Provebs 27:10 - Pijin Bible

¹⁰ Yu no fogetem fren blong famili blong yu. Taem trabol hemi kam, no go long wantok. Neiba blong yu hemi moabeta winim wantok hu hemi stap farawe.

Pijin Deuterocanon

¹⁰ Yu no fogetem fren blong famili blong yu. Taem trabol hemi kam, no go long wantok. Neiba blong yu hemi moabeta winim wantok hu hemi stap farawe.

Provebs 27:10 Iomraidhean Croise

2 Samuel 19:24

Nao Mefiboset, grani blong King Sol, hemi nating wasim lek blong hem, an hemi nating katem biad blong hem, an hemi nating wasim olketa kaleko blong hem, stat long taem wea King Deved hemi goaot from Jerusalem, go kasem taem wea king hemi kambaek. An hem tu hemi kamdaon fo mitim king.

2 Samuel 19:28

Bifoa, hemi fitim fo yu kilim dae nomoa mifala evriwan long laen blong grani blong mi, bat yu talem mi nomoa fo kam kaikai olowe long tebol blong yu. Mi no garem eni raet fo askem enisamting moa from yu king.”

2 Samuel 21:7

Nao bikos Deved an Jonatan i bin mekem wanfala promis long ae blong Yawe, hemi sevem Mefiboset, san blong Jonatan hu hemi san blong Sol.

2 Kronikols 24:22

King Joas hemi no tingabaotem kaenfala wei blong Jehoeada hu hemi dadi blong Sekaraea, bat hemi kilim hem dae. An taem Sekaraea hemi kolsap dae, hemi tok olsem, “Letem Yawe hemi lukim olketa samting wea yufala duim distaem, an bae hemi panisim yufala from hem.” Nao hemi dae.

Provebs 17:17

Fren blong yu, hemi lavem yu olowe. Brata blong yu, hemi helpem yu long hadtaem.

Provebs 18:24

Plande fren i yusles nomoa. Barava fren, hemi gud winim wantok.

Provebs 19:7

Wantok i les long puaman, an fren blong hem i les tu. Nomata hemi aftarem olketa fo askem help, hemi no save faendem.

Jeremaea 2:5

Yawe nao hemi tok olsem, “!Olketa! ?Watkaen samting mi bin duim long olketa grani blong yufala long bifoa mekem olketa les long mi? Olketa bin wosipim olketa laea god wea i yusles, an olketa bin kamap yusles barava olsem olketa god ya tu.

Aposol 23:12

Long moning ya, samfala Jiu olketa hipap haed fo mekem wanfala plan. An olketa mekem wanfala strong promis wea bae olketa mas no kaikaim enisamting o dringim enisamting, go-go kasem taem wea olketa save kilim dae Pol finis.

Diutronomi 22:1

“Sapos yufala lukim wanfala buluka o wanfala sipsip wea hemi blong wantok blong yufala, wea datfala animol hemi ranawe from ples blong hem, yufala mas tekem gobaek long ona blong hem.