long nem blong man, bat long nem blong Yawe. Taem yufala jajem man, an yufala talemaot olsem hemi stret o hemi fit fo panis, Yawe nao hemi stap wetem yufala.

Provebs 16:14

Taem lida hemi kros, hem save kilim man dae. Waes man hemi traehad fo mekem lida hapi.

Provebs 20:2

Sif wea hemi kros, hemi olsem laeon hemi redi fo kaikaim yu. Mekem hem kros, bae yu dae.

Provebs 20:26

Bikman wea hemi waes, hemi luksave long ravis man, an bae hemi panisim hem nogud.

Provebs 20:8

Taem bikman hemi jajem man, hemi save faendemaot wanem hemi gud an wanem hemi nogud.

Aesaea 1:17

Yufala mas lanem nomoa olketa wei wea hemi stret. Yufala mas kipim disfala wei fo duim olketa samting long stretfala wei, an yufala mas stretem nogud wei blong pipol hu i gohed fo spoelem olketa narafala pipol. Yufala mas helpem olketa pikinini wea mami an dadi blong olketa i dae finis, an olketa wido tu.”

Jeremaea 5:28

Oltaem, olketa kaikaim gudfala kaikai, mekem olketa fat fogud. Olketa no save stop fo no duim enikaen ravis samting nao. Olketa no save saetem olketa pikinini wea mami an dadi blong olketa i dae finis. An olketa no save helpem olketa pua pipol wea olketa narafala pipol i spoelem olketa.

Esikiel 22:27

Evri bikman blong olketa i olsem olketa wael dog wea i kilim dae animol an pisisim fo kaikaim. Olketa gohed fo kilim man dae mekem olketa save kamap risman.

Esikiel 25:14

“Bae mi sensimbaek olketa nogud samting wea olketa bin duim. Bae mi letem olketa pipol blong mi long Israel fo faet agensim olketa blong Idom, mekem olketa filim paoa long kros blong mi. Bae olketa save wei wea mi sensimbaek olketa samting wea olketa bin duim. Hem nao mesij blong mi Lod Yawe.”

Maeka 3:9

!Lisin kam long toktok blong mi, yufala lida blong Israel! Yufala les long stretfala wei fo jajem pipol. An yufala gohed fo sensim nomoa stretfala wei ya fo olketa ravis wei.

Leta wea Pol hemi raetem go long sios long Rom 12:19

Olketa fren blong mi, yufala mas no sensimbaek eni nogud samting long olketa pipol, bat letem God nao jajem olketa. Olsem Masta hemi talem long Buktambu, “Mi nomoa save sensimbaek trabol long olketa enemi blong yufala. Mi nao bae mi peimbaek long olketa.”

Leta wea Pol hemi raetem go long sios long Rom 13:6

Dastawe nao yufala peim olketa taks, bikos olketa bikman ya i wakaman blong God, wea olketa waka oltaem fo lukaftarem olketa pipol.

1 Tesalonaeka 4:6

Yufala mas no duim eni ravis samting agensim nara Kristin fren blong yufala, an yufala mas no laea long hem long olketa wei olsem. Mifala talem yufala finis an mifala wonem yufala, Masta blong yumi bae hemi panisim olketa pipol hu i duim olsem.

Josua 20:5

Sapos wantok wea hemi garem raet fo kilim dae disfala man hemi kam fo askem olketa man blong taon ya fo hem, bae olketa evriwan mas no letem man ya fo hem. Olketa mas gadem hem mekem disfala wantok no save kilim dae narafala man ya bikos dae ya hemi wanfala aksiden nomoa an man ya no heitem man hu hemi dae.

Josua 20:9

Hem nao olketa taon wea olketa siusim, mekem eniwan long Israel o eni strensa wea i stap wetem olketa save go haed long hem sapos hemi kilim dae narafala man long aksiden nomoa. An nomata eni wantok hemi kam fo sensimbaek dae ya, hemi no save duim sapos olketa lida mekem kot an faendemaot wea dae ya hemi aksiden nomoa.

1 Pita 2:14

an long olketa primia wea king hemi siusim. Olketa nao save panisim pipol hu i brekem lo, an olketa save preisim pipol hu i falom gudfala wei.