Provebs 3:24 - Pijin Bible

²⁴ Bae yu slip gud long naet, an bae yu no fraet.

Pijin Deuterocanon

²⁴ Bae yu slip gud long naet, an bae yu no fraet.

Provebs 3:24 Iomraidhean Croise

2 Kronikols 20:30

Nao Yawe hemi mekem kantri blong King Jehosafat fo garem piis wetem evri kantri raonem hem.

Stori abaotem Job 11:19

Ya, bae yu save slip gudfala, an no eniwan save mekem yu fraet. An plande pipol bae tinghae long yu.

Sams 112:8

Hemi no save wari o fraet, bikos hemi save dat bae olketa enemi blong hem i barava lus.

Sams 127:2

Oltaem yumi gohed olowe fo hadwaka tumas go-go winim fulde fo lukaftarem laef blong yumi. Bat olketa waka ya hemi yusles nomoa, bikos Yawe nomoa hemi lavem yumi, an taem yumi slip hemi gohed fo givim yumi olketa gudfala samting wea yumi nidim.

Sams 3:5

Lod Yawe, taem mi leidaon long naet mi barava slip gudfala, an long moning mi wekap moa, bikos yu bin gohed fo lukaftarem mi gudfala.

Sams 3:6

Ovam 10,000 enemi i hipap raonem mi finis, an olketa gohed fo agensim mi, bat mi nating fraetem olketa nomoa.

Sams 4:8

Lod Yawe, taem mi leidaon, mi slip gudfala tumas, bikos yu nao yu gohed fo gadem mi gudfala, hem nao mi sef. (Singsing blong Deved. Hem nao fo hemi singim wetem bambu paep.)

Sams 91:5

Long naet, bae yu no save fraetem olketa devol, an long de, bae yu no save fraetem olketa nogud pipol wea i kam fo kilim yu dae.

Provebs 1:33

Bat olketa hu i lisin long mi, bae olketa stap gud olowe. Ya, bae olketa no fraetem enisamting.”

Provebs 19:23

Tinghae long Yawe, bae yu laef, an bae yu stap kuaet bikos no enisamting save spoelem yu.

Provebs 6:22

Taem yu wakabaot, bae hemi lidim yu, taem yu slip, bae hemi kipim yu, an taem yu wekap, bae hemi tok long yu.

Eklesiastes 5:12

Wakaman wea hemi gohed fo waka strong olowe, maet hemi kaikai lelebet nomoa o hemi kaikai go-go hemi fulap, bat hemi save barava slip gudfala long naet. Bat eni risman, hemi nating save slip long naet, bikos hemi wari tumas long evrisamting wea hemi garem.

Aesaea 54:14

Bae stretfala wei blong mi hemi mekem yufala strong. An bae no eniwan hemi mekem yufala safa moa, o mekem yufala fraet moa.

Jeremaea 31:26

(Profet) Oraet. Long disfala taem, mi wekap an luklukraon, an mi filgud tumas from wanem Yawe hemi som long mi taem mi slip.

Esikiel 34:15

Bae mi nao mi lukaftarem olketa sipsip blong mi, an bae mi putum olketa long ples wea olketa save leidaon long piis. Hem nao mesij blong mi Lod Yawe.

Esikiel 34:25

“Bae mi mekem strongfala promis wea bae olketa save stap gudfala long piis. Bae mi ronemaot olketa wael animol from disfala lan, an bae olketa save stap gud nomoa long olketa open ples, an save slip gud olobaot nomoa long bus.

Esikiel 34:27

Olketa tri bae i garem plande frut, an olketa gaden bae i garem plande kaikai long hem. An olketa evriwan bae i save stap gud long lan blong olketa. Bae mi brekem olketa sen wea olketa man i taengem olketa long hem taem olketa waka olsem slev, an mi mekem olketa fo go fri. From samting ya nao, bae olketa jes savegud dat mi nao Yawe.

Levitikas 26:6

An bae mi mekem lan blong yufala fo garem pis, an bae yufala save slip gudfala an no save fraetem enisamting long naet. Olketa wael animol wea i save kilim dae pipol, bae mi ronemaot olketa from ples blong yufala, an bae no eni faet save kam long ples blong yufala.

Aposol 12:6

Long midol long naet bifoa disfala de wea Herod hemi tingting fo jajem Pita, Pita hemi gohed fo slip long midol long tufala soldia. Olketa bin taemapem hem wetem tufala sen, an samfala sekiuriti tu olketa stanap long doa blong disfala prisin.