Provebs 26:4 - Pijin Bible

⁴ Sapos yu givim krangge ansa long krangge man, hemi luk olsem yu krangge tu.

Pijin Deuterocanon

⁴ Sapos yu givim krangge ansa long krangge man, hemi luk olsem yu krangge tu.

Provebs 26:4 Iomraidhean Croise

1 Kings 12:14

an falom toktok blong olketa yangfala advaesa. Hemi tok olsem, “Dadi blong mi hemi fosim yufala fo wakahad, bat mi bae mi mekem yufala fo barava wakahad go moa. Hemi raf long yufala, bat mi bae mi barava raf go moa long yufala.”

1 Kings 12:16

Bat taem olketa blong Israel i lukim dat king hemi no lisin long olketa, samfala singaot bikfala olsem, “!Deved hemi no blong yumi! !Disfala san blong Jese i no blong yumi! !Yumi evriwan blong Israel, yumi gobaek long hom blong yumi! !Letem laen blong Deved lukaftarem olketa seleva!” So olketa blong Israel i go long hom blong olketa.

Provebs 17:14

Stat blong raoa hemi olsem wata hemi lus long smol hol long tangk, stopem bifoa bikfala faet i kamap.

Provebs 23:9

No talem gudfala toktok long krangge man, bikos bae hemi tingdaonem toktok blong yu.

Provebs 26:5

Bat yu mas givim ansa wea hemi fitim krangge man, mekem hemi no tingse hemi waes.

Provebs 29:9

Sapos waes man hemi tekem krangge man go long kot, hem no save stap kuaet bikos krangge man bae tokdaonem hem an toksuea long hem.

Aesaea 36:21

Bat olketa pipol i stap kuaet nomoa an no givim eni ansa, bikos King Hesekaea bin stopem olketa fo no ansarem hem.

Matiu 7:6

“Yufala mas no tekem olketa samting wea hemi tambu an givim go long olketa dog nomoa, bikos bae olketa tane kam long yufala an spoelem yufala. An yufala no torowem enisamting wea hemi gudfala tumas long olketa pikpik, bikos bae olketa step antap long olketa samting ya nomoa.”

1 Pita 3:9

Taem eniwan hemi duim samting nogud long yufala, yufala no sensimbaek moa long hem. An taem eniwan hemi tok nogud long yufala, yufala no tok nogud moa long hem. Nomoa. Yufala mas prea long God, mekem hemi blesim disfala man. Bikos God hemi bin kolem yufala fo blesim pipol, an hemi promis dat bae hemi blesim yufala.

Jiud 1:9

Bat Maekol hu hemi komanda blong olketa enjel, hemi no duim olsem ya. Nomata taem hemi raoa wetem Seitan abaotem hu nao bae hemi tekem bodi blong Mosis, hemi no talem eni nogud toktok long Seitan. Hemi jes tok olsem nomoa, “Letem Masta nao hemi hatem yu.”