Provebs 3:16 - Pijin Bible

¹⁶ Hemi givim yu plande gudfala samting an longfala laef tu, mekem pipol tinghae long yu.

Pijin Deuterocanon

¹⁶ Hemi givim yu plande gudfala samting an longfala laef tu, mekem pipol tinghae long yu.

Provebs 3:16 Iomraidhean Croise

1 Kings 3:13

An bae mi givim yu olketa narafala samting tu wea yu no askem. Oltaem long laef blong yu, bae yu ris moa, an olketa man bae i tinghae moa long yu winim wei wea olketa tinghae long eni narafala king.

Stori abaotem Job 39:12

?Waswe, yu tingse bae hemi karim olketa kaikai from gaden blong yu, an tekem kam long ples fo aotem skin blong wit? !Nomoa nao!

Sams 112:3

Bae Yawe hemi mekem olketa ris an garem plande gudfala samting. An God hemi talem dat man ya hemi stret olowe.

Sams 21:4

Hemi askem yu fo givim hem gudfala laef, nao yu givim long hem. An laef ya wea yu givim, bae hemi stap olowe nao.

Sams 71:9

Nomata mi olo finis, plis yu no les long mi. Distaem mi wik finis, so plis yu no lusim mi.

Provebs 22:4

Yu hambol an tinghae long Yawe, bae yu garem seleni, biknem an gudfala laef.

Provebs 3:2

Sapos yu duim olsem, bae yu no sot long enisamting an bae yu garem longfala laef.

Provebs 9:11

Waes toktok save mekem man laef fo longtaem.

Gudnius abaotem Jisas Kraes wea Mak hemi raetem 10:30

bae hemi save garem moa wan handred taem winim olketa samting wea hemi lusim. Long disfala taem, bae hemi garem olketa haos an olketa brata an olketa sista an olketa mami an olketa pikinini an olketa pisgraon blong hem, an bae olketa meksave long hem tu. Bat long niufala wol wea bae hemi kam, bae man ya hemi garem tru laef wea hemi no save finis.

2 Korin 6:10

Samfala mekem mifala fo sore tumas, bat mifala hapi olowe nomoa. Mifala pua tumas, bat mifala helpem plande pipol fo kamap ris moa. Mifala no garem enisamting seleva, bat mifala nao barava onam evrisamting.

1 Timoti 4:8

Hemi gud sapos yumi gohed fo mekem bodi blong yumi fo kamap strong moa. Bat hemi barava gudfala moa sapos yumi gohed fo mekem Kristin laef blong yumi fo kamap strong moa, bikos diswan hemi save helpem yumi long plande wei. Hemi givim gudfala samting long laef blong yumi distaem, an long laef wea bae hemi kam yet tu.