Provebs 7:26 - Pijin Bible

²⁶ Plande man i dae finis long wei blong hem, hemi spoelem staka man nao.

Pijin Deuterocanon

²⁶ Plande man i dae finis long wei blong hem, hemi spoelem staka man nao.

Provebs 7:26 Iomraidhean Croise

2 Samuel 3:27

Taem Abna hemi kam kasem ples ya, Joab hemi tekem hem go long geit blong bikfala wolston blong taon. Hemi mekem hemi luk olsem hemi laekem tok kuaet wetem hem seleva. An long ples ya nao, hemi holem naef, an busarem Abna long bele blong hem an kilim hem dae. Hemi duim samting ya bikos Abna hemi bin kilim dae brata blong hem Asahel.

Nehemaea 13:26

An mi tok olsem long olketa, “Bifoa, olketa kaen woman aotsaet nao i lidim Solomon hu hemi king blong Israel fo mekem sin. Solomon ya hemi king wea hemi hae tumas winim evri king long olketa narafala kantri, an God hemi lavem hem tumas. God hemi mekem hem kamap king ovarem evri laen blong Israel. Bat nomata olsem, hemi foldaon long ravis wei ya from olketa hiden woman.

Provebs 2:18

Haos blong woman ya hemi ples fo dae, go long hem an bae yu dae.

Provebs 23:28

Hemi olsem man fo stil wea i staphaed, an hemi mekem plande man fo lusim waef.

Provebs 6:33

Pipol bae wipim an meksem long hem, an nem blong hem bae nogud olowe nao.

Provebs 7:27

Fo go long haos blong hem, hem nao bikrod godaon long grev.

Provebs 9:18

Bat olketa nating save nomoa dat dae blong olketa hemi insaet long haos ya, an olketa hu i go insaet i godaon finis insaet long grev.

1 Korin 10:8

Yumi mas no durong wetem eniwan olsem samfala long olketa i duim, wea 23,000 long olketa nao i dae long wanfala de nomoa.

2 Korin 12:21

Taem bae mi kasem yufala, mi fraet, nogud God blong mi hemi mekem mi filsem long wanem yufala duim. Nogud plande pipol hu i bin stap long wei blong sin, olketa no laek fo sensim yet doti wei blong olketa wea olketa olobaot tumas an durong wetem eniwan. Sapos olsem, bae mi sore an krae long olketa ya.

1 Pita 2:11

Olketa fren, yufala stap long disfala wol olsem olketa strensa, an yufala no garem eni ples wea hemi barava blong yufala. So mi talem strong long yufala wea yufala mas no falom nogud tingting blong yufala seleva. Bikos nogud tingting ya nao hemi save faet agensim niu laef blong yufala.

Jajis 16:21

Olketa blong Filistia i kasholem hem an aotem tufala ae blong hem. Olketa taemapem hem long bikfala sen wea olketa wakem long bras an olketa tekem hem go long Gasa. Long datfala ples olketa putum hem long prisin wea waka blong hem nao fo tanem barava bikfala ston fo krasim wit mekem hem kamap flaoa.