Provebs 5:3 - Pijin Bible

³ Maos blong woman hu hemi laek fo durong hemi suit olsem suga, an kis blong hem hemi naes tumas,

Pijin Deuterocanon

³ Maos blong woman hu hemi laek fo durong hemi suit olsem suga, an kis blong hem hemi naes tumas,

Provebs 5:3 Iomraidhean Croise

Sams 55:21

Olketa toktok blong hem hemi suit go moa winim suga, bat long tingting blong hem, hemi barava heitem olketa narafala pipol. Ya, olketa toktok blong hem save suitim olketa man, bat wea, hemi save katem man olsem sap naef fo faet.

Provebs 2:16

Lisin long mi, an bae yu sef from suit toktok blong nogud woman.

Provebs 22:14

Tok blong woman fo durong, hemi hol wea i dip tumas. Yawe bae kros long man hemi herem, an man bae foldaon long hem.

Provebs 5:20

San, yu no holetaet long woman fo durong, an yu no hapi long waef blong nara man.

Provebs 6:24

Hem save mekem yu sef from suit toktok blong nogud waef blong nara man. An hem stopem yu fo no go long woman hu hemi laek fo durong wetem yu.

Provebs 7:21

Toktok blong woman ya hemi tanem finis tingting blong yangman. Hemi drang finis long suit toktok blong hem.

Provebs 7:5

Tufala bae stopem yu fo no go long ravis waef blong narafala man. Tufala save mekem yu no herem suit toktok blong datfala woman.

Eklesiastes 7:26

Wanem mi faendemaot hemi olsem, Wanfala samting hemi mekem mi filnogud tumas winim dae, Krangge wei hemi olsem wanfala woman hu hemi kasholem yu long wanfala trap, han blong hem hemi save holetaet long yu olsem wanfala sen. Eniwan hu hemi obeim God hemi save ranawe long hem, bat nogud man bae hemi pas long trap.

Nambawan Singsing 4:11

Daling blong mi, lip blong yu hemi suit olsem hani, an tang blong yu hemi suit olsem milk wetem hani. Kaleko blong yu hemi smel naes tumas, olsem naes smel blong sida tri ya long Lebanon.