Provebs 9:3 - Pijin Bible

³ Hemi sendem go olketa wakamere blong hem, olketa stanap long hae ples long taon an kolaot go long evriwan olsem,

Pijin Deuterocanon

³ Hemi sendem go olketa wakamere blong hem, olketa stanap long hae ples long taon an kolaot go long evriwan olsem,

Provebs 9:3 Iomraidhean Croise

Sams 68:11

Masta blong yumi hemi givim strongfala toktok blong hem, an plande woman nao i talemaot nius ya olsem,

Provebs 9:14

Hemi sidaon long frant long haos blong hem wea hemi stap long hae ples long taon.

Provebs 9:16

Hemi kol go long olketa olsem, “Yufala hu i no garem save, yufala kam long haos blong mi.” An hemi tok olsem long olketa hu i no garem gudfala tingting,

Matiu 22:9

So yufala mas goaot long olketa bikrod long midol long taon, an evriwan wea yufala mitim, yufala mas kolem olketa fo kam long disfala fist.’

Gudnius abaotem Jisas Kraes wea Luk hemi raetem 11:49

Dastawe nao God wea hemi waes tumas hemi talem finis olsem, ‘Bae mi sendem kam olketa profet an olketa niusman blong mi long olketa pipol. An bae olketa kilim dae samfala long olketa, an bae olketa meksave long samfala long olketa moa.’

Gudnius abaotem Jisas Kraes wea Luk hemi raetem 14:17

Taem evrisamting hemi redi finis, hemi sendem go wakaman blong hem fo go an talem olsem long olketa pipol wea hemi bin askem olketa finis fo kam, ‘Yufala kam nao, bikos evrisamting hemi redi finis.’

Gudnius abaotem Jisas Kraes wea Jon hemi raetem 18:20

Jisas hemi ansarem hem olsem, “Mi bin toktok klia abaotem olketa samting ya nomoa long evriwan. Mi tis olowe insaet long olketa preahaos an insaet long eria long Tambuhaos wea olketa pipol save hipap tugeta long hem. Mi nating talemhaed enisamting ya.

Gudnius abaotem Jisas Kraes wea Jon hemi raetem 7:37

Long las de blong olketa bikde ya, wea hemi bikfala moa winim eni nara de long wik ya, Jisas hemi stanap nomoa an hemi toktok bikfala olsem nao, “Sapos eniwan hemi laek fo dring, hemi mas kam fo dring long mi.

Leta wea Pol hemi raetem go long sios long Rom 10:15

?An hao nao eniwan i save talemaot nius, sapos olketa no sendem eniwan fo talemaot? Olsem olketa raetem long Buktambu, “!Hemi gudfala samting tumas, taem olketa pipol kam fo talemaot Gudnius!”