Provebs 27:25 - Pijin Bible

²⁵ Evri yia, yu mas katem gras wea hemi grou gud long fil fo mekem olketa animol i kaikaim long hadtaem.

Pijin Deuterocanon

²⁵ Evri yia, yu mas katem gras wea hemi grou gud long fil fo mekem olketa animol i kaikaim long hadtaem.

Provebs 27:25 Iomraidhean Croise

Sams 104:14

Yu mekem gras hemi grou fo olketa animol i kaikaim, an yu mekem olketa samting wea pipol i save plantem long gaden. Hem nao mekem olketa pipol i garem kaikai an waen wea olketa dringim fo mekem olketa hapi, an oliv oel fo mekem fes blong olketa lukgud, an bred fo kaikaim mekem olketa strong.

Sams 147:8

Hemi mekem olketa klaod fo stap long skae, hemi givim kam ren long graon, an hemi mekem olketa gras fo grou long olketa hil.

Provebs 10:5

Waes man hemi digim yam long raet taem, man no duim hemi sem tumas.

Provebs 27:26

Den olketa sipsip save grou gud an givim olketa hea fo yu wakem kaleko. An bae yu save salem olketa nanigot fo garem plande seleni.

Aesaea 17:5

Long taem ya, bae Yawe hemi aotem finis olketa pipol olsem wea man hemi go aotem evri kaikai long gaden blong hem. Bae hemi olsem olketa gaden blong yufala long gudfala graon long vali long Refaem, wea yufala go aotem kam nao evri kaikai wea hemi stap long hem.

Jeremaea 40:10

Mi tu bae mi stap long Mispa, an taem olketa blong Babilonia i kam long enikaen bisnis, bae mi nao toktok wetem olketa. Bat yufala save gohed fo wakem waen, an yufala save gohed fo tekemaot olketa frut long olketa tri, an yufala save gohed fo wakem oliv oel, an yufala save stoarem evrisamting ya long haos blong yufala. An yufala save gohed fo stap gudfala long olketa vilij ya wea yufala stap long hem.”

Jeremaea 40:12

So olketa kambaek moa long Jiuda from olketa kantri wea olketa bin ranawe go long hem, fo lukim Gedalaea long Mispa. Nao olketa goaot long lan ya, an olketa wakem waen, an olketa tekemaot olketa frut long olketa tri, wea i plande tumas.