Provebs 26:25 - Pijin Bible

²⁵ Nomata toktok blong hem hemi heregud, yu no bilivim. Haat blong hem i fulap nomoa long nogud tingting.

Pijin Deuterocanon

²⁵ Nomata toktok blong hem hemi heregud, yu no bilivim. Haat blong hem i fulap nomoa long nogud tingting.

Provebs 26:25 Iomraidhean Croise

Sams 12:2

Olketa evriwan i gohed fo laea long olketa seleva nomoa. An olketa evriwan i gohed fo suitim olketa seleva long evri laea toktok.

Sams 28:3

Taem yu panisim olketa nogud pipol ya, plis yu no makem mi wetem olketa. Olketa ya i gohed fo talem olketa gudfala toktok long narafala pipol, bat long tingting blong olketa, olketa barava heitem olketa ya fogud.

Provebs 23:7

Hemi sei long yu, “Yu gohed, yu kaikai olsem yu laekem,” bat hemi kaen man tingim kost olowe so hemi no toktru.

Provebs 26:23

Olsem penda long kofin hemi saen, hem nao smut tok blong ravis man.

Jeremaea 12:6

Nomata olketa brata blong yu wetem olketa barava famili blong yu nomoa, olketa tu i agensim yu. Olketa nao joen tugeta wetem olketa enemi fo agensim yu. So, nomata olketa gohed fo toktokgud abaotem yu, bat yu mas no trastem olketa.”

Maeka 7:5

Yufala mas no trastem olketa wantok an olketa fren blong yufala. Yufala mas keakea long olketa toktok wea yufala talem long waef o long hasban blong yufala wea yufala lavem tumas, bikos yufala no save trastem olketa tu.

Matiu 24:23

“Long taem ya, sapos eniwan hemi sei, ‘!Lukim, Mesaea nao long hia!’ o hemi sei, ‘!Hem nao longwe!’ yufala mas no bilivim hem.

1 Samuel 18:17

King Sol hemi tok olsem long Deved, “Fasbon dota blong mi, Merab, bae mi givim long yu fo yu maritim. Bat praes blong hem, yu mas kamap nambawan soldia blong mi wea yu no save fraet an tingting blong yu hemi mas stap strong long mi. An oltaem yu mas go faet olsem wea Yawe hemi talem.” Sol hemi laekem Deved fo dae, bat hemi no wande kilim hem seleva, so hemi tingse ami blong Filistia nao save kilim hem dae long faet.