Provebs 4:10 - Pijin Bible

¹⁰ Pikinini, lisingud long mi, tinghevi long toktok blong mi an bae yu garem longfala laef.

Pijin Deuterocanon

¹⁰ Pikinini, lisingud long mi, tinghevi long toktok blong mi an bae yu garem longfala laef.

Provebs 4:10 Iomraidhean Croise

Stori abaotem Job 22:22

Yu mas falom olketa samting wea hemi tisim, an yu mas tingim toktok blong hem olowe.

Provebs 19:20

Lisin long advaes, herem gudfala toktok, go-go bae yu waes.

Provebs 2:1

San, herem toktok blong mi, tingim evrisamting mi talem.

Provebs 3:16

Hemi givim yu plande gudfala samting an longfala laef tu, mekem pipol tinghae long yu.

Provebs 3:2

Sapos yu duim olsem, bae yu no sot long enisamting an bae yu garem longfala laef.

Provebs 8:10

Siusim tising blong mi, no siusim silva. Siusim save blong mi, no siusim gol.

Jeremaea 9:20

!Lisin kam gudfala long Mesij blong Yawe, yufala woman! !Herem kam olketa toktok wea hemi talem long yufala! Yufala mas lanem olketa dota blong yufala long wei fo krae long man dae, an yufala mas tisim olketa fren blong yufala long diskaen singsing blong dae:

Diutronomi 11:21

Sapos yufala duim olsem, oraet, yufala an olketa pikinini blong yufala, bae yufala evriwan save stap longtaem long disfala lan wea Yawe hemi promis fo givim long olketa olo blong yufala. Ya, bae yufala evriwan save stap olowe olsem taem wea skae hemi stap antap long disfala wol.

Diutronomi 5:16

‘Yufala mas tinghae long dadi an mami blong yufala olsem wea mi talem finis, mekem yufala save garem gudfala laef fo long taem long lan wea bae mi Yawe, God blong yufala, mi givim long yufala.

Diutronomi 6:2

Yufala wetem olketa pikinini blong yufala, an olketa smol grani blong yufala, bae yufala evriwan i mas gohed olowe fo tinghae long Yawe long wei wea yufala obeim olketa lo an olketa strongfala toktok blong hem wea mi talem long yufala tude. Sapos yufala duim olsem, bae yufala save garem longfala laef.

1 Tesalonaeka 2:13

An narasamting moa, oltaem mifala talem tengkiu long God, bikos taem yufala herem mifala talemaot toktok blong God, yufala no herem olsem toktok blong man nomoa, bat yufala biliv wea hemi barava toktok blong God. Diswan hemi tru tumas, bikos God hemi gohed nao fo duim olketa gudfala samting long laef blong yufala hu biliv long hem.

1 Timoti 1:15

Jisas Kraes hemi kam insaet long wol ya fo mekem pipol fo fri from wei blong sin. Disfala toktok ya hemi barava tru ya, an hemi gud fo evriwan fo herem an bilivim. Mi nao mi barava wos winim eniwan long saet blong sin,