Provebs 25:8 - Pijin Bible

⁸ Taem yu lukim nogud samting, no hariap fo go long kot fo talemaot. Nogud nara man talemaot dat yu rong, an bae yu sem.

Pijin Deuterocanon

⁸ Taem yu lukim nogud samting, no hariap fo go long kot fo talemaot. Nogud nara man talemaot dat yu rong, an bae yu sem.

Provebs 25:8 Iomraidhean Croise

2 Samuel 2:26

Oraet, Abna hemi singaot go long Joab olsem, “?Waswe, bae yumi gohed fo faet moa? ?Yumi no save finisim? Yu save, faet ya bae hemi mekem yumi fo kamap enemi nomoa. ?Wataem nao bae yu odarem olketa man blong yu fo no ronem olketa wantok blong olketa?”

1 Kings 3:25

Den king hemi tok olsem, “Yu tekem bebi wea hemi laef, an katem long tufala haf. Wanfala haf fo woman ya, an nara haf fo narafala woman.”

Provebs 14:12

Wanfala man hemi tingse rod hemi laekem i stret nomoa, bat hemi rod blong dae.

Provebs 17:14

Stat blong raoa hemi olsem wata hemi lus long smol hol long tangk, stopem bifoa bikfala faet i kamap.

Provebs 18:6

Toktok blong krangge man, mekem trabol kam. Hemi olsem, hem askem olketa fo wipim hem.

Provebs 30:33

Yu gagem krim blong milk, bata bae kam. Yu hitim nous blong man, blad bae kam. Yu mekem man kros, trabol bae kam.

Eklesiastes 7:9

Hemi nogud fo yu kros kuiktaem, bikos hem nao wei blong krangge man.

Jeremaea 5:31

Taem olketa profet i talemaot profesi blong olketa, olketa laea nomoa. Olketa prist gohed fo duim olketa samting wea olketa laekem nomoa. An yufala pipol blong mi i barava laekem tumas disfala wei blong olketa. ?Bat taem mi finisim olketa samting ya, wanem nao bae yufala duim?” Hem nao mesij blong Yawe.

Matiu 5:25

“An sapos eniwan hemi wande fo tekem yu go long kot fo eni rong samting yu bin duim, oraet, yu mas stretem disfala trabol wetem hem, taem yutufala no kasem kot yet. Nogud hemi tekem yu go long frant blong jaj, an jaj hemi givim yu go long han blong olketa pulis, an olketa pulis i putum yu insaet long prisin nao.