Provebs 6:15 - Pijin Bible

¹⁵ So seknomoa, trabol bae kasem olketa, an bae olketa dae from.

Pijin Deuterocanon

¹⁵ So seknomoa, trabol bae kasem olketa, an bae olketa dae from.

Provebs 6:15 Iomraidhean Croise

2 Kronikols 36:16

Bat olketa gohed fo mekfan long olketa profet ya, an olketa les long toktok blong olketa. Olketa gohed fo tokspoelem olketa, go-go Yawe hemi kros fogud long olketa, mekem no eni wei fo sevem olketa hemi stap.

Sams 50:22

“Yufala wea i no save tingim mi, yufala herem kam olketa samting ya. Sapos nomoa, bae mi spoelem yufala finis, an no eniwan bae hemi sevem yufala.

Sams 55:15

Mi laekem tumas olketa enemi blong mi fo dae bifoa hemi kasem taem blong olketa. Ya, taem olketa laef yet, mi laekem olketa fo go long disfala nogud ples blong olketa pipol wea i dae finis, bikos ravis wei hemi stap finis insaet long laef blong olketa an long tingting blong olketa.

Provebs 1:26

So taem trabol hemi kasem yufala, bae mi laf an mekfan long yufala.

Provebs 1:27

Taem trabol hemi kasem yufala olsem bikfala komburu, an yufala filnogud tumas, bae mi gohed laf an mekfan nomoa long yufala.

Provebs 14:32

Taem trabol hemi kam, ravis man hemi foldaon finis. Bat nomata stretfala man hemi dae, hemi garem sefples long God.

Provebs 24:16

Nomata trabol hemi kasem gudfala man plande taem, bat hemi save stanap moa. Bat trabol bae barava spoelem man nogud.

Provebs 24:22

Tufala bae mekem trabol kam kuiktaem nomoa long olketa. An yu no save watkaen trabol nao bae kam.

Provebs 29:1

Man hemi gohed fo bikhed nomata olketa tokstrong long hem plande taem, seknomoa, bae hem bagarap, an no enisamting save sevem hem.

Provebs 6:16

Siksfala samting nao Yawe hemi les long olketa, hem nao wei fo praod, wei fo laea, kilim man dae fo nating, man mekem olketa ravis plan, man duim olketa ravis samting, man laea long kot. Bat mekseven samting nao Yawe hemi barava les tumas long hem, hem nao man i mekem pipol fo raoa.

Jeremaea 19:11

Talem olketa olsem, ‘Yawe hu hemi garem evri paoa, hemi tok olsem: Olketa. Barava olsem disfala pot hemi brek finis, bae mi brekem disfala taon an kantri blong yufala tu, mekem no eniwan save joenem olketa pisis tugeta moa. Bae olketa pipol i yusim ples long Tofet fo berem olketa man dae blong olketa go-go no eni ples moa hemi stap fo berem long hem.

Esikiel 11:13

Nao taem mi gohed fo talemaot disfala profesi blong Yawe, seknomoa, Pelataea, san blong Benaea, hemi foldaon an dae nao. So, mi baodaon go-go fes blong mi hemi tasim graon, an mi kolaot bikfala olsem, “!Ooo, Lod Yawe! ?Waswe, bae yu kilim dae nomoa evriwan blong Israel hu i laef yet?”

1 Tesalonaeka 5:3

Pipol bae gohed fo toktok olsem, “Olketa samting i barava kuaet an stapgud nomoa.” Bat seknomoa, bikfala trabol bae hemi kam nao an barava spoelem olketa pipol, an bae olketa no save ranawe from diswan. Bae hemi kasem olketa kuiktaem nomoa olsem pein wea woman hemi filim taem hemi redi fo bonem pikinini.