Provebs 31:13 - Pijin Bible

¹³ Oltaem nomoa hemi bisi tumas, hemi gohed fo wakem enikaen gudfala kaleko.

Pijin Deuterocanon

¹³ Oltaem nomoa hemi bisi tumas, hemi gohed fo wakem enikaen gudfala kaleko.

Provebs 31:13 Iomraidhean Croise

Eksodas 2:16

sevenfala gele i kam long ples ya. Olketa gele ya i dota blong Jetro hu hemi wanfala prist long lan blong Midian. Olketa gele ya i kam wetem olketa sipsip an nanigot blong Jetro fo givim wata long olketa.

Provebs 31:12

Hemi gud tumas long man blong hem olowe, hemi no spoelem hem enitaem.

Provebs 31:14

Oltaem hemi goaot fo lukaotem kaikai an karim kam long haos, hemi olsem sip blong bisnisman wea i karim kam olketa kago.

1 Tesalonaeka 4:11

Yufala mas traehad fo stap stret, an gohed nomoa long waka blong yufala seleva an no spoelem waka blong nara man. Yufala mas wakahad fo garem olketa samting yufala nidim, olsem mifala bin talem yufala bifoa.

1 Timoti 5:10

Hemi mas wanfala woman wea olketa pipol luksave long hem from hemi save duim olketa gudfala waka. Olketa waka olsem fo lukaftarem gud olketa pikinini blong hem, an fo letem olketa pipol stap long haos blong hem, an fo welkamem olketa Kristin pipol long haos blong hem, an fo helpem olketa pipol hu i garem trabol long laef blong olketa. Ya, hemi mas woman wea hemi traehad olowe fo duim enikaen gudfala waka.

1 Timoti 5:14

Dastawe nao mi laekem olketa yangfala wido woman fo olketa marit moa, mekem olketa save garem pikinini an lukaftarem haos blong olketa seleva. Sapos olketa duim olsem, bae olketa enemi blong yumi i no save faendem eni wei fo tokdaonem yumi.

Taetas 2:5

an fo somaot gudfala wei long laef. Olketa olowoman mas tisim olketa yangwoman fo kipim wei blong olketa klin an fo lukaftarem gud famili an fo obeim hasban blong olketa. Olketa yangwoman mas duim olsem, mekem no eniwan hemi tokspoelem toktok blong God.

Stori abaotem Rut 2:23

So Rut hemi gohed fo waka wetem olketa wakamere blong Boas. An hemi gohed fo pikimap bali an wit, go-go olketa finis fo katem evri bali an wit long olketa gaden blong hem. An hemi gohed fo stap olowe nomoa wetem mami inlo blong hem.