Revelesin 10:3 - Pijin Bible

³ An hemi singaot bikfala olsem taem laeon hemi singaot. Taem hemi singaot finis, sevenfala tanda olketa talemaot toktok blong olketa.

Pijin Deuterocanon

³ An hemi singaot bikfala olsem taem laeon hemi singaot. Taem hemi singaot finis, sevenfala tanda olketa talemaot toktok blong olketa.

Revelesin 10:3 Iomraidhean Croise

Sams 29:3

Olketa pipol i save herem strongfala voes blong Yawe antap long solwata. Voes blong God hu hemi hae fogud hemi bosta olsem tanda antap long solwata ya.

Provebs 19:12

Sif wea hemi kros, hemi olsem laeon hemi redi fo kaikaim yu. Sif wea hemi hapi, hemi olsem gudfala ren.

Aesaea 31:4

Hem nao Yawe hemi tok olsem, “Bae mi kam olsem wanfala laeon wea hemi no save fraetem enisamting. Nomata olketa man fo lukaftarem sipsip i singaot an trae fo gadem olketa sipsip blong olketa, bat hemi kam nomoa fo faetem olketa. Hem nao wei wea mi Yawe hu mi garem evri paoa, bae mi duim long olketa antap long maonten long Saeon.

Aesaea 42:13

Yawe hemi goaot fo faet olsem wanfala strongman, hemi mekem hem seleva redi barava olsem wanfala man fo faet. Hemi singaot bikfala fo somaot paoa blong hem agensim olketa enemi blong hem.

Aesaea 5:29

Bae olketa enemi blong yufala ya i winim yufala an tekem yufala go, an no eniwan save helpem yufala. Hemi olsem wea laeon hemi mekem bikfala noes taem hemi kasholem narafala animol fo kaikaim.

Jeremaea 25:30

Yawe hemi gohed fo tok long mi olsem, “Jeremaea. Yu talemaot disfala profesi agensim olketa: Yawe hemi singaot bikfala from heven olsem laeon, an voes blong hem hemi here olsem saon blong bikfala tanda. Bae hemi saot bikfala agensim olketa long lan blong hem. Bae hemi singaot olsem pipol hu i step long grep fo wakem waen, agensim evri pipol long wol.

Esikiel 10:5

Noes long wing blong olketa enjel ya hemi bikfala tumas, mekem man save herem nomata hemi stanap farawe kam narasaet long bikfala open eria blong Tambuhaos. Noes ya hemi bikfala olsem voes blong Yawe hu hemi garem evri paoa taem hemi gohed fo tok.

Hosia 11:10

“Taem mi singaot bikfala agensim olketa enemi blong olketa pipol blong mi, olsem laeon wea hemi kros, bae olketa pipol ya i falom mi moa. Ya, taem mi singaot bikfala olsem, bae olketa seksek an ran kambaek long mi from evri ples.

Joel 3:16

Bae Yawe hemi stap long tambu maonten long Saeon long Jerusalem. Hemi singaot bikfala kam, an voes blong hem hemi olsem voes blong laeon. Ya, voes blong hem hemi kamaot bikfala tumas olsem tanda, nao graon an skae hemi seksek fogud. Bat hemi gohed fo lukaftarem gudfala olketa pipol blong Israel. An hem nao hemi sefples blong olketa pipol blong hem.

Emos 1:2

Yawe hemi singaot bikfala olsem laeon from disfala maonten long Saeon, an voes blong hem hemi here olsem saon blong bikfala tanda. Hemi save mekem olketa gudfala gras wea olketa sipsip i kaikaim fo dae, an hemi save mekem tu evri tri long maonten long Kaamel fo dae.

Emos 3:8

Taem laeon hemi singaot bikfala, man wea hemi herem mas fraet nao. Lod Yawe hemi olsem disfala laeon an hemi tok finis. Mi nao mi herem an mi mas talemaot olketa toktok blong hem.

Revelesin 14:2

An mi herem wanfala saon long heven, wea hemi meknoes tumas olsem olketa bikfala wev an olketa bikfala tanda. An disfala saon ya hemi here olsem plande gita wea olketa gohed fo pleim.

Revelesin 15:1

Den mi lukim moa wanfala bikfala saen long skae, wea mi barava sapraes tumas long hem. Mi lukim sevenfala enjel wea olketa tekem kam sevenfala bikfala panis. Olketa panis ya olketa laswan, bikos taem olketa finis, kros blong God tu bae hemi finis.

Revelesin 15:7

Long taem ya nomoa, wanfala long fofala animol ya, hemi givim sevenfala gol baol long sevenfala enjel ya. Olketa baol ya i fulap long kros blong God hu hemi laef olowe.

Revelesin 4:5

Nao long tron ya, mi lukim tu laetning hemi gohed fo laet kam long hem, an mi herem bikfala noes blong tanda wea hemi bosta. Long frant long tron ya, mi lukim moa sevenfala lam olketa gohed fo laet. Olketa ya nao seven gudfala spirit blong God.

Revelesin 8:5

Bihaen nomoa, enjel ya hemi tekem sosa blong insens an hemi fulumapem long faea long olta. Hemi tekem nomoa, an hemi torowem godaon long wol. Taem ya nomoa, bikfala noes nao hemi kam an laetning hemi laet an tanda hemi bosta an wanfala etkuek hemi sekem graon.