Provebs 6:12 - Pijin Bible

¹² Olketa nogud man i save laea olobaot long olketa pipol.

Pijin Deuterocanon

¹² Olketa nogud man i save laea olobaot long olketa pipol.

Provebs 6:12 Iomraidhean Croise

Sams 10:3

Olketa nogud pipol i gohed fo tokpraod long olketa nogud samting wea olketa laekem. An olketa wea i laek fo garem evrisamting, i tok nogud long yu an i tanem baeksaet long yu.

Sams 10:7

Maos blong olketa i fulap long olketa nogud toktok fo spoelem pipol, an fo laea, an fo mekem pipol i fraet. An olketa kuiktaem tumas fo talem olketa ravis toktok fo spoelem pipol.

Sams 101:3

Mi barava les long olketa nogud samting an mi nating laekem wei blong olketa nogud pipol. Ya, bae mi no joen wetem olketa.

Sams 36:3

Toktok blong olketa hemi barava nogud tumas an hemi fulap long evri laea, so olketa no save duim eni gudfala samting o enisamting wea hemi barava stret.

Sams 59:7

Olketa raf toktok i ka-kamaot from maos blong olketa, an olketa gohed nomoa fo tokspoelem mi. Toktok blong olketa hemi olsem olketa sap naef fo faet wea hemi save katem man. an olketa tingse no eniwan nao bae hemi save herem olketa.

Provebs 10:32

Stret man save tok stret, ravis man save tok laea.

Provebs 11:6

Stretfala wei blong stretfala man, hem nao sevem laef blong hem, bat konman pas long ravis tingting blong hem.

Provebs 16:27

Man nogud laek fo mekem trabol toktok blong hem i olsem faea.

Provebs 16:30

Man hemi satae, hemi planem ravis samting. Man hemi tok haed, hemi laekem samting nogud.

Provebs 17:4

Ravis man hemi laekem ravis tok. Man fo laea hemi laekem laea.

Provebs 2:12

Ya, waes hemi save sevem yu from olketa ravis pipol, an from pipol hu save toknogud.

Provebs 3:32

Yawe no laekem olketa ravis man ya. Hemi trastem olketa stretfala man, an talemaot tingting blong hem long olketa.

Provebs 4:24

No laea olsem konman, talem nomoa trutoktok.

Provebs 6:14

Olketa ya tingim enikaen wei fo duim ravis samting an mekem trabol long evri ples.

Provebs 8:13

Sapos yu tinghae long Yawe, yu nating laekem nogud wei. Mi les long praod wei, an wei fo tingdaonem eniwan. Mi les long ravis wei an ravis toktok.

Jeremaea 24:2

Wanfala basket ya hemi fulap long olketa nambawan frut wea i raep fastaem, an hemi gud fo kaikai. Narafala basket ya, hemi fulap long olketa nogud frut wea man no save kaikaim.

Matiu 12:34

Yufala ya barava olsem snek ya. Hemi had fo yufala talem eni gud samting ya bikos wei blong yufala hemi ravis tumas. Wanem hemi fulap long maen blong man, hem nao save kamaot long toktok blong hem.

Aposol 20:30

An bae samfala long yufala tu, bae olketa stat fo talemaot olketa laea tising an traehad fo pulum olketa Kristin fo go falom olketa.

1 Timoti 5:13

An olketa tu, olketa save stat fo falom wei fo stap nating nomoa an fo go-goraon long evri haos tumas. An bae diskaen samting hemi save kamap wos moa, wea olketa save stori nogud tumas abaotem olketa nara pipol, an olketa save olobaot tumas, an olketa save toktok abaotem olketa samting wea i no bisnis blong olketa.

Jemes 1:21

So yufala mas no olobaot moa, an yufala mas no gohed moa long evri ravis wei. Bat yufala mas hambol an wiling fo obeim toktok wea God hemi putum insaet long tingting blong yufala. Disfala toktok nao save sevem yufala.

Jemes 3:6

Maos blong man hemi olsem faea tu, bikos hemi save talem enikaen ravis samting nomoa. Nomata hemi wanfala smolfala pat nomoa long bodi, bat hemi save spoelem ful bodi blong yumi fo nogud. An hemi save barava spoelem tu laef blong yumi, wetem samting wea hemi barava kam from hel.

1 Samuel 17:28

Den Eliab wea hemi fasbon brata blong Deved, hemi herem dat Deved hemi toktok wetem olketa ya. So hemi barava kros long hem, an hemi tok olsem, “?Yu duim wanem long hia? ?Hu nao hemi lukaftarem olketa sipsip blong yu long draeples? !Mi save, yu bikhed an yu man nogud! !Yu kam long hia fo lukim faet nomoa!”