Provebs 25:1 - Pijin Bible

¹ Hem nao samfala narafala waes toktok blong King Solomon. Olketa wakaman blong King Hesekaea long Jiuda i raetemdaon.

Pijin Deuterocanon

¹ Hem nao samfala narafala waes toktok blong King Solomon. Olketa wakaman blong King Hesekaea long Jiuda i raetemdaon.

Provebs 25:1 Iomraidhean Croise

1 Kings 4:32

Hemi talemaot 3,000 waes toktok, an hemi raetem 1,005 singsing.

Provebs 1:1

Olketa waes toktok blong King Solomon long Israel, hu hemi san blong King Deved, hem nao i stap insaet long disfala buk.

Provebs 10:1

Hem nao olketa waes toktok blong Solomon. Dadi blong waesman, hapi olowe, mami blong bikhed man, sore an krae.

Provebs 24:34

Bat wea, bae yu pua fogud, olsem man fo stil hemi tekem evrisamting blong yu.

Eklesiastes 12:9

Disfala Waes Tisa hemi gohed fo tisim olketa pipol long olketa samting wea hemi save. Hemi save gud long olketa waes toktok, an hemi gohed fo traem wea olketa i tru o nomoa.

Aesaea 1:1

Olketa toktok ya, hemi profesi wea Yawe hemi talem long Profet Aesaea, san blong Amoj, fo hemi talemaot long olketa pipol blong Jerusalem wetem olketa pipol blong Jiuda. Profet ya hemi talemaot olketa toktok ya long taem blong King Yusaea, an long taem blong King Jotam, an long taem blong King Ehas, an long taem blong King Hesekaea. Olketa evriwan ya i king long Jiuda.

Aesaea 36:22

So trifala ya Eliakim, an Sebna, an Joa i barava filnogud tumas, an trifala brekem nao kaleko blong trifala. So trifala ya i kam nao long king an talem hem evrisamting wea disfala komanda blong Asiria bin talem.

Aesaea 37:2

An hemi sendem tufala bikman blong hem, Eliakim an Sebna wetem olketa hed prist, fo go lukim Profet Aesaea, san blong Amoj. Olketa tu i filnogud an werem olketa ravis kaleko.

Hosia 1:1

Hem ya nao Mesij blong Yawe wea hemi talemaot long Profet Hosia, san blong Beeri. Yawe hemi somaot Mesij ya long hem, long taem blong King Yusaea, an long taem blong King Jotam, an long taem blong King Ehas, an long taem blong King Hesekaea, wea evriwan i bin king long Jiuda, an long taem ya tu King Jeroboam, san blong Jehoas, hemi bin king long Israel.

Maeka 1:1

Hem ya nao Mesij blong Yawe wea hemi talemaot long Profet Maeka blong taon long Moreset. Yawe hemi somaot Mesij ya long hem insaet long olketa spesol drim long taem blong King Jotam, an long taem blong King Ehas, an long taem blong King Hesekaea. Olketa evriwan ya i king blong Jiuda. Olketa spesol drim ya hemi profesi abaotem olketa pipol blong taon long Samaria, wea hemi kapitol blong Israel, an olketa pipol blong taon long Jerusalem, wea hemi kapitol blong Jiuda.