Provebs 23:7 - Pijin Bible

⁷ Hemi sei long yu, “Yu gohed, yu kaikai olsem yu laekem,” bat hemi kaen man tingim kost olowe so hemi no toktru.

Pijin Deuterocanon

⁷ Hemi sei long yu, “Yu gohed, yu kaikai olsem yu laekem,” bat hemi kaen man tingim kost olowe so hemi no toktru.

Provebs 23:7 Iomraidhean Croise

Sams 12:2

Olketa evriwan i gohed fo laea long olketa seleva nomoa. An olketa evriwan i gohed fo suitim olketa seleva long evri laea toktok.

Sams 55:21

Olketa toktok blong hem hemi suit go moa winim suga, bat long tingting blong hem, hemi barava heitem olketa narafala pipol. Ya, olketa toktok blong hem save suitim olketa man, bat wea, hemi save katem man olsem sap naef fo faet.

Provebs 19:22

Pipol laekem tumas man fo duim wanem hemi promisim. An puaman hemi moabeta winim man fo laea.

Provebs 26:23

Olsem penda long kofin hemi saen, hem nao smut tok blong ravis man.

Provebs 26:24

Man hu hemi heitem yu, hem mekem naes toktok fo haedem ravis plan.

Provebs 26:25

Nomata toktok blong hem hemi heregud, yu no bilivim. Haat blong hem i fulap nomoa long nogud tingting.

Daniel 11:27

Nomata tufala king ya bae i sidaon fo kaikai long wanfala tebol nomoa, bat tingting blong tufala bae hemi nating gud nomoa fo tufala. Bae tufala gohed fo laea nomoa long tufala. An tufala bae i no save kasem wanem tufala laekem, bikos hemi no kasem yet taem wea God hemi makem.

Gudnius abaotem Jisas Kraes wea Luk hemi raetem 7:39

Nao disfala Farasi hu hemi bin askem Jisas fo kam, hemi lukim wanem woman ya hemi duim nomoa, an hemi tingting olsem long hem seleva nao, “Sapos disfala man ya hemi profet tru, hemi mas luksave long woman ya hu hemi tasim hem. Bikos hemi wanfala woman fo olobaot ya.”

Jajis 16:15

So Dilaela hemi krae olsem long hem, “?Hao nao yu sei yu barava lavem mi tumas? !Yu gohed fo mekful nomoa long mi trifala taem finis! ?Waswe nao yu no save talemaot long mi wanem hemi mekem yu strong tumas?”