Provebs 29:13 - Pijin Bible

¹³ Nomata puaman o man hu i spoelem puaman, tufala semsem nomoa. Yawe mekem tufala evriwan fo lukluk.

Pijin Deuterocanon

¹³ Nomata puaman o man hu i spoelem puaman, tufala semsem nomoa. Yawe mekem tufala evriwan fo lukluk.

Provebs 29:13 Iomraidhean Croise

Esra 9:8

“Bat distaem, fo lelebet taem nomoa, yu Yawe God blong mifala, yu barava gud tumas long mifala, an yu letem samfala long mifala fo stap laef, mekem mifala save kambaek an stap gudfala moa long tambuples blong yu. Nomata mifala stap olsem slev yet, bat yu givim niu laef long mifala an strongim tingting blong mifala.

Sams 13:3

Lod Yawe, yu nao yu God blong mi. Plis yu luk kam long mi an herem kam krae blong mi. Plis yu mekem mi strong moa, an no letem mi dae.

Provebs 22:2

Nomata risman o puaman, tufala semsem nomoa. Yawe mekem tufala evriwan.

Matiu 5:45

Sapos yufala duim olsem, bae yufala kamap olketa pikinini blong Dadi blong yufala long heven nao ya. Yufala lukim, God hemi mekem san long skae fo saen antap long olketa gud pipol an long olketa pipol wea olketa garem sin tu. An hemi mekem ren fo kamdaon long olketa stretfala pipol an long olketa wea olketa no stretfala tu.

Matiu 9:9

Taem Jisas hemi lusim ples ya, hemi lukim wanfala man wea nem blong hem Matiu. Man ya, hemi sidaon long ples wea olketa pipol i save kam fo peim taks long hem. An Jisas hemi sei olsem long Matiu, “Yu falom mi.” So Matiu hemi stanap an hemi falom Jisas nao.

1 Korin 6:10

an olketa hu i stil, an olketa hu i kavetem olketa samting blong nara pipol, an olketa hu i drang olowe, an olketa hu i stori nogud abaotem olketa narawan, an olketa hu i save fosim pipol fo givim samting long olketa. Bikos bae olketa pipol olsem ya olketa no save kasem kingdom blong God.

Efesas 2:1

Long bifoa, yufala bin stap dae nomoa bikos yufala no obeim God an yufala gohed fo sin.