Provebs 5:22 - Pijin Bible

²² Ravis wei blong ravis man bae trapem hem, hemi olsem rop wea i taengem hem.

Pijin Deuterocanon

²² Ravis wei blong ravis man bae trapem hem, hemi olsem rop wea i taengem hem.

Provebs 5:22 Iomraidhean Croise

1 Kings 18:18

Bat Elaeja hemi ansa olsem, “!Nomoa! Mi no man fo mekem trabol kasem Israel. !Yu nao ya! !Yu an dadi blong yu wetem laen blong hem! Yufala nao yufala no obeim olketa Mesij blong Yawe, an yu gohed fo wosipim god Baal.

Esta 9:25

Bat taem king hemi herem disfala ravis plan, hemi mekem narafala toktok wea disfala plan blong Haman fo kilim dae olketa Jiu, mas kasem hem seleva. Dastawe nao olketa hangem Haman an olketa san blong hem long ples fo hangem man long hem.

Stori abaotem Job 18:8

Lek blong hem hemi pas long wanfala net wea hemi staphaed.

Sams 40:12

Distaem staka trabol nao hemi kamap raonem mi. Ya, olketa staka fogud, an mi no save kaontem nao. Olketa sin blong mi i kavarem mi finis, an mi no save lukluk nao. Olketa plande tumas winim olketa hea long hed blong mi, an tingting blong mi hemi wikdaon nao.

Sams 9:15

Olketa hiden pipol i bin digim wanfala hol, bat olketa seleva nomoa i foldaon insaet. Trap blong olketa seleva nao, hemi kasem olketa moa.

Sams 9:17

Evri nogud pipol wea i tanem baeksaet long God, bae evriwan i mas dae.

Provebs 1:18

pipol olsem i mekem trap fo olketa seleva, olketa seleva nomoa bae dae long hem.

Provebs 11:3

Stretfala wei blong gud man hemi lidim hem, ravis wei spoelem man fo laea.

Provebs 11:5

Stretfala wei blong barava gudfala man, hem nao stretem wei fo hem. Ravis wei blong ravis man, hem nao mekem hem foldaon.

Provebs 11:6

Stretfala wei blong stretfala man, hem nao sevem laef blong hem, bat konman pas long ravis tingting blong hem.

Provebs 12:14

Evri gud toktok mekem man gud, olsem frut long hadwaka blong hem.

Provebs 14:32

Taem trabol hemi kam, ravis man hemi foldaon finis. Bat nomata stretfala man hemi dae, hemi garem sefples long God.

Provebs 18:7

Toktok blong krangge man, hemi spoelem hem seleva. Hemi olsem wanfala trap fo hem seleva.

Provebs 24:12

Yu no save tok olsem, “!Mi no save long samting ya!” God hemi luksave long haat blong yu. Hem nao lukaftarem laef blong man. Bae hemi peimbaek evriwan falom wanem olketa duim.

Provebs 26:27

Man digim hol blong trap, bae foldaon long hem. Man rolem ston, ston bae rol long hem.

Eklesiastes 7:26

Wanem mi faendemaot hemi olsem, Wanfala samting hemi mekem mi filnogud tumas winim dae, Krangge wei hemi olsem wanfala woman hu hemi kasholem yu long wanfala trap, han blong hem hemi save holetaet long yu olsem wanfala sen. Eniwan hu hemi obeim God hemi save ranawe long hem, bat nogud man bae hemi pas long trap.

Jeremaea 2:19

Yufala bin lusim mi, so bae mi letem yufala fo stap farawe from mi. Bae mi letem yufala gohed fo stap long olketa ravis wei blong yufala. Hem nao hemi panis blong yufala. From samting ya nao, bae yufala luksave dat disfala wei wea yufala i lusim mi an no tinghae long mi, hemi barava ravis wei nao, an from samting ya bae yufala mas safa.” Hem nao mesij blong Lod Yawe hu hemi garem evri paoa.

Lamentesin 1:14

“Masta blong mi, hemi tekem olketa sin blong mi, an putum evriwan tugeta. Olketa i olsem hevi samting wea hemi putum long solda blong mi, mekem mi barava wik tumas. Hemi putum mi long han blong olketa enemi wea mi no strong fo faet agensim olketa.

Obadaea 1:15

“De blong mi Yawe hemi kam kolsap nao, wea bae mi panisim olketa kantri. Olketa pipol blong Idom. Olketa sem nogud samting wea yufala bin duim long olketa pipol blong Jiuda, bae hemi kasem yufala tu.

Nambas 32:23

Bat sapos yufala no duim, hemi minim olsem yufala mekem sin agensim Yawe. An yufala mas save dat Yawe bae hemi panisim yufala from sin ya.

Hibrus 13:4

Evri pipol i mas tinghae long wei blong marit. Olketa hasban an olketa waef i mas kipim olketa seleva, olsem olketa promis finis fo duim. Bikos God bae hemi panisim olketa pipol hu i brekem lo blong marit wetem olketa hu i durong olobaot nomoa.

Jajis 20:41

Oraet, olketa hu i laea fo ranawe i taneraon fo faet. So ami blong Benjamin hemi fraet fogud an olketa no save nao wanem fo duim, bikos olketa luksave dat bae evriwan i dae.

Jajis 9:57

An olketa pipol blong Sekem i safa fo evri nogud samting wea olketa bin duim, bikos God hemi mekem trabol fo kasem olketa olsem wea Jotam, san blong Jerub-Baal, bin talemaot finis.