Provebs 31:31 - Pijin Bible

³¹ Olketa mas tinghae long diskaen woman fo nambawan wei blong hem. An hemi stret fo evriwan i tokhae long hem from waka blong hem.

Pijin Deuterocanon

³¹ Olketa mas tinghae long diskaen woman fo nambawan wei blong hem. An hemi stret fo evriwan i tokhae long hem from waka blong hem.

Provebs 31:31 Iomraidhean Croise

Sams 128:2

Sapos yu gohed fo duim olsem, bae waka blong yu hemi save helpem yu, an bae yu garem gudfala laef an yu hapi olowe.

Provebs 11:30

Wei blong gudfala man hemi mekem laef kamap. Wei blong waes man hemi mekem pipol i garem laef.

Provebs 31:16

Hemi save lukaotem pisgraon fo peim, an hemi wakem plantesin blong grep long hem.

Provebs 31:30

Samfala woman i naes, bat hemi laea nomoa, samfala woman luknaes, bat lelebet taem nomoa an hem finis. Bat woman hu hemi tinghae long Yawe, hemi stret fo tokhae long hem.

Eklesiastes 1:1

Olketa toktok insaet long disfala buk, hemi blong Waes Tisa hu hemi san blong King Deved, an hemi king long Jerusalem.

Matiu 7:16

Bat bae yufala save luksave long olketa ya, long olketa samting wea olketa duim. Bikos yumi no save faendem frut blong grep tri o frut blong fig tri long olketa ravis tri olobaot.

Matiu 7:20

So hem nao ya, bae yufala luksave long olketa laea profet ya long wanem olketa duim.

Aposol 9:39

So Pita hemi go wetem tufala nao, an taem hemi kasem Jopa, olketa tekem hem go long disfala rum long antap. An evri wido woman olketa krae fogud an olketa kam an stanap raonem Pita nao. An olketa som hem olketa sote an olketa longfala kaleko wea Dokas hemi bin somapem taem hemi stap laef yet.

Leta wea Pol hemi raetem go long sios long Rom 16:12

Yufala sei halo long Traefina an Traefosa, tufala woman hu i wakahad long saet blong Masta. An yufala sei halo long nambawan fren blong mi Pesis, hu hemi narafala woman hu hemi wakahad tumas long saet blong Masta.

Leta wea Pol hemi raetem go long sios long Rom 16:6

An yufala sei halo long Meri, hu hemi wakahad tumas fo helpem yufala.

Filipae 4:17

Mi no talem diswan bikos mi laek fo tekem samfala samting moa. Bat mi barava laekem tumas fo God hemi blesim yufala bikos yufala bin duim plande gudfala samting olsem.

1 Timoti 5:25

Long sem wei tu, olketa gudfala waka i stap klia nomoa fo olketa pipol i luksave long olketa. An nomata olketa gudfala waka wea i staphaed fastaem, bae olketa no save staphaed olowe.

Hibrus 6:10

God hemi tru, an hemi no save fogetem waka blong yufala an disfala lav wea yufala somaot finis long saet blong hem. Hemi luksave dat yufala bin helpem olketa nara Kristin an wea yufala gohed fo duim olsem yet.

Revelesin 14:13

Nao mi herem moa wanfala voes long heven, wea hemi sei, “Yu raetemdaon olketa toktok ya. ‘Stat long distaem, olketa pipol hu i biliv long Masta blong yumi an olketa dae, olketa nao i hapi tumas.’” Ya, Holi Spirit hemi tok olsem, “!Hemi tru tumas ya! Bae olketa hapi fo res from hadwaka blong olketa, bikos bae olketa garem olketa gudfala samting from waka blong olketa.”