Leta wea Pol hemi raetem go long sios long Rom 13:12 - Pijin Bible

¹² Distaem, naet hemi kolsap finis an delaet hemi kolsap kam. So yumi mas lusim nao waka blong naet, an yumi mas holem moa olketa samting fo faet long delaet.

Pijin Deuterocanon

¹² Distaem, naet hemi kolsap finis an delaet hemi kolsap kam. So yumi mas lusim nao waka blong naet, an yumi mas holem moa olketa samting fo faet long delaet.

Leta wea Pol hemi raetem go long sios long Rom 13:12 Iomraidhean Croise

Nambawan Singsing 2:17

Daling blong mi, taem kol win long moning hemi blou kam an delaet hemi jes stat fo kamap, yu mas go kuiktaem olsem animol ya gasele, an spid go olsem yangfala dia long olketa maonten an olketa vali.

Aesaea 2:20

Long taem ya, bae olketa tekem olketa kaving god wea olketa wakem long gol an silva, an torowem go long ples wea olketa rat i stap long hem.

Aesaea 30:22

An bae olketa kaving god wea yufala kavarem wetem silva an gol, bae yufala torowem olketa olsem barava ravis samting. Ya, bae yufala torowem an tok olsem, “!Mi barava les long yu nao!”

Leta wea Pol hemi raetem go long sios long Rom 13:14

Bat yufala mas holetaet long Masta blong yumi Jisas Kraes, mekem yufala redi fo faetem eni nogud samting. An yufala mas no tingting fo falom wei blong sin.

1 Korin 10:11

Nao olketa samting wea i hapen long olketa olo blong yumi ya, hemi olsem olketa piksa wea olketa raetemdaon fo wonem yumi. Bikos yumi stap long taem wea hemi kolsap long en blong disfala wol ya.

1 Korin 7:29

Olketa fren, mi minim olsem, lelebet taem nomoa hemi stap yet. So stat long distaem, olketa man hu i garem waef finis, olketa mas stap olsem olketa no garem eni waef.

2 Korin 10:4

Olketa wepon wea mifala yusim, hemi no blong disfala wol. Nomoa. Bat mifala yusim olketa wepon wea i garem paoa blong God fo spoelem olketa strong ples blong enemi.

2 Korin 6:7

Mifala talemaot tru toktok, an mifala garem paoa blong God. Mifala yusim wepon blong stretfala wei fo faetem enemi blong God long enikaen wei.

Efesas 4:22

Olketa tisim yufala fo lusim disfala olfala ravis wei wea yufala bin falom long laef blong yufala. Olfala wei ya hemi lidim yufala fo duim enikaen ravis samting, an diswan hemi save spoelem yufala.

Efesas 5:11

Yufala mas no duim olketa samting blong tudak, wea hemi olketa ravis samting nomoa. Bat yufala mas somaot nomoa long olketa pipol wea diskaen wei hemi nogud.

Efesas 5:8

Bifoa, yufala tu bin stap long tudak, bat distaem yufala blong Masta finis, an yufala stap long laet nao. So yufala mas gohed long wei blong pipol blong laet,

Hibrus 10:25

Yumi mas no les fo hipap tugeta fo prea oltaem, nomata samfala pipol olketa les finis. Yumi mas gohed fo helpem yumi evriwan fo stanap strong go moa, bikos disfala De blong Masta ya, hemi kam kolsap nao.

Hibrus 12:1

Nao disfala bikfala seksin long olketa olo blong yumi long bifoa, olketa stap raonem yumi fo somaot gudfala wei fo biliv. Dastawe yumi mas lusim evrisamting wea i stopem yumi fo no gohed fo biliv long God, an yumi mas lusim tu wei blong sin wea i save holetaet tumas long yumi. An yumi mas gohed strong olowe fo ran long disfala resis wea God hemi makem fo yumi ran long hem.

Jemes 1:21

So yufala mas no olobaot moa, an yufala mas no gohed moa long evri ravis wei. Bat yufala mas hambol an wiling fo obeim toktok wea God hemi putum insaet long tingting blong yufala. Disfala toktok nao save sevem yufala.

Jemes 5:8

So yufala tu mas wiling fo weit nomoa. !Yufala no wari, Masta blong yumi hemi kolsap kambaek nao!

1 Pita 2:1

So yufala mas lusim olketa ravis wei. Olsem, yufala mas no laea moa, an yufala mas no duim deferen samting from wanem yufala talem, an yufala mas no joles, an no gohed fo toknogud abaotem nara pipol.

1 Pita 4:7

Yumi kam kolsap nao long taem wea evrisamting long disfala wol bae hemi lus finis. So hemi gud tumas fo yufala kontrolem yufala seleva an lukaot, mekem yufala save prea.

2 Pita 3:11

Bikos evrisamting bae hemi nogud finis olsem, yufala mas tingting gud abaotem laef blong yufala. Yufala mas stap holi an gohed nomoa long stretfala laef wea God hemi laekem.

2 Pita 3:9

Samfala pipol tingse Masta hemi slou tumas fo mekem promis blong hem kamtru. Bat hemi no olsem ya. Masta hemi no laek fo spoelem eniwan, bat hemi laekem evriwan fo lusim olketa ravis wei blong olketa an fo kam long hem. So hemi wiling fo we-weit nomoa long yufala.

1 Jon 2:18

Olketa pikinini blong mi, distaem yumi kolsap kasem en blong disfala wol nao. Yufala herem bifoa, wea disfala man hu olketa kolem “Enemi blong Kraes”, bae hemi kam. Distaem, plande enemi blong Kraes nao i kamaot klia finis. So hem nao yumi save dat en blong disfala wol hemi kam kolsap finis.

Revelesin 1:3

Man wea hemi ridim olketa toktok ya wea God hemi talem, hemi save hapi fogud. An olketa hu i herem an obeim toktok ya, olketa tu save hapi fogud. Bikos taem blong olketa samting ya fo hapen, hemi kam kolsap nao.

Revelesin 22:10

An hemi tok olsem long mi moa, “Yu no haedem olketa toktok ya wea God hemi talem insaet long disfala skrol ya, bikos bae no longtaem nomoa, evrisamting ya bae hemi hapen.