Leta wea Pol hemi raetem go long sios long Rom 1:1 - Pijin Bible

¹ Mi Pol, wakaman blong Jisas Kraes. God hemi kolem mi fo kamap aposol, an hemi siusim mi fo talemaot Gudnius blong hem.

Pijin Deuterocanon

¹ Mi Pol, wakaman blong Jisas Kraes. God hemi kolem mi fo kamap aposol, an hemi siusim mi fo talemaot Gudnius blong hem.

Leta wea Pol hemi raetem go long sios long Rom 1:1 Iomraidhean Croise

1 Kronikols 23:13

Amram hemi bonem tufala san olsem: Eron an Mosis. Olketa bin mektambu long Eron an olketa san blong hem fo lukaftarem olketa tambu samting. Laen blong hem i holem waka ya olowe nao. Spesol waka blong olketa i olsem: olketa lukaftarem olketa tambu samting blong Yawe, an olketa bonem olketa sakrifaes fo wosipim Yawe, an olketa duim olketa narafala waka fo blesim olketa pipol long nem blong Yawe.

Aesaea 49:1

Wakaman blong Yawe hemi tok olsem, “!Lisin kam long mi, yufala hu i stap kam long olketa farawe kantri! Bifoa, taem mi no bon yet, Yawe hemi siusim mi finis. Hemi kolem nem blong mi fo kamap wakaman blong hem.

Jeremaea 1:5

“Jeremaea. Taem mi no wakem yu yet insaet long bele blong mami blong yu, mi save long yu finis. Ya, taem yu no bon kam yet, mi bin makem yu fo wanfala spesol waka. An mi nao siusim yu fo kamap profet blong mi wea bae yu talemaot toktok blong mi long olketa kantri long wol.”

Gudnius abaotem Jisas Kraes wea Mak hemi raetem 1:14

Taem olketa putum Jon Baptaes long prisin finis, Jisas hemi go long Galili nao an hemi go-gohed fo talemaot Gudnius blong God.

Gudnius abaotem Jisas Kraes wea Jon hemi raetem 12:26

Eniwan hu hemi waka fo mi, hemi mas falom mi nao, mekem wakaman blong mi hemi stap long ples wea mi stap long hem. An eniwan hu hemi waka fo mi bae Dadi blong mi hemi tinghae long hem ya.”

Gudnius abaotem Jisas Kraes wea Jon hemi raetem 15:15

Distaem, mi no kolem yufala olsem olketa wakaman blong mi, bikos wakaman hemi no save long wanem bos blong hem hemi duim ya. Bat mi kolem yufala olsem olketa fren blong mi, bikos evrisamting wea Dadi blong mi hemi talem long mi, mi talem long yufala finis.

Gudnius abaotem Jisas Kraes wea Jon hemi raetem 15:20

Yufala mas tingim wanem mi talem long yufala finis, ‘Wakaman hemi no hae winim bos blong hem ya.’ Sapos olketa pipol meksave long mi, bae olketa meksave long yufala tu ya, an sapos olketa obeim toktok blong mi, bae olketa obeim toktok blong yufala tu ya.

Aposol 13:9

Nao Sol, hu nara nem blong hem Pol, hemi fulap long Holi Spirit, an hemi luk go stret long Elimas,

Aposol 20:24

Bat laef blong mi nao hemi olsem samting nating nomoa long mi ya. Wanem hemi bikfala nao, hemi fo mi mas go-gohed an barava finisim disfala waka wea Jisas Masta blong yumi, hemi givim long mi fo duim. An waka ya nao hemi fo talemaot disfala Gudnius abaotem kaenfala lav blong God.

Aposol 21:40

Kapten hemi letem hem nao. So Pol hemi stanap antap long olketa step long haos ya, an hemi mekem saen fo mekem olketa pipol lisin gudfala. Nao taem olketa stap kuaet nomoa, hemi gohed nao fo toktok long olketa long langguis long Hibru, an hemi sei,

Aposol 22:21

Nao Masta hemi tok olsem long mi moa, ‘!Yu go nao! Bae mi sendem yu go farawe go kasem olketa pipol hu i no Jiu.’”

Aposol 22:7

Mi foldaon long graon nao, an mi herem wanfala toktok hemi sei, ‘?Sol, Sol, waswe nao yu gohed fo meksave long mi?’

Aposol 26:1

Nao Agripa hemi sei long Pol, “Mi letem yu nao fo toktok fo saet blong yu seleva.” So Pol hemi mekem saen fo olketa lisin long hem, an hemi toktok olsem,

Aposol 26:14

Mifala evriwan i foldaon long graon an mi herem wanfala toktok hemi tok kam long langguis long Hibru, wea hemi sei, ‘?Sol, Sol, waswe nao yu gohed fo meksave long mi? Yu spoelem yu seleva nomoa ya taem yu traehad fo go agensim tingting blong mi olsem.’

Aposol 27:23

Mi man blong God an mi save prea go long hem. An lasnaet, wanfala enjel blong God hemi kam long mi,

Aposol 9:15

Bat Masta hemi tok long hem an hemi sei, “!Yu go! Disfala man ya, mi nao mi siusim hem fo duim waka blong mi. Bae hemi talemaot nem blong mi long olketa pipol hu i no Jiu wetem olketa king an olketa pipol blong Israel tu.

Leta wea Pol hemi raetem go long sios long Rom 1:16

Mi nating filsem long disfala Gudnius, bikos hem ya nao paoa blong God fo sevem evriwan hu i biliv long hem. Fastaem, olketa Jiu nao i herem, an bihaen nao, olketa pipol hu i no Jiu herem tu.

Leta wea Pol hemi raetem go long sios long Rom 1:5

Long nem blong Kraes nao mi tekem disfala blesing blong God, wea hemi mekem mi waka olsem aposol fo kolem olketa pipol long evri kantri fo bilivim an obeim hem.

Leta wea Pol hemi raetem go long sios long Rom 1:9

Mi waka fo God wetem evri tingting blong mi, fo talemaot Gudnius abaotem San blong hem. An God hemi save, mi tingim yufala oltaem long prea blong mi.

Leta wea Pol hemi raetem go long sios long Rom 11:13

Nao mi tok go long yufala olketa pipol hu i no Jiu. Mi tinghae long waka blong mi, wea mi aposol fo yufala pipol hu i no Jiu.

Leta wea Pol hemi raetem go long sios long Rom 15:16

wea hemi mekem mi wakaman blong Jisas Kraes fo mi waka fo olketa pipol hu i no Jiu. Mi waka fo God olsem prist long Tambuhaos. Mi talemaot Gudnius blong God, mekem olketa pipol hu i no Jiu save kam long God, fo Holi Spirit mekem olketa kamap holi. Long wei ya, bae olketa kamap olsem sakrifaes wea God hemi hapi tumas long hem.

Leta wea Pol hemi raetem go long sios long Rom 15:29

An mi save, taem mi kam long yufala, bae mi kam wetem evri gudfala blesing blong Kraes.

Leta wea Pol hemi raetem go long sios long Rom 16:18

Olketa pipol olsem, olketa no waka wetem Kraes Masta blong yumi, bat olketa falom nomoa ravis tingting blong olketa seleva. Olketa save yusim suit toktok an olketa save laea nomoa fo trikim olketa pipol hu i no savegud long wei blong olketa.

Leta wea Pol hemi raetem go long sios long Rom 16:25

!Yumi mekhae long God! Hem nao hemi save mekem yufala stanap strong long biliv blong yufala, falom Gudnius wea mi talemaot abaotem Jisas Kraes. Long Gudnius ya nao God hemi mekem klia disfala toktok wea hemi staphaed long bifoa kam yet.

1 Korin 1:1

Mi Pol ya, wea God hemi mekem mi kamap aposol blong Jisas Kraes. Mi wetem Kristin fren blong yumi Sostinis,

1 Korin 9:1

Yufala save dat mi fri. An yufala save dat mi aposol. An yufala save dat mi lukim Jisas Masta blong yumi. An yufala save dat yufala stat fo biliv long Masta from waka blong mi nomoa.

2 Korin 1:1

Mi Pol, wea God hemi mekem mi kamap aposol blong Jisas Kraes. Mi wetem Kristin brata blong yumi Timoti, mitufala raet go long yufala pipol blong God long Korin an long olketa nara ples long provins long Akaea.

2 Korin 11:5

Mi no tingim dat mi samting nating an olketa wea yufala kolem olketa nambawan aposol i gudfala winim mi.

2 Korin 11:7

Mi no bin askem enisamting long yufala taem mi talemaot Gudnius blong God long yufala. Mi stap hambol nomoa, mekem yufala kamap nambawan pipol. ?Waswe, yufala tingse mi duim rong samting?

2 Korin 12:11

Mi tok olsem wanfala krangge man nao, bat yufala stap kuaet nomoa, so mi seleva mi mas tok olsem. Hemi fitim fo yufala nao tokabaotem gudfala waka blong mi. Bikos mi no tingim dat mi samting nating an olketa wea yufala kolem olketa nambawan aposol i gudfala winim mi.

2 Korin 2:12

Taem mi bin kasem Troas fo talemaot Gudnius abaotem Kraes, Masta hemi helpem mifala fo duim plande gudfala waka.

2 Korin 4:5

Mifala no tokabaotem mifala seleva, bat mifala talemaot Jisas Kraes wea hem nao Masta. An mifala nao wakaman blong yufala bikos mifala falom Jisas.

Galesia 1:1

Mi Pol, wea Jisas Kraes an God Dadi blong yumi, i mekem mi kamap aposol. Olketa pipol i no siusim mi o mektambu long mi olsem. Nomoa. God hu hemi mekem Jisas fo laefbaek moa from dae, hem nao hemi duim.

Efesas 1:1

Mi Pol, wea God seleva hemi siusim mi fo kamap aposol blong Jisas Kraes. Mi raet go long yufala olketa pipol blong God long Efesas, wea yufala gohed fo falom Jisas Kraes wea yufala joen wetem hem finis.

Efesas 1:13

An yufala tu, yufala kamap pipol blong God taem yufala herem disfala tru toktok wea hem nao disfala Gudnius wea hemi sevem yufala. Yufala bin biliv long Kraes ya, an fo somaot dat hemi onam yufala, God hemi givim yufala disfala Holi Spirit wea hemi bin promisim.

Efesas 4:11

An hem nao hemi givim olketa presen long yumi, wea hemi siusim samfala fo aposol, an samfala fo profet, an samfala fo evanjelis, an samfala fo pasto, an samfala fo tisa.

Diutronomi 10:8

An long datfala taem, Yawe hemi siusimaot traeb blong Livae fo karim disfala Tambu Boks blong Agrimen blong Yawe. An olketa ya waka long tambu haostent fo mekem olketa waka blong hem, an fo blesim olketa pipol long nem blong Yawe. Nao olketa gohed fo duim disfala waka kam kasem tude.

Filipae 1:1

Mi Pol wetem Timoti wea mitufala wakaman blong Jisas Kraes, mitufala raet go long yufala olketa lida an olketa man fo waka long sios long Filipae. Ya, mitufala raet go long yufala evriwan long Filipae wea yufala blong God an yufala stap joen wetem Jisas Kraes.

Filipae 2:11

An bae evriwan talemaot dat Jisas Kraes nao hemi Masta long evrisamting. An long diswan bae evriwan liftimapem nem blong God Dadi blong yumi.

Kolosi 1:1

Mi Pol ya, wea God hemi mekem mi kamap aposol blong Jisas Kraes. Mi wetem Kristin fren blong yumi Timoti,

Kolosi 1:25

God nao hemi makem mi an hemi mekem mi kamap wakaman blong sios fo helpem yufala ya. An waka blong mi nao hemi fo talemaot evri toktok blong hem.

1 Tesalonaeka 2:2

An yufala save tu dat taem mifala stap yet long taon long Filipae, olketa pipol barava spoelem mifala tumas an olketa tok nogud tu long mifala. Bat nomata plande pipol olketa agensim mifala, God blong yumi nao hemi strongim tingting blong mifala fo talemaot Gudnius blong hem long yufala.

1 Tesalonaeka 2:8

Mifala lavem yufala tumas an mifala laekem tumas fo helpem yufala. Dastawe nao mifala laekem fo talem yufala abaotem Gudnius blong God, an mifala redi tu fo letem mifala dae fo yufala.

1 Tesalonaeka 2:9

Olketa Kristin fren, taem mifala stap wetem yufala, yufala save finis dat mifala wakahad tumas fo talemaot Gudnius blong God. Oltaem, nomata long de o naet, mifala gohed fo wakahad, mekem yufala no garem trabol tumas fo fidim mifala.

1 Timoti 1:1

Mi Pol, mi aposol blong Jisas Kraes, falom toktok blong God hu hemi Sevia blong yumi an Jisas Kraes hu yumi save trastem olowe.

1 Timoti 2:7

Dastawe nao God hemi siusim mi fo waka olsem aposol. Hemi laekem mi fo talemaot Gudnius long olketa pipol hu i no Jiu, an fo tisim olketa abaotem biliv wea hemi barava truwan. Mi toktru ya, mi no laea.

2 Timoti 1:11

God nao hemi siusim mi fo waka olsem aposol an tisa, mekem mi talemaot disfala Gudnius ya.

Taetas 1:1

Mi Pol, mi wakaman blong God an aposol blong Jisas Kraes. Hemi sendem mi fo helpem olketa pipol wea God hemi siusim finis, mekem olketa biliv long hem an savegud long tru toktok. Tru toktok ya hemi mekem yumi falom laef wea hemi stret long ae blong God.

Hibrus 5:4

No eniwan save haemapem hem seleva fo tekem disfala waka olsem haeprist. God nomoa hemi save siusim man fo haeprist, olsem hemi siusim Eron bifoa.

Hibrus 7:26

Jisas nao hemi Haeprist hu hemi barava fit fo helpem yumi. Bikos Jisas hemi holi, wea hemi no garem eni sin an wei blong hem hemi stret olowe nomoa. An God hemi putum hem hae antap long heven wea hemi stap deferen from olketa pipol hu i garem sin.

Jemes 1:1

Mi Jemes, wakaman blong God an blong Jisas Kraes Masta blong yumi. Mi sei halo long olketa pipol blong God wea yufala stap long evri ples long wol.

1 Pita 4:17

Taem fo God hemi jajem olketa pipol, hemi kam finis nao. An fas pipol fo God hemi jajem nao, hemi olketa pipol hu i biliv long hem. ?Sapos yumi nao bae God hemi jajem yumi fastaem, wanem nao bae hemi duim long olketa pipol hu i no biliv long Gudnius blong hem?

2 Pita 1:1

Mi Saemon Pita, wakaman an aposol blong Jisas Kraes. Mi raet go long yufala wea God hemi givim disfala nambawan biliv wea mifala tu garem. Long stretfala wei blong God an Sevia blong yumi Jisas Kraes, hem nao yumi evriwan garem disfala nambawan biliv.

Jiud 1:1

Mi Jiud, wea mi wakaman blong Jisas Kraes an mi brata blong Jemes. Mi raet go long yufala evri pipol wea God hemi siusim yufala. God Dadi blong yumi hemi lavem yufala tumas, an Jisas Kraes tu hemi lukaftarem yufala gudfala.

Revelesin 1:1

Disfala buk hemi talemaot olketa samting wea hemi staphaed bifoa, bat distaem Jisas Kraes hemi somaot klia. God hemi som diswan long Jisas, mekem hemi save somaot moa long olketa wakaman blong hem. Hemi somaot olketa samting wea bae no longtaem nomoa, olketa mas hapen. Nao Kraes hemi sendem enjel blong hem fo somaot olketa samting ya long mi Jon, wea mi nao wakaman blong hem.

Revelesin 22:6

Bihaen, enjel ya hemi tok olsem moa long mi, “Olketa toktok ya i barava tru tumas, an yu save trastem. God Masta hu hemi givim Spirit blong hem long olketa profet, hem nao hemi sendem mi kam fo som long olketa wakaman blong hem, olketa samting wea bae no longtaem nomoa hemi mas hapen.”

Revelesin 22:9

Bat hemi tok olsem long mi, “!Nomoa, yu no wosipim mi! Mi wanfala wakaman olsem yu nomoa. Mi olsem olketa profet hu i brata blong yu, an mi olsem olketa nara pipol hu i obeim olketa toktok wea hemi stap insaet long disfala skrol ya. !Yu mas wosipim God nomoa!”