Provebs 7:7 - Pijin Bible

⁷ Mi lukim plande yangman wakabaot nomoa. Den mi luksave dat wanfala long olketa hemi no garem gudfala save yet.

Pijin Deuterocanon

⁷ Mi lukim plande yangman wakabaot nomoa. Den mi luksave dat wanfala long olketa hemi no garem gudfala save yet.

Provebs 7:7 Iomraidhean Croise

Stori abaotem Job 24:15

Olketa man hu i aftarem woman blong nara man, i gohed weit fo taem hemi tudak. Olketa ya i kavaremap fes blong olketa mekem no eniwan hemi luksave long olketa, den olketa krip go nao.

Sams 119:130

Taem mining blong olketa tru toktok blong yu hemi klia, hemi givim laet long olketa pipol, an hemi mekem pipol hu i no save fo kamap waes.

Sams 19:7

Lo blong Yawe hemi barava stret fogud, an hemi mekem yumi fo filstrong moa. Hemi fitim fo yumi trastem olketa rul blong Yawe, an hemi gohed fo givim waes long olketa wea i no waes.

Provebs 1:22

Hemi tok olsem, “?Yufala hu i no garem save, hao long nao bae yufala stap olsem? ?Hao long nao bae yufala krangge man i hapi fo mekfan long pipol? ?Hao long nao yufala gohed fo les long save?

Provebs 1:32

Olketa hu i no garem save bae i dae bikos olketa tanem baeksaet long mi. An krangge pipol bae dae bikos i les long stretfala wei.

Provebs 1:4

Toktok ya save openem tingting blong pipol hu i no garem save, an save mekem yangfala pipol kamap waes an garem gud tingting.

Provebs 10:13

Man hemi save, hemi tok waes, man hemi krangge, hemi mas filim wip.

Provebs 12:11

Man hemi waka had hemi garem plande kaikai, man hemi westem taem no garem gud tingting.

Provebs 14:15

Man no garem save, bae biliv long enisamting. Man garem gudfala save, bae hemi tingim wei fo falom.

Provebs 14:18

Man no garem save, hemi kasem krangge tingting. Man garem gudfala tingting, hemi kasem save.

Provebs 19:2

Yu no save, oraet, no hariap. Yu hariap, oraet, yu gorong.

Provebs 19:25

Wipim man hu i mekfan long pipol, an man i no garem save bae lanem gudfala tingting. Tokstrong long man hu hemi garem save, bae hemi garem moa save.

Provebs 22:3

Man garem save, hemi lukim trabol, hem go long sef ples. Man no garem save, hem gohed long trabol, an hemi panis.

Provebs 24:30

Mi wakabaot kolsap long gaden blong Lesibon. Mi bin gopas long plantesin long grep blong man i no save tingting.

Provebs 27:12

Man garem save, hemi lukim trabol, hem go long sef ples. Man no garem save, hem gohed long trabol, an hemi safa.

Provebs 5:1

San, herem waes toktok blong mi, an lisin kam gudfala long save blong mi.

Provebs 6:20

San blong mi, yu mas obeim evri strongfala toktok wea dadi hemi givim, an no fogetem evri tising wea mami hemi givim long yu.

Provebs 6:32

Bat man hu hemi durong wetem waef blong nara man, hemi nating garem stretfala tingting, an hemi spoelem hem seleva.

Provebs 8:5

Yufala hu i no save tingting stret, yufala kam, bae mi stretem tingting blong yufala. Yufala no garem save, yufala kam, bae mi mekem yufala garem save.

Provebs 9:16

Hemi kol go long olketa olsem, “Yufala hu i no garem save, yufala kam long haos blong mi.” An hemi tok olsem long olketa hu i no garem gudfala tingting,

Provebs 9:4

“!Yufala hu i no garem save, yufala kam! !Yufala hu i no garem gudfala tingting, yufala kam!

Jeremaea 4:22

Nao Yawe hemi tok olsem, “Olketa pipol blong mi i krangge an no save long mi nao. Olketa barava olsem olketa pikinini hu i no minimsave enisamting. Olketa savegud hao fo duim enikaen ravis samting, bat olketa no save hao fo duim enikaen gud samting.”

Matiu 15:16

Bat Jisas hemi sei, “!Maewat! Hed blong yufala hemi tudak olsem olketa tu ya.