Provebs 4:23 - Pijin Bible

²³ Kontrolem tingting long haat blong yu, laef blong yu hemi kamaot long hem.

Pijin Deuterocanon

²³ Kontrolem tingting long haat blong yu, laef blong yu hemi kamaot long hem.

Provebs 4:23 Iomraidhean Croise

2 Kings 10:31

Bat King Jehu hemi no barava falom gudfala olketa lo blong Yawe, God blong Israel. Hem nao hemi no lusim ravis wei blong King Jeroboam bifoa, an hemi lidim pipol blong Israel fo wosipim tufala tambu kaving long man buluka yet.

Provebs 11:16

Pipol tinghae long kaenfala woman, man mas wakahad fo kamap ris.

Provebs 13:3

Ting fastaem bifoa yu tok an bae yu laef, tok olobaot an bae yu dae.

Provebs 16:17

Rod blong gudfala man, hemi no go kolsap long olketa ravis wei. Man hemi lukluk gud long rod, hemi save sevem laef blong hem.

Provebs 22:5

Rod blong ravis man i fulap long nilagras an trap, Man hu hemi lukaftarem laef blong hem, hemi stap farawe from kaen rod.

Provebs 23:19

!Pikinini blong mi, yu lisin kam gudfala! Yu mas waes, an falom stretfala wei.

Provebs 28:26

Man trastem tingting blong hem seleva, hemi krangge. Bat man trastem waes tingting, hemi stap sef.

Provebs 3:21

San blong mi, yu holetaet long waes blong yu, an kipim gudfala tingting. Lukaot, nogud yu lusim tufala.

Provebs 4:7

Waes hemi nambawan, yu mas garem. Nomata gudfala save hemi dia tumas, yu mas garem tu.

Eklesiastes 5:13

Mi lukim wanfala ravis samting wea hemi gohed long disfala wol. Wanfala man hemi hipimap nomoa staka seleni fo yusim bihaen, bat wei blong hem hemi spoelem hem seleva.

Jeremaea 17:9

“?Hu nao hemi savegud long tingting blong man? Tingting blong man hemi olsem ravis sik wea no eniwan save kiurim. Ya, haat blong man hemi fulap nomoa long laea. ?Hu nao hemi savegud long haat blong man?

Matiu 15:18

Bat olketa toktok wea hemi kamaot long maos blong man, hem nao hemi kamaot long insaet long maen blong hem, an hem nao hemi save mekem man fo no klin.

Matiu 15:19

Bikos olketa samting wea hemi save kamaot long maen blong man, hemi olsem olketa ravis tingting wea hemi save mekem man fo kilim nara man dae, an fo brekem lo blong marit, an fo durong wetem eniwan, an fo stil, an fo talem olketa samting wea hemi no tru abaotem nara man, an fo stori nogud abaotem nara man.

Gudnius abaotem Jisas Kraes wea Mak hemi raetem 14:38

Yufala mas lukaot olowe an prea, mekem no enisamting save traem yufala. Bikos hemi tru, tingting blong man hemi wiling, bat bodi blong hem nao hemi wik.”

Gudnius abaotem Jisas Kraes wea Luk hemi raetem 6:45

Gudfala man hu hemi garem gudfala tingting long maen blong hem, hemi save duim olketa gudfala samting. Bat nogud man hu hemi garem olketa ravis tingting long maen blong hem, hemi save duim nomoa olketa ravis samting. Bikos wanem hemi fulap long maen blong wanfala man nao, hemi save kamaot long toktok blong hem.

Diutronomi 4:9

“!Bat yufala mas lukaot! Nogud yufala fogetem olketa samting wea yufala lukim finis long ae blong yufala. Olowe long laef blong yufala, yufala mas tingabaotem olketa samting ya. An yufala mas talemaot long olketa pikinini blong yufala an long olketa smol grani blong yufala.

Hibrus 12:15

Yufala mas lukaot gud, mekem no eniwan long yufala hemi tanem baeksaet blong hem long kaenfala lav blong God ya. Nogud eniwan long yufala hemi kamap olsem wanfala poesen tri wea hemi save mekem plande pipol fo nogud.