Provebs 28:26 - Pijin Bible

²⁶ Man trastem tingting blong hem seleva, hemi krangge. Bat man trastem waes tingting, hemi stap sef.

Pijin Deuterocanon

²⁶ Man trastem tingting blong hem seleva, hemi krangge. Bat man trastem waes tingting, hemi stap sef.

Provebs 28:26 Iomraidhean Croise

2 Kings 8:13

Bat Hasael hemi sei olsem, “!Mi olsem wanfala dog nomoa! ?Hao nao bae mi duim olketa samting ya?” Elaesa hemi ansa olsem, “Yawe hemi som long mi finis wea bae yu kamap king long Siria.”

Stori abaotem Job 28:28

So God hemi tok olsem long yumi, “Tinghae long mi Yawe, hem nao wanem hemi waes. Fo kasem gudfala save, yufala mas les long olketa nogud wei.”

Provebs 2:12

Ya, waes hemi save sevem yu from olketa ravis pipol, an from pipol hu save toknogud.

Provebs 26:12

Sapos yu lukim man hu hemi talem dat hemi smat, oraet, krangge man hemi garem moa sans fo kasem save winim man ya.

Provebs 3:5

Trastem Yawe long ful haat blong yu. Yu no dipen nomoa long save blong yu seleva.

Provebs 3:7

Yu no tingim yu seleva nao waes, tinghae long Yawe an tanem baeksaet long evri nogud samting.

Jeremaea 17:9

“?Hu nao hemi savegud long tingting blong man? Tingting blong man hemi olsem ravis sik wea no eniwan save kiurim. Ya, haat blong man hemi fulap nomoa long laea. ?Hu nao hemi savegud long haat blong man?

Leta wea Pol hemi raetem go long sios long Rom 8:7

Bikos man hu hemi tingting tumas long nogud wei blong sin, hemi enemi blong God. Hemi no save obeim Lo blong God, an hemi had tumas fo hemi duim diswan.

2 Timoti 3:15

Stat kam taem yu smolfala yet, yu save finis long Buktambu. An tising blong hem save givim gudfala tingting long yu an save helpem yu fo trastem Jisas Kraes, mekem God save sevem yu.

Jemes 1:5

Bat sapos eniwan long yufala hemi no garem gudfala tingting, hemi mas askem God. An bae God hemi save givim gudfala tingting long hem, bikos God hemi hapi tumas fo givim kam olketa samting, an hemi no save raosim olketa hu i askem hem.