Provebs 25:2 - Pijin Bible

² Yu tinghae long God bikos hemi haedem samting. Yu tinghae long lida bikos hemi faendemaot samting.

Pijin Deuterocanon

² Yu tinghae long God bikos hemi haedem samting. Yu tinghae long lida bikos hemi faendemaot samting.

Provebs 25:2 Iomraidhean Croise

2 Samuel 1:5

An Deved hemi askem hem moa olsem, “?Hao nao yu save dat King Sol wetem Jonatan, tufala dae?”

2 Samuel 14:19

So king hemi askem olsem, “?Waswe, Joab hemi talem yu fo kam duim samting ya?” An woman ya hemi tok olsem, “Masta blong mi, olsem yu laef, mi toktru. Yu waes tumas an no eniwan i save haedem enisamting long yu. Ya, hemi tru. Joab, wakaman blong yu, hem nao hemi talem olketa toktok blong mi.

Esra 4:15

mekem yu save talem olketa wakaman blong yu fo lukaotem olketa ripot abaotem disfala taon insaet long olketa buk wea olketa grani blong yu bifoa bin raetemdaon. Sapos yu duim olsem, bae yu faendemaot wea olketa pipol blong taon ya, oltaem olketa gohed fo agensim olketa hu i rul ovarem olketa. Disfala ravis wei blong olketa hemi stat kam long taem bifoa ka-kam kasem tude, an olketa ya i gohed fo mektrabol long olketa king an olketa lida blong provins ya olowe nomoa. Oltaem hemi had tumas fo rul ovarem olketa, dastawe nao olketa ami bifoa bin spoelem taon ya.

Esra 4:19

Mi talem olketa wakaman blong mi fo sekap long disfala bisnis, an olketa faendemaot wea olketa toktok wea yufala bin talem hemi tru. Stat kam long bifoa ka-kam kasem tude, olketa pipol blong datfala taon i gohed fo agensim evri king hu i rul ovarem olketa, an olketa ya i gohed fo mektrabol olowe nao.

Esra 5:17

“King. Sapos yu fil hapi fo duim nomoa, bae yu talem olketa wakaman blong yu fo luklukgud long olketa rekod buk ya blong Babilon, fo faendemaot hemi tru wea King Saeras nao bin givimaot disfala strong toktok fo wakembaek moa Tambuhaos ya long Jerusalem, o nomoa. An taem olketa faendemaot wea hemi tru o nomoa, plis yu sendem mesij long mifala fo talem mifala wanem nao tingting blong yu long disfala bisnis.”

Esra 6:1

So King Darias hemi talem olketa wakaman blong hem fo lukaotem toktok ya blong King Saeras long olketa buk wea olketa kipim long haos blong olketa rekod long taon long Babilon.

Stori abaotem Job 29:16

Long datfala taem, Mi lukaftarem olketa pua pipol olsem wea mi dadi blong olketa, an taem trabol hemi kasem olketa strensa, mi nao mi toktok long saet blong olketa long kot.

Stori abaotem Job 38:4

?Yu stap long wea, taem mi mekem wol ya? Sapos yu save long olketa samting ya, yu talem kam long mi.

Stori abaotem Job 42:3

Yu bin ask olsem long mi, ?Hu nao hemi haedem plan blong mi long tingting wea hemi tudak? Hemi tru nao, mi bin tokabaotem olketa samting wea mi no minim save, an olketa samting wea i winim save blong mi.

Provebs 25:27

Nogud yu dringim tumas suga. Nogud yu mekhae long yu seleva.

Provebs 25:3

Olsem skae hemi antap tumas, an dipsi hemi dip tumas, yu no save long tingting blong bikman.

Eklesiastes 1:13

Mi bin yusim save an waes blong mi fo faendemaot wanem pipol i duim long disfala wol. An mi lukim dat disfala laef God hemi givim long yumi, hemi barava hevi tumas.

Diutronomi 29:28

Hemi barava kros tumas, so hemi aotem olketa from lan blong olketa olsem wea man hemi save pulumaot ravis gras long gaden blong hem. An hemi torowem olketa go long narafala kantri, an olketa stap long dea kam kasem tude.’

Diutronomi 29:29

“Yawe, God blong yumi, hemi garem samfala tingting blong hem wea hemi haedem, bat hemi talemaot olketa lo blong hem finis long yumi, an long olketa wea bae i kamaot bihaen long yumi, so yumi mas obeim hem olowe nao.”