Provebs 26:27 - Pijin Bible

²⁷ Man digim hol blong trap, bae foldaon long hem. Man rolem ston, ston bae rol long hem.

Pijin Deuterocanon

²⁷ Man digim hol blong trap, bae foldaon long hem. Man rolem ston, ston bae rol long hem.

Provebs 26:27 Iomraidhean Croise

Esta 7:10

Olketa tekem go Haman, an hangem hem nao long ples wea hemi bin mekem fo hangem Modekae long hem. Bihaen, kros blong king hemi jes finis nao.

Esta 9:25

Bat taem king hemi herem disfala ravis plan, hemi mekem narafala toktok wea disfala plan blong Haman fo kilim dae olketa Jiu, mas kasem hem seleva. Dastawe nao olketa hangem Haman an olketa san blong hem long ples fo hangem man long hem.

Sams 10:2

Olketa nogud pipol i praod tumas, an i gohed fo mekem olketa pua pipol safa. Plis yu letem olketa foldaon insaet long olketa trap wea olketa seleva i bin mekem.

Sams 57:6

Olketa enemi blong mi i putum finis wanfala net fo kasem mi, nao mi wari fogud. Olketa digim wanfala hol long rod fo mi, bat olketa seleva nomoa i foldaon long hem.

Sams 9:15

Olketa hiden pipol i bin digim wanfala hol, bat olketa seleva nomoa i foldaon insaet. Trap blong olketa seleva nao, hemi kasem olketa moa.

Provebs 28:10

Yu lidim stretfala man long wei nogud, bae yu kasem trap wea yu mekem. Bat man hemi barava gud tumas, bae hemi kasem gudfala samting.

Provebs 5:22

Ravis wei blong ravis man bae trapem hem, hemi olsem rop wea i taengem hem.

Eklesiastes 10:8

Man wea hemi digim hol fo mekem trap, bae hemi save foldaon insaet. An man wea hemi brekem wol blong haos, poesen snek wea hemi stap insaet long wol ya, bae hemi save baetem hem.

Aesaea 3:11

!Bat sore tumas long olketa hu i falom ravis wei! Bae Yawe hemi sensimbaek long olketa evri ravis samting wea olketa bin duim.

Aesaea 3:8

Hemi tru nao wea pipol blong Jerusalem wetem evriwan long Jiuda i duim olketa samting wea hemi barava nogud tumas agensim Yawe hu hemi hae tumas. Olketa i olsem pipol wea i drang an i foldaon finis.