Provebs 6:34 - Pijin Bible

³⁴ Sapos man hemi durong wetem waef blong nara man, bae hasban ya barava kros tumas. Fo sensim disfala rong, hasban ya bae hemi nating kaen taem hemi sensimbaek.

Pijin Deuterocanon

³⁴ Sapos man hemi durong wetem waef blong nara man, bae hasban ya barava kros tumas. Fo sensim disfala rong, hasban ya bae hemi nating kaen taem hemi sensimbaek.

Provebs 6:34 Iomraidhean Croise

Jenesis 39:19

Nao taem man ya hemi herem toktok ya wea waef blong hem hemi talem, hemi kros fogud.

2 Samuel 11:5

Bihaen, hemi save dat hemi babule, so hemi sendem toktok go long king fo talemaot disfala nius.

Provebs 11:4

Taem Yawe jajem man, seleni hemi yusles, stretfala wei save sevem laef.

Provebs 27:4

Man hemi kros, save spoelem samting, bat man hemi joles, hemi barava spoelem evrisamting.

Provebs 6:33

Pipol bae wipim an meksem long hem, an nem blong hem bae nogud olowe nao.

Provebs 6:35

Bae hemi les long kompensesin, nomata hemi bik fogud, hemi no save finisim kros blong hem.

Nambawan Singsing 8:6

Plis, no tingim eni nara woman moa. Putum mi seleva nomoa insaet long haat blong yu. Olsem wea no eniwan save stopem dae, no eniwan nao save stopem disfala lav blong yumitufala. Disfala wei wea yumitufala laekem yumitufala tumas, hemi no save stop nao, olsem wea man hemi no save ranawe from Grev. Ya, lav blong yumitufala hemi olsem tu wanfala bikfala faea wea hemi laet bikfala tumas.

Aesaea 13:17

“!Olketa! Bae mi mekem ami blong Media fo faetem olketa long Babilonia. Olketa soldia ya i nating wari nomoa long silva o gol, an olketa nating intres nomoa long olketa samting ya.

Nambas 25:11

“Prist Finehas, san blong Eleasa hu hemi san blong Eron, hemi stopem kros blong mi agensim yufala long Israel. Hemi duim olsem bikos hemi tinghevi tumas long mi an hemi kros tumas tu long wei wea olketa spoelem nem blong mi. Dastawe nao, mi no spoelem yufala.

Nambas 5:14

Taem samting olsem hemi hapen, maet hasban ya hemi kamap joles long disfala waef blong hem hu hemi spoelem hem seleva. O maet wanfala hasban joles long waef blong hem nomata disfala woman hemi nating spoelem hem seleva.

1 Korin 10:22

?O waswe, yumi wande mekem Masta fo joles nomoa? ?An yumi tingse yumi nao strong winim hem? !Nating!