Provebs 30:5 - Pijin Bible

⁵ Evri toktok blong God i barava tru. Hemi gadem olketa hu i kam long hem fo faendem sefples.

Pijin Deuterocanon

⁵ Evri toktok blong God i barava tru. Hemi gadem olketa hu i kam long hem fo faendem sefples.

Provebs 30:5 Iomraidhean Croise

Jenesis 15:1

Bihaen long taem ya, Yawe hemi toktok long Ebram insaet long wanfala spesol drim. Nao insaet long drim ya, hemi herem dat Yawe hemi tok olsem long hem, “Ebram, yu no fraet. Bae mi gohed fo lukaftarem yu gudfala, mekem no enisamting nogud save spoelem yu. An bae mi barava givim gudfala samting long yu.”

2 Samuel 22:31

Wei blong God hemi barava stret fogud, an toktok blong hem, hemi barava tru. An fo evriwan wea i go long hem fo stap sef, hemi olsem sil blong olketa fo stopem aro.

Sams 119:140

!Mi laekem tumas promis blong yu, bikos promis ya hemi tru tumas!

Sams 12:6

Lod Yawe, mifala save trastem olketa promis blong yu. Olketa promis ya i stret an tru fogud, olsem silva wea olketa kukim sevenfala taem long faea fo mekem hemi barava klin fogud.

Sams 144:2

Hemi tinghevi tumas long mi olowe. Hem nao hemi strongfala sefples blong mi, an hemi gohed fo sevem mi. Hemi olsem sil wea hemi stopem aro fo no kasem mi, an hemi garem paoa fo kipim mi sef. Hem nao hemi givim paoa long mi mekem mi save rul ovarem olketa pipol blong mi.

Sams 18:2

Yawe hemi God blong mi. Hem nao hemi sef ples blong mi, an hemi gohed fo lukaftarem mi. Hemi gohed fo gadem mi, an hemi strongfala sef ples blong mi. Hemi olsem sil wea hemi stopem aro fo no kasem mi, an hemi garem paoa fo kipim mi sef, an mi save stap gudfala.

Sams 18:30

God ya, wei blong hem hemi barava stret fogud, an toktok blong hem, hemi barava tru. An fo evriwan wea i go fo stap sef long hem, hemi olsem sil fo olketa, wea i gohed fo stopem aro fo no kasem olketa.

Sams 18:31

!Yawe nomoa hemi God! Yawe nomoa hemi lukaftarem yumi, an hemi gohed fo sevem yumi.

Sams 19:8

Olketa tising blong Yawe hemi stret, an olketa wea i gohed fo obeim i hapi. Olketa strongfala toktok blong hem hemi stret, an hemi gohed fo givim gudfala save long yumi.

Sams 3:3

Lod Yawe, yu nao yu olsem wanfala sil wea yu gohed fo gadem mi from trabol. Yu gohed fo mekem mi win, an yu gohed fo mekem tingting blong mi hemi kamap strong moa.

Sams 84:11

Lod Yawe, yu nao yu God, an yu nao yu gadem mifala an mekem mifala fo stap sef long yu. Ya, yu nao yu kaen long mifala, an yu givim biknem long mifala. Lod Yawe, oltaem yu givim nomoa olketa gudfala samting long olketa hu i duim wanem hemi stret.

Provebs 2:7

Hemi helpem stret pipol fo kamap waes, an hemi gadem pipol hu falom wanem hemi tru.

Provebs 29:25

Fraetem man, bae yu trabol. Trastem Yawe, bae yu sef.

Leta wea Pol hemi raetem go long sios long Rom 7:12

Nao Lo ya hemi holi, an evri toktok blong Lo hemi holi an stret an gudfala nomoa.

Jemes 3:17

Nao man wea hemi garem disfala waes tingting wea hemi kam from God, hemi no save duim eni ravis samting. Hemi no fevarem samfala pipol nomoa, an hemi no trae fo laea long wei blong hem, an hemi no wande raoa. Bat hemi kuaet long wei blong hem, an hemi fren gudfala long evriwan, an hemi barava sore long pipol, an hemi duim evri gudfala samting fo evriwan.