Leta wea Pol hemi raetem go long sios long Rom 1:30 - Pijin Bible

³⁰ Olketa tokspoelem nara pipol, an olketa heitem God, an olketa spoelem nem blong nara man, an olketa praod tumas, an olketa tinghae long olketa seleva nomoa. Olketa save tingabaotem enikaen wei fo duim olketa ravis samting, an olketa nating obeim mami an dadi blong olketa.

Pijin Deuterocanon

³⁰ Olketa tokspoelem nara pipol, an olketa heitem God, an olketa spoelem nem blong nara man, an olketa praod tumas, an olketa tinghae long olketa seleva nomoa. Olketa save tingabaotem enikaen wei fo duim olketa ravis samting, an olketa nating obeim mami an dadi blong olketa.

Leta wea Pol hemi raetem go long sios long Rom 1:30 Iomraidhean Croise

1 Kings 20:11

Bat king blong Israel hemi talem olketa fo tok long King Ben-Hadad olsem, “Soldia wea hemi jes stat fo faet hemi no save tokpraod olsem soldia hu hemi bin winim faet finis.”

2 Kronikols 19:2

Bat Profet Jehu hu hemi san blong Profet Hanani, hemi kam mitim king, an hemi tokstrong olsem long hem, “?Waswe, hemi stret fo yu go helpem ravis man, fo laekem datfala man hu hemi les long Yawe? !Yawe hemi kros tumas long yu from samting ya!

2 Kronikols 25:19

An hemi sei moa, “Yu talem yu seleva wea yu winim finis ami blong Idom long faet, an distaem yu praod tumas. Hemi gud fo yu stap nomoa long hom. Yu mas no mekem trabol olsem bikos bae hemi spoelem yu an olketa pipol blong Jiuda.”

Sams 10:3

Olketa nogud pipol i gohed fo tokpraod long olketa nogud samting wea olketa laekem. An olketa wea i laek fo garem evrisamting, i tok nogud long yu an i tanem baeksaet long yu.

Sams 106:39

Ya, long disfala wei olketa mekem olketa seleva fo kamap barava nogud long ae blong hem, an olketa nating kipim nao promis wea olketa bin mekem wetem God.

Sams 5:5

Yu nating laek fo lukim olketa praod pipol, an yu heitem evri nogud pipol.

Sams 52:1

!Sei Strongman! ?Waswe nao yu tokpraod abaotem olketa ravis samting wea yu bin duim agensim olketa hu God hemi lavem?

Sams 81:15

Ya, sapos olketa pipol blong mi i gohed fo lisin long mi, bae mi mekem olketa hu i heitem mi fo fraet. An bae mi panisim olketa olowe nao.

Sams 94:4

Olketa ya i gohed fo brekem lo. ?Fo hao long nao bae olketa gohed fo praod nomoa long olketa ravis wei blong olketa?

Sams 97:7

Evriwan hu i wosipim olketa tambu kaving an tokpraod long olketa narafala god, bae olketa barava sem fogud, bikos olketa narafala god ya i baodaon nomoa fo wosipim Yawe.

Sams 99:8

Lod Yawe, yu nao yu God blong mifala an yu nao bin ansarem prea blong olketa pipol blong yu. Nomata yu bin panisim olketa fo olketa sin blong olketa, yu bin somaot dat yu nao God hu save fogivim olketa.

Provebs 24:8

Man mekem ravis plan, hem nao man fo mekem trabol.

Provebs 25:23

Komburu tekem kam ren, ravis tok tekem kam kros.

Provebs 30:17

Sapos man luknogud long dadi blong hem, an les fo herem mami blong hem, bae olketa igol i kaikaim ae blong hem an olketa narafala bed kaikaim bodi blong hem.

Provebs 8:36

Bat man hu hemi no faendem mi, hemi spoelem hem seleva nomoa. An eniwan hu hemi heitem mi, hemi laekem tumas fo dae.”

Eklesiastes 7:29

Hem nomoa wanem mi faendem, God hemi mekem pipol i stret nomoa, bat yumi nomoa falom evri kaen nogud wei.

Esikiel 14:5

Bae mi duim diswan, bikos mi laek fo tanem baek tingting blong yufala blong Israel hu i lusim mi finis an gohed fo wosipim olketa ravis kaving.

Esikiel 22:7

No eniwan long taon ya hemi gohed fo tinghae long dadi an mami blong hem. Yufala gohed fo ravem olketa strensa, an yufala gohed fo spoelem olketa wido an olketa pikinini wea mami an dadi blong olketa i lus.

Nambas 10:35

Evritaem olketa karim Tambu Boks ya an stat fo wakabaot go, Mosis hemi prea olsem, “Lod Yawe, mekem olketa enemi blong yu fo ran olobaot. Plis yu mekem olketa hu i heitem yu fo ranawe.”

Matiu 15:4

God hemi sei, ‘Yu mas tinghae long mami an dadi blong yu.’ An hemi talem tu, ‘Eniwan hu hemi tokspoelem mami o dadi blong hem, olketa mas kilim hem dae nao.’

Matiu 16:21

Stat long taem ya, Jisas hemi go-gohed fo talemaot klia long olketa disaepol olsem, “Mi mas go long Jerusalem, an bae olketa hedprist an olketa tisa blong Lo an olketa nara bikman moa bae olketa meksave long mi an bae olketa kilim mi dae. Bat long mektri de, bae mi laefbaek moa.”

Gudnius abaotem Jisas Kraes wea Luk hemi raetem 21:16

Bae olketa mami an dadi blong yufala, an olketa brata blong yufala, an olketa long laen blong yufala, an olketa fren blong yufala nao, bae olketa givim yufala go long han blong olketa enemi blong yufala. An bae olketa kilim dae samfala long yufala tu.

Gudnius abaotem Jisas Kraes wea Jon hemi raetem 7:7

Olketa pipol blong disfala wol olketa no agensim yufala, bat mi nao olketa agensim mi, bikos mi talemaot dat wei blong olketa hemi ravis.

Aposol 5:36

Yufala save, long samfala yia bifoa, disfala man Tiudas hemi kam an talem hemi wanfala bikman ya. An go-go 400 man nao olketa joenem hem. Bat gavman i kilim hem dae, an olketa man blong hem olketa go olobaot nomoa. So wanem hemi statem, hem finis nao.

Leta wea Pol hemi raetem go long sios long Rom 2:17

?Nao waswe long yufala olketa pipol blong Jiu? Yufala trastem tumas Lo an praod bikos yufala blong God.

Leta wea Pol hemi raetem go long sios long Rom 2:23

Yufala tokpraod tumas bikos yufala garem Lo blong God, bat yufala lukdaon long hem taem yufala brekem Lo ya.

Leta wea Pol hemi raetem go long sios long Rom 3:27

?So wanem nao yumi save tokpraod long hem? !No enisamting nao! ?Waswe, from yumi falom Lo nao yumi save tokpraod? Nomoa ya, bat bikos yumi biliv nomoa.

2 Korin 10:15

An i no wei blong mifala fo tokpraod abaotem waka wea olketa nara pipol nao bin duim. Nomoa. Mifala barava laekem biliv blong yufala fo hemi grou, mekem waka blong mifala long yufala hemi bikfala moa.

2 Korin 12:20

Mi wari fo go kasem yufala, nogud laef blong yufala i deferen from wanem mi laek lukim long yufala. Sapos olsem, bae mi tu mi deferen from wanem yufala laekem. Mi fraet, nogud yufala gohed fo raoa an joles an kros kuiktaem an tingting long yufala seleva nomoa. An nogud yufala suea long nara man an stori nogud abaotem nara pipol, an nogud yufala praod an evrisamting hemi olobaot nomoa.

Diutronomi 27:16

“Trabol bae kasem eniwan hu hemi no tinghae long dadi an mami blong hem, Yawe bae hemi givim panis long hem.’ “An olketa pipol mas ansa olsem, ‘!Hem tru ya!’

Diutronomi 7:10

Bat long olketa hu i no laekem hem an i agensim hem, hemi panisim stret olketa ya. Kuiktaem nomoa bae hemi spoelem olketa hu i agensim hem.

2 Tesalonaeka 2:4

Bae disfala man hemi agensim evrisamting wea pipol olketa gohed fo wosipim, wetem enikaen god blong olketa. An bae hemi mekem hem seleva fo bikfala winim moa evrisamting ya, an bae hemi go sidaon insaet long Tambuhaos blong God an talem dat hem seleva nao hemi God.

2 Timoti 3:2

Bae olketa pipol tingim olketa seleva nomoa an bae olketa laekem seleni tumas. Bae olketa praod an bikhed, an bae olketa toktok nogud. Bae olketa no save obeim olketa mami an dadi blong olketa, an bae olketa no save sei tengkiu, an bae olketa tokdaonem God an olketa narasamting moa wea hemi holi.

Taetas 3:3

Long bifoa, Seitan hemi laea long yumi tu, an yumi nating tingting stret an no wiling fo obeim eniwan. Long taem ya, enikaen samting wea yumi seleva laekem tumas nomoa, hemi bosim yumi. An enikaen samting wea yumi filgud tumas long hem, hemi bosim yumi tu. An laef blong yumi hemi somaot enikaen joles an ravis wei long nara pipol. Olketa save heitem yumi, an yumi tu bin heitem olketa.

Jemes 3:5

Maos blong yumi hemi olsem tu. Nomata hemi smolfala pat nomoa long bodi, bat hemi save tokpraod tumas abaotem plande samting. An faea hemi olsem tu. Nomata hemi stat smolfala nomoa, bat hemi save laet go-go hemi save bonem evri bikfala tri long bus.

Jemes 4:16

Bat yufala praod tumas an yufala sei dat yufala save finis long wanem bae hemi hapen. Diskaen wei hemi nogud tumas.

2 Pita 2:18

Olketa gohed fo talem olketa praod toktok wea hemi krangge tumas. Olketa gohed fo toksuit mekem olketa pipol wande duim olketa samting blong wei blong sin. An from disfala wei nao, olketa save pulumbaek olketa pipol hu i trae fo lusim ravis wei blong olketa.

Jiud 1:16

Olketa pipol ya, olketa i pipol fo toktok enikaen agensim nara pipol oltaem. Olketa save falom olketa ravis tingting blong olketa seleva an olketa save tokpraod tumas tu, an olketa save suitim olketa nara pipol fo helpem olketa seleva nomoa.