Leta wea Pol hemi raetem go long sios long Rom 10:9 - Pijin Bible

⁹ Sapos yu talemaot gudfala olsem, “Jisas nao hemi Masta,” an sapos yu barava biliv wea God hemi bin mekem hem laefbaek moa from dae, bae hemi sevem yu nao.

Pijin Deuterocanon

⁹ Sapos yu talemaot gudfala olsem, “Jisas nao hemi Masta,” an sapos yu barava biliv wea God hemi bin mekem hem laefbaek moa from dae, bae hemi sevem yu nao.

Leta wea Pol hemi raetem go long sios long Rom 10:9 Iomraidhean Croise

Gudnius abaotem Jisas Kraes wea Luk hemi raetem 12:8

An Jisas hemi sei moa, “Mi talem long yufala, sapos eniwan hemi talemaot long olketa pipol wea hemi blong mi, bae mi San Blong Man tu mi talem long olketa enjel blong God wea disfala man ya hemi blong mi.

Gudnius abaotem Jisas Kraes wea Jon hemi raetem 9:22

Nao mami an dadi blong man ya, tufala tok olsem bikos tufala fraetem olketa bikman ya. Olketa bikman ya, olketa wanmaen finis wea sapos eniwan hemi talem hemi biliv wea Jisas nao hemi disfala Mesaea ya, bae olketa finisim hem from olketa preahaos.

Aposol 16:31

Nao tufala sei, “Yu mas biliv long Jisas Masta blong yumi, mekem God bae hemi sevem yu an olketa long famili blong yu tu.”

Aposol 2:24

Bat God nao hemi tekem hem aot from disfala paoa blong dae an hemi mekem hem fo laefbaek moa from dae. Bikos hemi had tumas fo dae ya hemi save holem Jisas stap.

Aposol 2:32

Disfala man Jisas, God hemi mekem hem fo laefbaek moa from dae, an mifala evriwan nao i barava lukim diswan long ae blong mifala.

Aposol 8:36

Tufala go-gohed fo falom disfala rod ya, go-go tufala lukim samfala wata. An disfala bikman hemi sei, “Lukim, wata long hia nomoa. ?Waswe, enisamting hemi stopem mi fo mi no baptaes distaem?”

Leta wea Pol hemi raetem go long sios long Rom 10:10

Bikos yumi biliv nao, God hemi mekem yumi stret long ae blong hem. An bikos yumi talemaot biliv blong yumi nao, God hemi sevem yumi.

Leta wea Pol hemi raetem go long sios long Rom 14:11

Bikos olketa raetem long Buktambu olsem, “Masta hemi sei, ‘Mi mekem strongfala promis long yufala. Bae evriwan mas nildaon long mi, an talemaot dat mi nao God.’”

Leta wea Pol hemi raetem go long sios long Rom 14:9

Kraes hemi dae an hemi laefbaek moa, fo mekem hem nao Masta blong olketa pipol hu i laef an hu i dae finis.

Leta wea Pol hemi raetem go long sios long Rom 4:24

bat hemi fo yumi tu. Yumi biliv long God hu hemi mekem Jisas Masta blong yumi fo laefbaek moa, an from diswan nao bae God hemi lukim yumi olsem stretfala pipol.

Leta wea Pol hemi raetem go long sios long Rom 8:34

So no eniwan save jajem yumi an sei yumi rong. Bikos Jisas Kraes hu hemi dae an laefbaek moa, hemi stap long raetsaet blong God wea hemi prea gud fo helpem yumi.

1 Korin 12:3

Dastawe mi laekem yufala fo save dat eniwan hu Spirit blong God i lidim hem, hemi no save sei, “!Jisas hemi ravis!” An eniwan wea Holi Spirit i nating lidim hem, hemi no save sei, “!Jisas nao hemi Masta!”

Filipae 2:11

An bae evriwan talemaot dat Jisas Kraes nao hemi Masta long evrisamting. An long diswan bae evriwan liftimapem nem blong God Dadi blong yumi.

1 Pita 1:21

Bikos Kraes hemi helpem yufala, hem nao yufala save biliv long God. God nao hemi mekem Kraes fo laefbaek moa from dae an givim hem saen blong bikfala paoa blong hem. Dastawe nao yufala save biliv long God an trastem hem.

1 Jon 4:15

Eniwan hu hemi talemaot dat Jisas hemi barava San Blong God, hem nao hemi stap joen wetem God an God hemi stap joen wetem hem.

2 Jon 1:7

Plande pipol hu i gohed fo laea, i bin goraon long evri ples finis. Olketa man ya i no biliv dat Jisas Kraes hemi bon kam wetem bodi olsem yumi. Eniwan olsem, hemi man fo laea an hemi enemi blong Kraes.