Provebs 8:5 - Pijin Bible

⁵ Yufala hu i no save tingting stret, yufala kam, bae mi stretem tingting blong yufala. Yufala no garem save, yufala kam, bae mi mekem yufala garem save.

Pijin Deuterocanon

⁵ Yufala hu i no save tingting stret, yufala kam, bae mi stretem tingting blong yufala. Yufala no garem save, yufala kam, bae mi mekem yufala garem save.

Provebs 8:5 Iomraidhean Croise

Sams 19:7

Lo blong Yawe hemi barava stret fogud, an hemi mekem yumi fo filstrong moa. Hemi fitim fo yumi trastem olketa rul blong Yawe, an hemi gohed fo givim waes long olketa wea i no waes.

Sams 94:8

!Yufala olketa nogud pipol, yufala barava krangge fogud! ?Fo hao long nao bae yufala gohed fo krangge nomoa olsem?

Provebs 1:22

Hemi tok olsem, “?Yufala hu i no garem save, hao long nao bae yufala stap olsem? ?Hao long nao bae yufala krangge man i hapi fo mekfan long pipol? ?Hao long nao yufala gohed fo les long save?

Provebs 1:32

Olketa hu i no garem save bae i dae bikos olketa tanem baeksaet long mi. An krangge pipol bae dae bikos i les long stretfala wei.

Provebs 1:4

Toktok ya save openem tingting blong pipol hu i no garem save, an save mekem yangfala pipol kamap waes an garem gud tingting.

Provebs 3:35

Pipol hu i waes bae garem gudfala nem, bat pipol hu i krangge bae garem ravis nem nomoa.

Provebs 8:12

“Mi nao mi Waes Toktok, an mi stap tugeta wetem stretfala tingting. Mi garem save an gudfala tingting.

Provebs 8:4

“!Olketa! Mi kolaot go long yufala man. Mi talemaot tingting blong mi long evriwan long wol.

Provebs 9:4

“!Yufala hu i no garem save, yufala kam! !Yufala hu i no garem gudfala tingting, yufala kam!

Aesaea 42:13

Yawe hemi goaot fo faet olsem wanfala strongman, hemi mekem hem seleva redi barava olsem wanfala man fo faet. Hemi singaot bikfala fo somaot paoa blong hem agensim olketa enemi blong hem.

Aposol 26:18

Bae yu mas openem ae blong olketa, mekem olketa save lusim tudak an kam kasem laet, an mekem olketa kamaot from paoa blong Seitan an kam kasem paoa blong God. An taem olketa biliv long mi, bae God hemi save fogivim sin blong olketa, an bae olketa save joen wetem olketa wea God hemi bin siusim olketa finis.’

1 Korin 1:28

God hemi siusim olketa pipol wea long lukluk blong man olketa lou tumas an olketa nogud tumas. Hemi siusim olketa wea long lukluk blong man olketa samting nating nomoa, mekem olketa hu i bikman tumas bae olketa kamap samting nating nao.