Leta wea Pol hemi raetem go long sios long Rom 1:10 - Pijin Bible

¹⁰ Mi prea wea sapos hemi stret long tingting blong God, hemi mas helpem mi fo kam kasem yufala.

Pijin Deuterocanon

¹⁰ Mi prea wea sapos hemi stret long tingting blong God, hemi mas helpem mi fo kam kasem yufala.

Leta wea Pol hemi raetem go long sios long Rom 1:10 Iomraidhean Croise

Aposol 18:21

Bat taem hemi redi fo go, hemi talem olketa olsem, “Sapos God hemi wiling, bae mi kambaek moa fo lukim yufala.” Bihaen, hemi go long sip an hemi lusim Efesas moa.

Aposol 19:21

Taem evrisamting ya hemi hapen finis, Pol hemi mekem plan fo go kasem tufala provins long Masedonia an Akaea an bihaen hemi plan fo go kasem Jerusalem moa. An hemi sei olsem, “Taem mi go kasem olketa ples ya finis, bae mi mas go kasem biktaon long Rom tu.”

Aposol 21:14

Mifala no save mekem hem fo sensim tingting blong hem so mifala kuaet nao an mifala sei nomoa, “Wanem Masta hemi laekem, hem nao hemi mas kamtru.”

Leta wea Pol hemi raetem go long sios long Rom 15:29

An mi save, taem mi kam long yufala, bae mi kam wetem evri gudfala blesing blong Kraes.

1 Korin 1:1

Mi Pol ya, wea God hemi mekem mi kamap aposol blong Jisas Kraes. Mi wetem Kristin fren blong yumi Sostinis,

1 Korin 4:19

Bat sapos God hemi letem mi, bae no longtaem nomoa mi kam long yufala nao. An long taem ya, bae mi no herem nomoa olketa toktok blong olketa man bikhed ya, bat bae mi mas lukim watkaen paoa nao olketa maet garem.

Filipae 4:6

Yufala mas no wari long enisamting, bat evritaem yufala prea long God, yufala mas tengkiu long hem an talem hem wanem yufala nidim.

1 Tesalonaeka 2:18

So mifala traehad tumas fo kambaek moa long ples blong yufala. An mi Pol, tu-tri taem nao mi traehad finis fo faendem samfala wei fo kam lukim yufala, bat Seitan nao hemi blokem ka-kam blong mifala.

Filimon 1:22

Narasamting moa, mi save dat yufala gohed fo prea long God fo mi save kambaek moa long yufala, an mi biliv bae God hemi herem olketa prea blong yufala. So, mi laekem yu fo mekredi long wanfala rum fo mi stap long hem.

Hibrus 13:19

Mi barava askem yufala evriwan fo prea fo mi, mekem no longtaem mi save kambaek moa long yufala.

Jemes 4:15

So yufala mas tok olsem, “Sapos hemi oraet long Masta an yumi laef yet, bae yumi save duim wanem yumi tingim.”