Provebs 7:27 - Pijin Bible

²⁷ Fo go long haos blong hem, hem nao bikrod godaon long grev.

Pijin Deuterocanon

²⁷ Fo go long haos blong hem, hem nao bikrod godaon long grev.

Provebs 7:27 Iomraidhean Croise

Provebs 5:5

Bae hemi lidim yu go long ples fo dae.

Provebs 7:8

Long ivining taem hemi tudak finis, disfala yangman hemi goraon long kona long rod kolsap long haos blong wanfala ravis waef blong nara man.

Provebs 9:18

Bat olketa nating save nomoa dat dae blong olketa hemi insaet long haos ya, an olketa hu i go insaet i godaon finis insaet long grev.

Eklesiastes 7:26

Wanem mi faendemaot hemi olsem, Wanfala samting hemi mekem mi filnogud tumas winim dae, Krangge wei hemi olsem wanfala woman hu hemi kasholem yu long wanfala trap, han blong hem hemi save holetaet long yu olsem wanfala sen. Eniwan hu hemi obeim God hemi save ranawe long hem, bat nogud man bae hemi pas long trap.

1 Korin 6:10

an olketa hu i stil, an olketa hu i kavetem olketa samting blong nara pipol, an olketa hu i drang olowe, an olketa hu i stori nogud abaotem olketa narawan, an olketa hu i save fosim pipol fo givim samting long olketa. Bikos bae olketa pipol olsem ya olketa no save kasem kingdom blong God.

1 Korin 6:9

Yufala save finis nao, olketa pipol hu save duim olketa nogud samting bae olketa no save kasem kingdom blong God. So yufala mas no tingting rong abaotem olketa pipol ya, olsem olketa hu i durong wetem eniwan, an olketa hu i wosipim olketa laea god, an olketa hu i brekem lo blong marit, an olketa man hu i durong wetem olketa nara man nomoa,

Revelesin 22:15

Bat olketa nara pipol moa olketa no save go insaet. Hem nao olketa hu i falom olketa ravis wei, an olketa hu i gohed fo mekem majik, an olketa hu i durong wetem eniwan, an olketa hu i kilim man dae, an olketa hu i gohed fo wosipim olketa narafala god, an olketa hu i save laea tumas long toktok an long laef blong olketa.