Provebs 25:20 - Pijin Bible

²⁰ Yu singsing long man hu i filnogud, hemi olsem yu putum lemon long kil blong hem.

Pijin Deuterocanon

²⁰ Yu singsing long man hu i filnogud, hemi olsem yu putum lemon long kil blong hem.

Provebs 25:20 Iomraidhean Croise

Provebs 10:26

Lesibaga long waka, hemi olsem lemon hemi saoa long maos, o smok long ae.

Provebs 25:19

Taem trabol hemi kam, sapos yu trastem man hu i no tinghevi long yu, hemi olsem tit blong yu i pein, o yu garekil long lek.

Provebs 25:21

Sapos enemi blong yu hemi hanggre, yu mas givim kaikai long hem. An sapos hemi dae long wata, yu mas givim wata long hem fo hemi dringim.

Eklesiastes 3:4

Taem hemi stap fo man krae, an taem hemi stap fo hapi. Taem hemi stap fo man sore, an taem hemi stap fo dans.

Aesaea 58:7

Yufala mas searem kaikai blong yufala wetem olketa hu i hanggre. Yufala mas letem olketa hu i no garem hom fo kam an stap wetem yufala. Yufala mas givim kaleko long olketa pua pipol hu i no garem kaleko, an yufala mas no haed from olketa wantok hu i kam fo askem yufala fo helpem olketa.

Daniel 6:18

King hemi gobaek long haos blong hem, an long naet ya hemi nating slip an hemi nating kaikai. An hemi nating laekem nomoa eniwan fo mekem hem hapi.

Leta wea Pol hemi raetem go long sios long Rom 12:15

Yufala mas hapi taem yufala stap wetem olketa pipol hu i hapi, an yufala mas krae taem yufala stap wetem olketa pipol hu i krae.

Jemes 5:15

An from olketa biliv long God taem olketa prea, Masta bae hemi mekem sikman ya fo gudbaek moa. An sapos man ya hemi garem eni sin, Masta bae hemi fogivim hem tu.